Dn 6:5 - Chuj San Sebastian Bible

⁵ Xlajw cha, 'ix yaln eb' 'ixtic: May junc tas tz'ilchj cujec 'a winac, yic tzca'nec 'och 'a yib'n̈ yuj scuynb'il yet' sDiosal, xchi eb'.

Chuj San Mateo Bible

⁵ Yuj chi' ix ochn̈ej ijan eb' vin̈ snaani, ix yalan eb' vin̈: Malaj val junoc tas syal calanq'ue d'a spatic vin̈, an̈ej yuj sc'anab'ajan sDiosal vin̈, xchi eb' vin̈.

Dn 6:5 Iomraidhean Croise

Ester 3:8

Yuj cha, 'ix yaln Amán 'a win rey Asuero 'ixtic: —A 'a smasnil chon̈b' 'ayc' 'a yol a macb'en 'ach mamin rey, 'ay wal jun macn̈ 'anma chuc yeli; chuc yel sley 'a yib'n̈ jun tzo'n̈ xo chon̈ab', matz yiclj xon a ley mamin rey. Caw man̈ smojc cajnn̈ej 'ec' eb' 'a yol a macb'en 'aj tzac' reyal.

Salmos 37:32

A eb' tzb'on maysch'olnil, q'uelnn̈ej 'och eb' 'a eb' wach' sb'eyb'al, 'aychn̈ej 'a snab'en eb' smiln eb'.

Jeremías 29:7

Munljan̈c yuj swach'loc jun chon̈b' 'aj ex wa'cn 'at cha. C'anc in colwal 'a yib'an̈, q'uinloc caw wach' yajc' jun chon̈b' cha, to 'ixta', caw wach' 'oj eyajc' pax ax tic.

A Ch'an̈ B'ab'el Libro Samuel 24:17

'Ix yaln 'ixtc 'a David: —Ach tic caw wal tojl a nab'en 'a wib'an̈, caw 'ay a niwnc'ojlal, yuj cha, ma'in a mil chamoc, caw wach' xotj 'a pactzan in tu nab'enal 'ayach.

A Ch'an̈ B'ab'el Libro Samuel 29:3

A eb' syajlil eb' soldado filisteo cha, 'ix sc'anb'j eb' 'ixtc 'a win Aquis cha: —¿Tas tzwul sb'o ewin hebreo tic 'a qui calc tic? xchi eb'. —Atn win David tic, schecb' Saúl sreyl Israel, palta 'ayx yab'lil 'ayc' wet' 'a tic. A yictax xjaw wet'oc, mant xon junc spaltail tzwila, xchi win 'a eb'.