Dn 8:15 - Chuj San Sebastian Bible

¹⁵ An Daniel in tic, wanto in nan yuj tas xwil 'a in waych cha, yic tznachj 'el wu'uj tas tzyal 'el'chi. Ax xwilni 'ay jun 'icha yilx 'anma sch'ox sb'a 'a wojltac.

Chuj San Mateo Bible

¹⁵ A in Daniel in tic, vanto in naan tas ix vil chi', yic snachajel vuuj tas syalelc'ochi. Axo ix vilani, ay jun icha yilji anima ix sch'oxq'ue sb'a d'a vichan̈.

Dn 8:15 Iomraidhean Croise

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Dn 10:16

Ax x'aji, 'ay jun 'icha yilx 'anma', yajn̈ej x'och yamn 'a in ti'. Xlajw cha, xwaln 'a jun mach lin̈n 'ec' 'a wojltac chi 'ixtic: Ach wajlil, yuj wal jun in waych tic, in 'och 'a somc'ojlal, caw x'el wip xwab'i.

Dn 10:18

A jun lajn yilx 'icha 'anma cha, 'ix 'ochx yamn 'ayn jun 'ejm xo, yuj cha, caw x'ochx wip xwab'i.

Dn 10:5

Ax xwiln 'ati, 'ay jun winc 'aych jun spichl nab'a lino yu'uj, ax sinchail snan̈al b'ob'il 'a q'uen oro caw wach'.

Dn 12:8

'Ix wab' tas xyala, palta ma'ix nachj 'el wu'uj. Yuj cha, xin c'anb'n 'a jun chi 'ixtic: Mamin, ¿tas wal 'oj 'aj slajw 'ec' smasnil jun tzo'n̈ tic? xin chi.

Dn 7:13

'Ix wilnn̈j 'a in waych chi 'a jun 'ac'wl cha. Ax xwilni 'ay jun x'eml 'a scal 'asun, lajn yilx 'icha 'anma'. 'Ix c'och 'a stz'ey jun Mach 'ayc' 'a jun 'ejmn̈ej cha, 'ix nitzx 'o'ch 'a yojltac.

Dn 7:28

Atn slajb' jun tzo'n̈ tic xalx can 'ayn an Daniel in tic. Caw in 'ochcn 'a somc'ojlal yu'uj. Caw sacb'el in sat yuj xiwlal, palta may xon junc mach 'aj 'ix wal-l jun tzo'n̈ paxti tic, xchi Daniel.

Dn 8:1

'Ix yaln pax Daniel 'ixtic: A yic yoxl ab'il xo yoch win Belsasar reyal, 'ix 'och junx in wayich, 'a spatquil xo jun wiljnac 'a b'ab'el.

Dn 8:19

Xyaln 'ayn 'ixtic: 'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.

Zacarías 1:9

Ax xwilni 'ayc' jun ángel 'a in stz'ey, yuj cha, xin c'anb'n 'a 'ixtic: Mamin, ¿mach jun tzo'n̈ 'ay q'ue 'a yib'n̈ chej cha? xin chi. 'Ix ta'w jun ángel tzpaxtin wet' cha, xyaln 'ixtc 'ayin: 'Oj in ch'ox 'ayach, mach jun tzo'n̈ cha, xchi.

Mt 13:36

'Ix yaln can sb'a Jesús 'a eb' 'anma cha, 'ix 'ochx 'a yol n̈a. 'Ix 'och pax eb' scuywum yet'oc. Xyaln eb' 'ixtc 'a 'a: —A yab'xil te 'ac trigo 'ix ala, al 'ayn̈ on̈ tas wal tzyal 'el'chi, xchi eb' 'a 'a.

Mt 24:15

Palta 'ay jun win yajb'il yuj Dios, a 'oj 'a'nc juwc 'el jun tzo'n̈ tas. A Daniel win schecb' Dios pecti', a aljnac can yuj jun cha. A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a yol yatut Dios,

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.

Mr 13:14

Palta 'ay jun winc yajb'il yuj Dios, a 'oj 'a'nc juwc 'el jun tzo'n̈ tas. [A win Daniel, win schecb' Dios pecti', a aljnac can yuj jun cha.] A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a 'aj man̈ smojc yochi, a eb' 'ayc' 'a Judea, 'at cab' eb' 'elc 'a tzalctac.

Mr 4:12

sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Josué 5:14

Ax jun winc cha, 'ix ta'w 'a Josué 'ixtic: —Ma'ay, an tic tzin jaw in jucb'tzoc eb' soldado Jehová, xchi. A yic xyab'n Josué to 'ixta yaj jun winc cha, 'ix 'em n̈ojnjoc 'a sat lu'um, 'ix yaln 'ixtc 'a 'a: —¿Mamin, tas tza nib'j tzin b'o an a checb' in tic? xchi.

Apoc 1:13

Ax 'a snan̈l jun tzo'n̈ yet'l cantil cha, ata 'ay jun lajn yilx yet' 'anma'. 'Aych jun jucn pichl yu'uj, tz'emch 'a yoctac. Ax 'a sn̈i sc'ojol, ata 'aych jun cincha niwquil sat, caw nab'a oro.

Apoc 13:18

Toto 'ayx jeln ex, toto tznachj 'el eyu'uj, 'oj stac' e nan 'eli, tas tzyal 'el'ch snumeroal jun noc' sb'i cha. Yujto a jun número cha, tzch'ox sb'i jun 'anma'. A jun número cha, 666.