Dn 7:7 - Chuj San Sebastian Bible

⁷ Ax no schan̈l xwil 'a in waych cha, caw yel xo tu yilx no'. 'Ay xo smay yilx 'ochi, caw wal 'ay yip. Caw niwc ye no', nab'a hierro. Choc' tz'aj smasnil tas yu'uj, tzb'u'n can 'ejmi, ax jantc to tzcan yuj cha, c'uxn tzte'cn 'ejm yet' yoc. Caw chuc yilx no 'a yib'n̈ jun tzo'n̈ xo no xin b'ab'l 'ilj cha, 'ay lajn̈e sch'a'ac.

Chuj San Mateo Bible

⁷ Axo noc' schan̈il ix vil d'a in vayich chi', te chuclaj yilji noc'. Te ay smay quilan noc', te ay yip noc'. Te nivac q'uen ye noc', nab'a hierro. Choc' tz'aj masanil tas yuj noc', sb'uc'anem noc', axo jantacto scan yuj noc', stec'canem noc'. Yelxo te ch'oc yilji jun noc' chi' d'a yichan̈ juntzan̈xo noc' ix vil d'a sb'ab'elal. Ay lajun̈e' sch'aac noc'.

Dn 7:7 Iomraidhean Croise

A Ch'an̈ Schab'l Libro Samuel 22:43

Caw choc' 'ix 'aj eb' wu'uj, 'icha wal lum pococ xwutj in te'n chojc eb', 'icha wal tz'aj ste'x lum b'i'ch 'a yol caye.

Job 41:14

¿'Aym junc mach tztac' sjacn sti no', yujto a ye no', yel xo wal 'ay smay yilxi?

Dn 2:19

Ax 'a yic jun 'ac'wl cha, 'ix ya'n Dios swaychoc Daniel jun paxti to caw c'ultac yaj cha. Yuj cha 'ix yaln win swach' paxti 'a Dios 'aj satcha'an̈.

Dn 7:13

'Ix wilnn̈j 'a in waych chi 'a jun 'ac'wl cha. Ax xwilni 'ay jun x'eml 'a scal 'asun, lajn yilx 'icha 'anma'. 'Ix c'och 'a stz'ey jun Mach 'ayc' 'a jun 'ejmn̈ej cha, 'ix nitzx 'o'ch 'a yojltac.

Dn 7:2

'Ix yaln Daniel 'ixtic: Xwil wal 'a jun in waych 'a 'ac'wl q'uiq'ui, to a 'a schan̈paq'uil yolyib'n̈q'uinal, ata 'ix cot jommoc 'ic'. Ax 'a yib'n̈ a niwquil mar xjawi, caw xma'x chan̈ chel-loc a yu'uj.

Dn 8:10

Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Dn 8:22

Ax chan̈e xo sch'ac xpa'x can 'a yic xwecchj 'el jun sb'ab'l ch'a'ac, tzyal 'el'chi, 'oj poj snan̈l jun nacion̈ cha, chan̈e nacion̈al 'oj 'eloc, palta man̈ lajnoc yip eb' yet' jun b'ab'l cha.

Zacarías 2:1

'Ix wiln pax junx 'a 'icha waychil. 'Ay jun win quelm 'et'jnac jun ch'an̈ 'echtab' lu'um.

Apoc 12:3

Yajn̈j wal cha, xcheclj junx senya 'a satcha'an̈. 'Ay jun niwquil dragón caw chac yilxi. Uque sjolom, lajn̈e sch'a'ac. Ax 'a junjn sjolm cha, 'ay q'ue scorona.

Apoc 13:1

Ax xwilni, xq'uet jun noc' sb'i 'a yojl a mar. Uque sjolom, lajn̈e sch'a'ac. Ax a junjn sch'ac cha, 'ay q'ue scorona. Ax 'a junjn sjolm cha, ata tz'ib'b'il 'och jun sb'i. Caw maysch'olnil jun sb'i chi 'a sat Dios.

Apoc 17:12

Ax lajn̈e sch'ac jun noc' sb'i cha, tzyal 'el'chi, lajn̈wan̈ niwc yajl mantzac yac' yajlil. Palta 'oj 'ajxc yopiso eb' yet' jun noc' sb'i cha, jab' wal tiempo 'oj yac' eb' yajlil yet'oc.

Apoc 17:7

Yuj cha, xyaln jun ángel chi 'ayn 'ixtic: —¿Tas yuj tzcaw sat a c'ojl eln jun tic? 'Oj wal 'ayach, tas tzyal 'el'ch jun 'ix tic, yet' jun noc' sb'i uque sjolm tic, lajn̈e pax sch'a'ac.

Apoc 17:8

A jun noc' sb'i 'ix el tic, 'ayc' 'a pecti', palta man̈x 'ayc 'ec' ticnec. Palta 'oj q'ue paxt 'a jun xab' olan, yic mantzac 'at 'a chaml 'a jun 'ejmn̈ej. Ax eb' 'anma man̈ tz'ib'b'ilc sb'i 'a jun libro yic q'uinal, yictax mantzac b'o yolyib'n̈q'uinal, caw 'oj sat sc'ojl eb' yiln jun noc' sb'i chi 'ayc' 'a pecti cha. Yujto wach'xam man̈x 'ayc 'ec' ticnec, palta 'oj jawc pax 'a scha'ejmal.