Dn 6:8 - Chuj San Sebastian Bible

⁸ A ticnec jun mamin rey, 'ac' a firma 'a jun ley tic, sec wach' may junc mach tztac' sjelni, a tzyal yaln qui leyl an̈ 'aj Media yet' an̈ 'aj Persia on̈ tic, to man̈xtzac 'ec' jun ley cha, xchi eb'.

Chuj San Mateo Bible

⁸ Yuj chi', mamin rey, ac' tz'ib'chaj jun ley chi', tzac'anoch a sello d'ay yic vach' malaj mach syal sq'uexani. A' co ley a on̈ medos yed' persas on̈ tic, max yal-laj yec'b'ati, xchi eb' vin̈.

Dn 6:8 Iomraidhean Croise

Ester 1:19

Yuj cha, toto wach' tzab' mamin rey, 'ac' b'o junc ley, tz'ib'x can 'a yol yun̈al qui leyl an̈ 'aj Persia yet' an̈ 'aj Media on̈ tic, sec man̈x 'a b'a'n̈ 'oj jelxoc: Man̈x 'a cab' b'a'n̈ 'oj jawc 'ix reina Vasti 'a yojltac win rey, xchi cab' jun ley cha. Ax junc 'ix 'ix yel xo wal wach' 'a yib'n̈ 'ix, a 'ix tz'ochx can reinail sjelc 'ix cha.

Ester 3:12

A 'a yic yoxlajn̈il yoch b'ab'l 'uj 'a jun ab'il cha, 'ix 'awtx smasnil eb' yajtz'ib' win rey, ax eb' stz'ib'n jun ley 'ix yac' Amán b'o'oc, yic tz'ajx 'at 'a junjn eb' yajl 'ay 'a junjn niwc chon̈b' 'ay 'a yol smacb'en win rey. A jun ley cha, 'ix tz'ib'x 'a sti', yet' 'a sletra junjn chon̈b'al eb' 'anma', 'ix 'och seyo win rey 'a 'a, yujto locn win 'ix alni.

Ester 8:10

A jun tzo'n̈ carta 'aj stz'ib'x jun ley cha, 'ix yac' pax win rey seyo 'a ch'an̈. Xlajw cha, x'ajx ch'an̈ 'a eb' checab', ax eb' x'i'n 'at ch'an̈, xq'ue eb' 'a yib'n̈ e no chej caw jeln sb'eyi, atn e no schej win rey 'ayc' 'a scabayerisa.

Ester 8:3

Xlajw cha, x'atx Ester chi paxtinc yet' win rey jun 'ejm xo. X'em cumnjoc sc'ochx 'a yojltac winac, syamn 'och 'ix yoq'ui, 'ix yaln 'ix 'ixtic: Mamin rey, comnoc to tzsatx 'el jun ley caw tu sb'ojnac win Amán yin̈tl Agag, comnoc matz 'el'ch tas tzyal chi 'a yib'n̈ eb' wit israelal, xchi.

Ester 8:8

A ticnec, tz'ib'jec 'at 'icha wal tas tze na'a, yuj e wach'loc yet' smasnil eb' eyit chon̈b' cha. Tzeya'n 'och in b'i, yet' pax in seyo yic wopiso 'a ch'an̈, yujto a junc ch'an̈ un̈ 'aj 'aych in b'i, 'aych pax in seyo 'a 'a, caw matz tac' stenx 'ec' tas tzyala, xchi winac.

Salmos 94:21

Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.

Is 10:1

'Oltacx wal ex tzcob' e b'o jun tzo'n̈ ley man̈ tojloc, tzcob' eya'n alxoc 'eli, palta ton̈j tz'ixtx 'el 'anma eyu'uj.

Dn 5:28

UPARSIN: A 'a macb'en 'aj 'aych 'och reyal, tox 'ix 'ijx 'ec' 'ayach, 'ix pojx 'ec' 'a eb' 'aj Media yet' eb' 'aj Persia, xchi Daniel.

Dn 6:12

Wal 'a yajn̈ej x'at eb' 'a win rey, xyaln eb' yuj jun ley alb'ilx 'el cha, xyaln eb' 'a win 'ixtic: —Mamin rey, totn 'ix ac' alxoc 'el jun ley, chajtlto tzann̈j mach tzyal sb'a 'a sdiosal, mto 'a junc xo comn 'anma 'a jun 'ujl tic, toto man̈oc 'aych tzyal sb'a, tojln̈ej sjulx 'ejm 'a yol yet'l e no león 'aj 'ayq'ui, xchi eb'. 'Ix ta'w win rey chi 'ixtic: A jun ley cha, 'ixtnta ton yaji, yowlal tzyiclxi, a tzyal yaln qui leyl an̈ Media yet' an̈ Persia on̈ tic, caw man̈xtzac 'ec' jun ley cha, xchi winac.

Dn 6:15

A yic wan xo yem c'u, 'ix c'ochx oyn̈joc eb' winc chi 'a yojltac win rey, xyaln pax eb' 'a win 'ixtic: —Ojc wal si'mb'il mamin rey, to a qui leyl an̈ 'aj Media yet' an̈ 'aj Persia on̈ tic, chajtlto a junc ley mto junc paxti tox 'ix yac' win rey sfirma 'a 'a, caw man̈xtzac stac' yeq'ui, xchi ewinac.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.