Dn 7:5 - Chuj San Sebastian Bible

⁵ Ax no schab'il, lajn yilx 'icha no oso, tz'eyn 'ejm jun pac' sniwnal 'a yib'n̈ jun pac' xo. Ax 'a yol sti', ata 'aych 'oxe sb'acl costl 'a slot'l ye. 'Ix wab'n yalx 'a 'ixtic: ¡'Ixic, chi 'ejm jantc chib'j tza nib'j tza chi'a, xchi jun cha.

Chuj San Mateo Bible

⁵ Axo noc' schab'il, lajan yilji noc' icha noc' oso, tz'eyanq'ue jun pac'an̈ snivanil noc' d'a yichan̈ junxo pac'an̈. A d'a yol sti' noc', ay oxe' b'aquil costil. Ix vab'an yalchaj d'a noc': Ixic, tza chi'an jantac chib'ej snib'ej a c'ool, xchi d'a noc'.

Dn 7:5 Iomraidhean Croise

A Ch'an̈ Schab'il Libro Yic Yab'ixal Eb' Rey 2:24

'Ix meltzj 'at q'ueln 'a eb', 'ix scatb'tzan can eb' 'a sb'i Jehová. Yajn̈j wal cha, 'ix 'elt chawn̈ no oso 'a calte', scotc ch'iychtan 'at no 42 eb' quelmtac winc cha.

Pr 17:12

Yel xom wach' tzqui chajec qui b'a yet' junc no snun oso 'ic'b'il 'el yune 'a spatic, 'a yib'n̈ to tzqui chajec qui b'a yet' junc mach wan sb'on tas tu'.

Is 56:9

Tzyaln Dios 'ixtic: E masnil ex chuc chon̈b'al, cotn̈ec milwjoc, wul satc 'el eb' in chon̈b' tic 'icha tzyac' no chiwjum noc', mto no calte'al noc' yet' no calnelu,

Dn 11:2

A ticnec, 'oj wac' ojcoc 'el jun tzo'n̈ tas to caw yel 'oj ujoc. 'Ayt chan̈wn̈ eb' rey 'oj yac' yajlil 'a Persia cha, 'oj 'e'cn 'oxwn̈ eb', ax yoch win schan̈l cha. A jun cha, yel xo 'oj q'ue'choc ricoal 'a yib'n̈ 'oxwn̈ xo eb' cha. Yuj wal sricoal cha, ax yi'n wal yip eb' soldado, ax ya'n owl si'mb'il yet' jun sreyl Grecia cha.

Dn 2:39

A yic 'oj lajwc 'ec' jun opiso tic mamin rey, 'ay junx nacion̈ 'oj q'ue wa'an, ax ya'n reyal, palta ma'oj q'ue'choc sjelnal 'icha ec tic. 'Oj lajwc cha, ax sq'ue wan junx yoxl nacion̈ ya'n reyal, atn jun chi tzch'ox q'uen bronce cha, 'oj yac' yajlil 'a sat smasnil lum lum tic.

Dn 5:28

UPARSIN: A 'a macb'en 'aj 'aych 'och reyal, tox 'ix 'ijx 'ec' 'ayach, 'ix pojx 'ec' 'a eb' 'aj Media yet' eb' 'aj Persia, xchi Daniel.

Dn 7:4

A jun no xb'ab'l q'ueta, lajn yilx 'icha no león, palta 'ay sc'axl 'icha no salt'iw. Ya' sb'a wanto wiln cha, ax xwilni 'ix to'x 'el jun tzo'n̈ sc'axl cha, xlajw cha, x'ijx chan̈ lin̈n 'a sat lu'um. 'Icha 'anma x'aj chan̈ lin̈an. 'Ix jelmj snab'en, 'icha xo snab'en 'anma x'ajcni.

Dn 7:6

Ax no yoxil, lajn yilx 'icha no leopardo. 'Ay chan̈e sc'axl 'a spacl yich spatquil. 'Ix wiln paxi to 'ay chan̈e sjolom, 'ix 'ajx 'och yopiso no'.

Os 13:8

'Oj welt jomnjoc 'a e sat 'icha junc no snun oso tz'ijx 'el yune 'a 'a, 'oj ex in ch'iychtoc can ta', 'icha tzyutj no león, mto 'icha tzyutj junc xo no calte'al noc' sch'iychtan schib'ej.

Apoc 13:2

A jun noc' sb'i xwil cha, lajn yilx 'icha no tigre. A yoc, lajn 'icha yoc no oso. Ax sti', lajn 'icha sti no león. Ax win dragón cha, 'ix yac' win spoder 'a 'a. 'Ix ya'n 'och win yajlil sjeloc. Til wal yopiso win xyac' 'a 'a.