Dn 8:11 - Chuj San Sebastian Bible

¹¹ An̈jtona 'ix ste'wtzan sb'a 'a yojltac jun Syajlil eb' 'ay 'a satchan̈ cha. Smacn 'och wan yajx jun tzo'n̈ xajmb'al tz'ajx 'a jun Yajl chi 'a junjn c'u, xyixtn pax 'el jun lugar yic 'emmquilal yaji.

Chuj San Mateo Bible

¹¹ Ix stec'b'an sb'a d'a yichan̈ vin̈ yajalil eb' ay d'a satchaan̈ chi'. Ix scachanoch vaan yac'chaj silab' tz'ac'ji d'a Dios d'a junjun c'u. Ix yixtanb'at b'aj tz'ochtaxon ejmelal d'a Dios chi'.

Dn 8:11 Iomraidhean Croise

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Jeremías 48:42

A Moab, man̈x nacion̈oc 'oj 'ajcni, yujto xyij chan̈ sb'a 'a 'ayn an Jehová in.

Ez 46:14

An̈jtona 'a junjn sq'uin̈b'ial, tz'ajx pax tz'a chan̈e'oc libra 'ixm harina ofrendail 'a 'ayin, yet' pax junc litro aceite. A jun aceite cha, ton̈j tzsecx q'ue 'a yib'n̈ 'ixm harina cha. Ley tz'ajcn jun tic 'a smasnil tiempo.

Dn 11:22

Smasnil eb' 'ajc'ojl yajch 'a 'a, c'uxn 'oj satxoc 'el eb' yu'uj, an̈jtona win syajlil trato.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Dn 12:11

A yic 'oj macxoc 'och wan yajx xajmb'al tz'ajx 'a junjn c'u, yet' 'a yic 'oj 'ajxoc 'och tas yajb'il yuj Dios 'a yol scajnub' yic tzjun 'eli, 'ixta to b'i'an, ax yel yich 1,290 c'ual.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 8:12

Yuj wal stu nab'enal cha, 'ix ya'n 'och eb' soldado 'a jun lugar 'a 'aj tz'ajx xajmb'al 'a junjn c'u, smacn 'och wan yajx jun tzo'n̈ xajmb'al cha. 'Ix satx 'el jun a caw 'emmquilal yu'uj. 'Ixta to b'i'an, sb'on wal tas tznib'j sb'o'.

Dn 8:24

'Oj yic' yip si'mb'il, palta man̈oc yet' sjelnal 'a mun yico'. Caw satjub'tac 'oj yutc satn 'el smasnil tas, wach' 'oj 'el'choc yet' tas 'oj sb'o cha. 'Ay eb' 'anma caw 'ay yip, 'oj satxoc 'el eb' yu'uj, an̈jtona', niwn pax eb' schon̈b' Dios 'oj satl yu'uj.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Nm 28:3

Tzaln pax 'a eb', 'aja jun tzo'n̈ xajmb'al chi wach' stz'a 'a wojltac an Jehová in yic tzyi'n chan̈ eb' in b'i. 'A junjn c'u tz'ajx tz'a chatcwan̈ no quelm calnelu junjn ab'il sq'uinal, no may spaltail.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

A Ch'an̈ Carta D'a Eb' Hebreo 2:10

B'ob'il smasnil tas yuj Dios, sec chequel to niwn yel'chi. Tznib'ej, to a smasnil eb' yunnal, 'oj tz'acwc swach'l eb' 'icha swach'il. Yuj wal cha, yowlal xyab' Jesucristo qui Colmal syail. 'Ixta x'aj stz'acw 'el'ch yuj Dios.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.