Dn 8:17 - Chuj San Sebastian Bible

¹⁷ Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

Chuj San Mateo Bible

¹⁷ Axo ix javi ángel Gabriel chi' d'a in tz'ey. Ix in em cumnajoc, ix emc'och snan̈al in sat d'a sat luum yuj xivelal. Ix yalan d'ayin: Ach anima, ojtaquejeli to a tas ix il chi', ato d'a slajvub' tiempoal ol ujoc, xchi.

Dn 8:17 Iomraidhean Croise

Gn 17:3

Yuj cha, x'em n̈ojn Abram 'a sat lu'um, ya' sb'a tzpaxtin Dios 'a 'a, 'ix syamn 'och Dios yaln 'ixtic:

Ez 1:28

'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

Ez 2:1

'Ix yaln 'ayn 'ixtic: Ach 'anma', q'uen̈ wa'an to 'ay tas 'oj wal 'ayach, xchi.

Ez 44:4

In yi'n pax 'at jun winc chi 'a 'aj 'ay junx puerta 'a stojlal norte, jun 'ay 'a yojltac yatut Dios. Ax xwilni, c'uxn 'ix macchj 'el yol yatut chi yet' stzictznial, cojn wal xwiln cha, in 'em n̈ojnjoc 'a sat lu'um.

Ez 6:2

Ach 'anma', 'ixc q'ueln 'a jolmctac witz yic chon̈b' Israel, tzaln 'at 'ixtc 'a yib'n̈ eb' 'anma chi ta':

Dn 10:11

Xyaln 'ayn 'ixtic: Daniel, ach chamc'ojlb'il yuj Dios, maclj wal ab' tas 'oj wal 'ayach. Q'uen̈ wa'an, yujto an tic in checx cot 'ayach, xchi 'ayin. A yic xyaln jun tzo'n̈ paxti chi 'ayin, in q'ue lin̈an, palta caw in 'ib'x yuj xiwlal.

Dn 10:16

Ax x'aji, 'ay jun 'icha yilx 'anma', yajn̈ej x'och yamn 'a in ti'. Xlajw cha, xwaln 'a jun mach lin̈n 'ec' 'a wojltac chi 'ixtic: Ach wajlil, yuj wal jun in waych tic, in 'och 'a somc'ojlal, caw x'el wip xwab'i.

Dn 11:27

A wal tas 'ayc' 'a snab'en chawn̈ rey cha, cojn sb'on eb' tu 'a jun jun, a chi tzna eb' sb'oni. 'Oj mol 'em wocn eb' swa 'a junc mexa, ax ya'lan eb' 'es 'a 'a, palta may junc 'a eb' chawn̈ chi 'oj 'el'choc tas tznib'ej, yujto mantzac c'och jun sc'ul alb'il can yuj Dios.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Dn 12:13

Ach xo tic Daniel, caw te'nn̈ej tzotj a b'a, masnto 'a slajb' a q'uinal, atta 'oj elji. Ax 'a yic slajb' c'ul cha, atta 'oj a q'uex wa'an, 'oj a cha spac eco', xchi jun winc chi 'ayin, xchi Daniel.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Dn 2:46

Xlajw cha, 'ix 'ejm cumnjoc win rey Nabucodonosor yi'n 'ejm sb'a 'a yojltac Daniel, 'ix ya'n win 'ajxoc xajmb'al yet' incienso 'a 'a.

Dn 7:16

In c'och 'a stz'ey junc eb' 'ayc' chi ta', 'ix in c'anb'n 'a 'a, tas wal tzyal 'el'ch jun tzo'n̈ cha. 'Ix schan sc'ojl yaln 'ayin, 'ix yaln 'ixtic:

Dn 8:15

An Daniel in tic, wanto in nan yuj tas xwil 'a in waych cha, yic tznachj 'el wu'uj tas tzyal 'el'chi. Ax xwilni 'ay jun 'icha yilx 'anma sch'ox sb'a 'a wojltac.

Dn 8:19

Xyaln 'ayn 'ixtic: 'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.

Dn 8:27

An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.

Dn 9:23

A wal yic xa chan 'el yich a leslwi, 'ix pacx a lesl yuj Dios. Yuj cha, tzin jawi yic tzwul walnc ab'i', yujto ach tic caw wal chamc'ojlb'ilch yuj Dios. A ticnec, maclj wal ab' tas 'oj wal 'ayach, nachj cab' 'el o'oj tas tzyal 'el'ch jun a waych cha.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Mt 17:8

Ax xyiln eb', man̈x 'a mach, cojxn̈ej Jesús 'ayq'ui.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 22:8

An Juan in tic, xwab'i, xwil jun tzo'n̈ tic. Ax yic xlajw wab'ni, yet' yic xwiln jun tzo'n̈ tic, in 'em cumn 'a jun ángel chi x'a'n wojcoc 'eli. 'Ix waln in b'a 'a 'a.