Dn 6:4 - Chuj San Sebastian Bible

⁴ Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'.

Chuj San Mateo Bible

⁴ Axo juntzan̈ eb' vin̈ yetyajalil vin̈ chi', ix say modo eb' vin̈ tas tz'aj yemta vin̈ d'a yopisio chi'. Palta te c'anab'ajum vin̈, max elc'an vin̈ d'a tas sc'ulej, ayoch spensar vin̈ d'a yopisio chi'. Yuj chi' malaj junoc tas syal yalanq'ue eb' vin̈ d'a spatic vin̈.

Dn 6:4 Iomraidhean Croise

Gn 41:38

Xyaln win 'ixtc 'a ewin 'aych yajlil yet' cha: —¿Yamto 'ay 'aj tz'ilchj junc xo winc cujec, to 'aych Yespíritu Dios 'a 'a, 'icha win tic? xchi winac.

Gn 43:18

Yuj cha, caw xiw chan̈ ewinac, yujto x'ijx 'at eb' 'a yatut winac. Xlaj yal-lanc eb' 'a junjn 'ixtic: —Caw tu jun tic, tecn yuj q'uen tumn xyac' meltzjoc ewin 'ayn̈ec, yuj cha, tzon̈ 'ijxec cot 'a tic, tecn 'oj on̈ ya'ch ewin smosooc yet' e no qui chejc tic, xchi ewinac.

Pr 29:27

A eb' 'anma wach' snab'en, matz nib'j eb' yil eb' maysch'olnil snab'en; an̈jtona eb' maysch'olnil snab'en cha, matz nib'j eb' yil eb' wach' snab'en cha.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Jeremías 29:7

Munljan̈c yuj swach'loc jun chon̈b' 'aj ex wa'cn 'at cha. C'anc in colwal 'a yib'an̈, q'uinloc caw wach' yajc' jun chon̈b' cha, to 'ixta', caw wach' 'oj eyajc' pax ax tic.

Dn 3:8

A 'a yic cha, 'ay jun tzo'n̈ ewin caldeo 'ix wul 'a'nc 'och sc'a'l eb' 'aj Judá 'a win rey.

Dn 5:12

Caw wal chuc yel sjelnal, caw 'ay pax snab'en. Tztac' yalni tas tzyal 'el'ch jun tzo'n̈ wayich, yet' jun tzo'n̈ paxti 'ajltac snachj 'eli, tzb'on pax yaj eb' 'anma tzsomchj 'el snab'en. A jun winc cha, Daniel sb'i, ax win rey chi x'a'n scuch Beltsasar. Mamin rey, comnoc tzac' 'awtxoc cot Daniel cha, ax 'oj alnc 'ayach, tas tzyal 'el'ch jun tzo'n̈ letra tz'ib'b'il 'och 'a sat yich n̈a cha, xchi 'ix.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Mt 26:4

Ata xlaj yal eb', tas 'oj yutc eb' ya'n 'och 'es 'a yib'n̈ Jesús, sec tzyamchj yuj eb', tzmiln eb'.

Mt 27:18

'Ixta xyal winac, yujto yojc xoni, to yuj schichnc'ojlal ewin sat ya'mal 'och sti eb' 'anma 'a Dios, 'ix ya'n 'och ewin Jesús 'a yol sc'ab'.

Lc 20:20

Yuj cha, schecn 'at ewin jaywn̈ schecab', x'at smaclnoc eb' yila', checl to matz 'och smul. Ax 'ix c'och eb', caw tojl xcob' yutc eb' snab'en yila'. 'Ix cob' slocnc eb' sc'umoc, sec toq'ue 'ay tas tzyac' palta yalni, sec tz'at ya'ch eb' 'a yol sc'ab' win yajal.

Lc 20:26

Toxn ma'ix yac' ganar eb' yoch spaltail 'a sat eb' 'anma yuj tas tzyala. Caw 'ix sat sc'ojl eb', sictac xoj x'aj eb'.

Lc 22:2

Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix sayn ewin tas 'oj yutc smiln Jesús 'a c'ultaq'uil, yujto tzxiw ewin yuj eb' 'anma'.

Jn 19:4

Xlajw cha, 'ix 'el paxt win Pilato 'aj 'aycn eb' 'aj Judea chi 'a sti'. 'Ix yaln pax 'elt win 'ixtc 'a scal eb': —'Iltec, tic tzin ch'ox 'elt win 'ayex, sec tzeyojquej 'eli, to may jac smul tz'ilchj wu'uj, xchi win 'a eb'.

2 Co 11:12

Palta an̈j 'ijnocn̈ej 'oj wutc in b'a, 'ichan̈ej 'ec' wutjnac in b'a xon 'a e cal. Sec wach' a eb' tzsayc' tas tzyutj sb'an̈n sb'a, 'oj can eb' 'a yaln̈ wu'uj, yujto tzcob' yal eb', to lajn yopiso eb' quet' on̈.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

Tito 2:8

Tojln̈ej tzotj a cuywj 'a eb', sec wach' matz tac' yaln eb', to maysch'olnil jun chi tzac' scuy eb'. Toto 'ixta', toxn̈ej 'ay eb' tzchichni, palta 'oj q'uixwc 'el eb', yujto may junc tas tztac' yaln eb' 'a qui patquil.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

Jueces 14:4

Man̈ yojcoc eb' mamb'il cha, toto a Jehová 'ay snab'en jun cha, yujto wan sayn tas tz'aj slajw 'el eb' filisteo yuj owal. A 'a jun tiempoal cha, a eb' israel 'aycn 'a yaln̈ schecnb'il eb' filisteo.

A Ch'an̈ B'ab'el Libro Samuel 12:4

Yuj cha, xyaln eb' chon̈b' chi 'ixtic: May jun 'ejmoc x'och a mul 'ayn̈ on̈, may 'aj on̈ extej, may pax 'ajtil a chajnac q'uen c'ultac tumn 'ayon̈, xchi eb'.

A Ch'an̈ B'ab'el Libro Samuel 18:14

Yujto caw 'aychn̈ej Jehová yet' David, tzya'n̈j ganar 'a smasnil tas tzb'o'o.

A Ch'an̈ B'ab'el Libro Samuel 22:14

Yuj cha, xta'w Ahimelec 'a win rey chi 'ixtic: —¿Mach wal junc 'a scal eb' a checb' tic mamin rey to caw yiclum 'icha David? Yet' pax caw a n̈i winac, yajl pax yaj win 'a eb' soldado tzach tan̈wni, caw tz'ijx chan̈ sb'i win 'a yol a despacho.