Dn 7:1 - Chuj San Sebastian Bible

¹ 'Ay jun 'ac'wal, 'a yic yab'lil xo yoch win Belsasar reyl 'a Babilonia, 'ay jun swaych Daniel x'ochi. 'Ay tas xyil 'a swaych cha. Ax 'a yic x'el swayan̈, 'ix stz'ib'n can jun tzo'n̈ tas caw niwc yel'ch xyil cha.

Chuj San Mateo Bible

¹ A d'a yic b'ab'el ab'il yoch vin̈aj Belsasar reyal d'a Babilonia, ay jun ac'val, ay juntzan̈ tas ix ac'ji vil a in Daniel tic d'a in vayich. Axo ix in q'ue vaan, ix in tz'ib'an tastac nivan yelc'och d'a in vayich chi'. Aton juntzan̈ tic ix in tz'ib'ejcani:

Dn 7:1 Iomraidhean Croise

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 46:2

A 'a yic jun 'ac'wl cha, waychil xpaxtin Dios yet'oc, xyaln 'ixtic: Jacob, xchi. Xta'w win 'a 'a: —Waj 'a tic Mamin, xchi.

Job 4:13

A 'a 'ac'wal, 'a yic yorail tzcot swayn̈ eb' 'anma', ata x'och jun in waych tu yilxi.

Is 30:8

'Ix yaln Dios 'ayn 'ixtic: A ticnec, tz'ib'j can 'a yojl junc u'un̈, yuj smasnil tas wan waln 'aych tic, sec tzcan 'ab'xil 'a eb' et chon̈b' tic 'a smasnil tiempo.

Is 8:1

'Ix yaln pax Jehová 'ayn 'ixtic: Say junc niwquil u'un̈, ax a tz'ib'n 'ejm jun paxti tic 'a 'a. Caw wach' tzotj a b'oni, niwc tzotj stz'ib'ul. Maher-salal-hasbaz, 'ixta tzotj a tz'ib'ni.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 36:32

Xlajw cha, xwi'n pax cot junx b'e'n̈ ch'an̈ u'un̈, 'ix wa'n 'a win Baruc, win 'ajtz'ib' yaj 'ayin. Ax win stz'ib'n pax smasnil tas 'ix walx cha, tzyal 'el'chi, atn smasnil tas tz'ib'b'il 'a ch'an̈ sn̈us win Joacim. 'Ayt jun tzo'n̈ xo stz'acb' xwac' stz'ib'c 'och to pax 'a ch'an̈.

Jeremías 36:4

'Ix wawtn cot win Baruc yunnal Nerías. 'Ix waln smasnil tas 'ix yal Jehová 'ayin, ax Baruc cha, a 'ix tz'ib'n 'a jun ch'an̈ u'un̈.

Ez 1:1

An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Dn 2:1

A yic schab'l ab'il xo yoch win Nabucodonosor reyal, ata 'ix 'och jun tzo'n̈ swaych winac. Yuj wal jun tzo'n̈ swaych win cha, caw x'och win 'a somc'ojlal, man̈xtzac cot xon swayn̈ win yu'uj.

Dn 2:26

'Ix yaln win rey chi 'ixtc 'a Daniel, tzcuch pax Beltsasar: —¿'Ojm stac' aln ach tic tas 'ix wil 'a in waych cha, yet' pax tas tzyal 'el'chi? xchi winac.

Dn 4:13

Ax xwiln 'a in waych cha, 'a 'a scal eb' yángel Dios stan̈mal yolyib'n̈q'uinl tic, ata 'ix cot jun ángel chi 'a satcha'an̈, 'ix 'eml 'a yolyib'n̈q'uinl tic:

Dn 4:5

Palta 'ay jun 'ac'wal, yic waync in, 'ix 'och jun in wayich. A wal tas 'ix wil cha, caw wal in xiw chan̈ yu'uj.

Dn 5:1

A Belsasar win sreyl Babilonia, 'ix sna win jun niwquil q'uin̈ yet' jun niwn wa'el. 'Ix yawtn cot win jun mil eb' niwc yajl 'aych yopiso 'a yol snacion̈ cha. Syamn 'och win yuc' 'an̈ yet' eb'.

Dn 5:22

Ach tic mamin rey Belsasar, yixchicn ach jun winc cha, wach'xam ojtac tas 'ajnac, palta matz ej 'ejm xon a b'a jab'oc.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Dn 7:13

'Ix wilnn̈j 'a in waych chi 'a jun 'ac'wl cha. Ax xwilni 'ay jun x'eml 'a scal 'asun, lajn yilx 'icha 'anma'. 'Ix c'och 'a stz'ey jun Mach 'ayc' 'a jun 'ejmn̈ej cha, 'ix nitzx 'o'ch 'a yojltac.

Dn 7:15

An Daniel in tic, caw in xiwcha'an̈, yic xwiln jun tzo'n̈ cha, in 'och 'a 'il yu'uj.

Dn 7:7

Ax no schan̈l xwil 'a in waych cha, caw yel xo tu yilx no'. 'Ay xo smay yilx 'ochi, caw wal 'ay yip. Caw niwc ye no', nab'a hierro. Choc' tz'aj smasnil tas yu'uj, tzb'u'n can 'ejmi, ax jantc to tzcan yuj cha, c'uxn tzte'cn 'ejm yet' yoc. Caw chuc yilx no 'a yib'n̈ jun tzo'n̈ xo no xin b'ab'l 'ilj cha, 'ay lajn̈e sch'a'ac.

Dn 8:1

'Ix yaln pax Daniel 'ixtic: A yic yoxl ab'il xo yoch win Belsasar reyal, 'ix 'och junx in wayich, 'a spatquil xo jun wiljnac 'a b'ab'el.

Jl 2:28

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' 'ichmtac 'anma', 'oj in paxtin 'a eb' 'a swayich, ax eb' quelmtac, 'oj in ch'ox jun tzo'n̈ tas 'a eb', 'a 'icha waychil.

Am 3:7

An̈jtona', toto 'ay tas tzb'o Jehová Dios, yowlal tzyalcn 'a eb' schecb' b'ab'el.

Habacuc 2:2

'Ix yaln Jehová 'ayn 'ixtic: A tas 'oj in ch'ox 'aych tic, wach' tzotj a tz'ib'n can 'a jun pachc lum tz'acb'il lu'um, sec a mach 'oj 'awtnoc, wach' 'oj yutc yi'n b'ey jun tzo'n̈ paxti tic.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

2 Co 12:1

Nab'a tzwixtj in b'a waln in b'a wach'il. Yel xo wach' tzwalb't 'ayx yuj jun tzo'n̈ 'icha waychil wiljnac, yet' jun tzo'n̈ xo tas ch'oxb'il 'ayn yuj Cajlilec.

Apoc 1:19

Tz'ib'j can jun tzo'n̈ tzel tic, atn jun tzo'n̈ 'ayc' ticnec, yet' jun tzo'n̈ tot 'oj ujoc.

Apoc 10:4

Xlajwn̈ej spaxtin uque tzc'an̈ c'u cha, 'ijn xin tz'ib'j tas xwab'i, palta 'ay jun 'a satchan̈ 'ix aln 'ayn 'ixtic: —A tas xyal uque tzc'an̈ c'u cha, ton̈j tza mol 'a a nab'en. Man̈ a tz'ib'oc, xchi 'ayin.