Dn 7:11 - Chuj San Sebastian Bible

¹¹ An tic, caw q'ueln in 'ochn̈ej 'a jun noc' chi yuj jun tzo'n̈ paxti yic b'an̈jb'al tzyal jun syune ch'ac cha. Ya' sb'a wanto wiln cha, 'ix ma'x cham jun noc' cha, caw choc' x'aji. Wal 'a yajn̈ej xjulx 'at 'a scal c'ac', 'ix tz'a'i.

Chuj San Mateo Bible

¹¹ Q'uelan inn̈ejoch yuj juntzan̈ b'uchval lolonel van yalan jun yune' ch'aac chi'. Yacb'an van vilan chi', ix mac'jicham jun noc' chi'. Choc'xon̈ej ix aj noc', ix yumjib'at noc' d'a scal c'ac', ix tz'ab'at noc'.

Dn 7:11 Iomraidhean Croise

Dn 11:45

Ax sb'on chan̈ scamplamento 'a snan̈l a niwquil mar yet' 'a jun tzaln to yicn̈ej Dios yaji, atn jun tzaln caw wal wach' yilxi. Palta atnta 'oj c'och stiempoal slajw yopiso, man̈x 'a junc mach 'oj colnoc.

Dn 7:12

An̈jtona pax jun tzo'n̈ xo no noc' cha, 'ix 'ijx 'ec' yopiso e no', palta 'ix can to eb' junx tiempoal.

Dn 7:8

Ya' sb'a wanto wiln jun tzo'n̈ sch'ac cha, ax xwilni xpac' q'uel junx yune sch'ac 'a scal jun tzo'n̈ xo cha. A yic xq'ueli, 'ix 'ec' stenn̈c 'el 'oxe sb'ab'l ch'ac cha. Sch'ocxoj jun chi xcan 'a yet'l 'oxe cha. A jun sch'ac cha, 'ay yol sat, 'ay sti 'icha 'anma', caw tzb'an̈ sb'a yet' tas tzyala.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

2 Ts 2:8

At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.

Apoc 20:4

Ax xwilni, 'ay jun tzo'n̈ despacho. Ata wocn 'ejm jun tzo'n̈ eb' 'ac'b'il yopiso sb'eyc'ojlwi. 'Ix wiln pax spixn jun tzo'n̈ eb' tzuc'b'il 'el sjolom, yujto ya'jnac testigoal sb'a eb' yuj Jesús, yaln pax 'el eb' spaxti Dios. A eb' cha, ma'ix yal sb'a eb' 'a jun noc' sb'i, yet' 'a jun yechel. Ma'ix schaj 'och eb' senyail 'a snan̈l sat mto 'a sc'ab'. Ax xwilni, pitzn eb'. 'Aych eb' yajlil jun mil ab'il yet' Cristo.