Dn 7:16 - Chuj San Sebastian Bible

¹⁶ In c'och 'a stz'ey junc eb' 'ayc' chi ta', 'ix in c'anb'n 'a 'a, tas wal tzyal 'el'ch jun tzo'n̈ cha. 'Ix schan sc'ojl yaln 'ayin, 'ix yaln 'ixtic:

Chuj San Mateo Bible

¹⁶ Ix in och d'a stz'ey junoc lin̈anoch ta', ix in c'anb'an d'ay tas syalelc'och juntzan̈ chi'. Ix tac'vi d'ayin icha tic:

Dn 7:16 Iomraidhean Croise

Dn 7:10

'Ay jun c'ac' tz'elt 'a yojltac 'icha sb'ey a a'. Caw smil-l xo sb'isl eb' tz'a'n servil, smiyon̈al xo sb'isl eb' lin̈n 'och 'a yojltac. Xlajw cha, x'el yich yoch b'eyc'ojlal, 'ix jacw jun tzo'n̈ ch'an̈ libro.

Dn 7:17

A chan̈wn̈ no noc' xel cha, atn chan̈e nacion̈ 'oj yac' yajlil 'a yolyib'n̈q'uinl tic tzch'oxo.

Dn 8:17

Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

Dn 9:22

'Ix yaln 'ayn 'ixtic: Daniel, a ticnec tzin jaw 'ayach yic tzwul wa'nc a jelnal, sec tznachj 'el o'oj tas jun tzo'n̈ wan a cuyn tic.

Zacarías 1:19

Xlajw cha, xin c'anb'n 'ixtc 'a jun ángel tzpaxtin wet' cha: ¿Tas tzyal 'el'ch chan̈e ch'ac cha? xin chi 'a 'a. 'Ix yaln 'ayn 'ixtic: A chan̈e ch'ac cha, tzch'ox yipl jun tzo'n̈ nacion̈ 'a'jnac sactzic eb' 'aj Judá, eb' 'aj Israel yet' eb' cajn 'a chon̈b' Jerusalén, xchi.

Zacarías 2:3

Xlajw cha, 'ix 'at jun ángel cha. 'Ay junx ángel x'elt wul chanoc, a 'ix aln 'ixtc 'a 'a:

Zacarías 3:7

A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.