Dn 8:10 - Chuj San Sebastian Bible

¹⁰ Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Chuj San Mateo Bible

¹⁰ Yelxo te chaan̈ ix aj sq'uib'i, masanto ix q'uec'och b'aj ay q'uen c'anal. Ix syumanemta jayeoc q'uen c'anal chi', ix stec'anem q'uen d'a sat luum.

Dn 8:10 Iomraidhean Croise

Is 14:13

'Ix aln 'ixtc yet' a nab'en: 'Oj in q'ue'ch 'a satcha'an̈; ax in b'on chan̈ in despacho 'a yib'n̈ q'ue jun tzo'n̈ c'anal yic Dios, ax wem wocn 'a lum jolm tzaln 'ay 'a stojlal norte 'a 'aj tz'och yamnil.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Dn 11:28

Ax jun sreyl norte cha, a yic 'oj meltzjoc 'a sur cha, ax yi'n cot smasnil sricoal 'oj yi'cn 'ec' 'a scal owl cha. 'Oj lajwc cha, ax yoch 'ajc'ojlal 'a 'emmquilal tzyac' eb' israel, atn jun strato Dios sb'ojnac yet' eb', ax sb'on wal smasnil tas 'oj snib'c sb'o'. 'Ixta to b'i'an, ax smeltzj pax 'a slu'um.

Dn 11:30

Yujto a eb' soldado 'ay 'a stojlal 'aj tz'em c'u, 'oj jawc eb' 'a yol barco. A eb' 'oj tennc 'och wa'an. 'Ixta 'oj 'aj xiw win sreyl norte cha, ax smeltzj pax 'a spatic. Yuj cha, ax 'a yib'n̈ strato Dios sb'ojnac yet' eb' israel, ata oj yi'l yowl sc'ojol, ax schan yab' tas 'oj yal eb' 'oj 'actnoc can jun trato cha.

Dn 7:7

Ax no schan̈l xwil 'a in waych cha, caw yel xo tu yilx no'. 'Ay xo smay yilx 'ochi, caw wal 'ay yip. Caw niwc ye no', nab'a hierro. Choc' tz'aj smasnil tas yu'uj, tzb'u'n can 'ejmi, ax jantc to tzcan yuj cha, c'uxn tzte'cn 'ejm yet' yoc. Caw chuc yilx no 'a yib'n̈ jun tzo'n̈ xo no xin b'ab'l 'ilj cha, 'ay lajn̈e sch'a'ac.

Dn 8:7

'Ix sma'n wecchjoc no sch'ac no calnelu chi schab'il. Caw man̈x 'a yip no calnelu chi ste'wtzan sb'a 'a yojltac no chiwo cha. Xlajw cha, xtelw no yuj no', ste'n can 'ejm no chiwo chi no 'a sat lu'um, may mach xcoln no 'a no'.

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.