Dn 6:22 - Chuj San Sebastian Bible

²² A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Chuj San Mateo Bible

²² Ix scheccot jun yángel in Diosal yic smacan sti' noc' choj tic. Yuj chi' malaj val jab'oc tas ix in yutej noc', yujto yojtac to malaj jab'oc in mul d'a yichan̈. Malaj pax tas chuc ix in c'ulej d'ayach, xchi vin̈.

Dn 6:22 Iomraidhean Croise

Gn 40:15

Yujto an tic, ton̈j 'elc'b'iln cot 'a scal eb' hebreo, man̈ in mojc 'ayn 'och 'a preso tic, yujto may xon jac tas tu xin b'o'o, xchi José cha.

A Ch'an̈ Schab'l Libro Samuel 22:7

A yic 'ayn 'ec' 'a scal in somc'ojlal, xwaln in b'a 'a Jehová, xin c'ann scolwal in Diosal, 'ix yab'n yel waw yic 'ayc' 'a yol yatut, ¡'Ix c'och waw 'a schiquin!

A Ch'an̈ B'ab'el Libro Yic Yab'ixal Eb' Rey 13:28

Xlajw cha, x'at winac, 'ix c'och win 'aj t'ocn 'ec' jun niwnal cha, ax no b'uru yet' no león cha, 'ayc' e no 'a stz'ey jun niwnal cha. A no león cha, mant 'a jac jun niwnal chi tox 'ix schi no', may pax 'ix yutj no b'uru cha.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Salmos 118:28

Ach qui Diosal on̈, tzcal yuj diosal 'ayach, yujto niwn el'chi. Smoj caln qui wach' paxti 'ayach.

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

Salmos 31:14

Mamin Jehová, an xo tic cojn ach 'aych 'och yipc in c'ojol. Tox 'ix wal 'ixtic: Ach tic in Diosal ach, xin chi.

Salmos 34:7

A yángel Jehová a tztan̈wni eb' yiclum 'a Dios, tzoyy 'ec' 'a stz'ey eb', tzcolx 'el eb' yu'uj.

Salmos 38:21

Mamin Jehová, ach in Diosal, man̈ in actc can in ch'ocoj. Man̈ e'l a b'a 'a in tz'ey.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 37:18

An̈jtona', 'ix in c'anb'n 'a win rey Sedequías chi 'ixtic: —¿Tas wal in mul 'ix 'och 'aych mamin rey, yet' 'a eb' et yajlil, yet' pax 'a eb' chon̈ab', yuj cha, in a'n 'ajxoc 'och 'a preso?

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:20

A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic: —¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Dn 6:4

Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'.

Dn 6:7

Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Nm 20:16

Yuj cha, 'ix qui c'an scolwal Jehová quet'oc, 'ix yab'n yel caw 'a 'a, xya'n cot jun yángel yic on̈ yi'n 'elt 'a Egipto. Ax ticnec, caj 'a yol smacb'en Cades 'a smon̈jonal lum e lu'um.

Mt 27:46

Xlajwn̈ej cha, caw 'ip x'awj chan̈ Jesús, xyaln 'ixtic: —Eloí, Eloí, ¿lama sabactani? xchi. Tzyal 'el'chi: Ach in Diosal, ach in Diosal, ¿tas yuj tzin actj can in ch'ocoj? xchi.

A Tas Sc'ulejnac Eb' Schecab' Jesús Hechos 12:11

Ax 'ix yilni to caw yel. Yuj cha, 'ix yaln 'ixtic: —A ticnec, tzwila, caw yel 'ix schec cot Wajlil jun yángel in wul scol 'elt 'a yol sc'ab' win Herodes. In colchj pax 'elt 'a yaln̈ jantcn̈ej tas tznib'j eb' wit israelal tzya'ch 'a wib'an̈, xchi.

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

A Tas Sc'ulejnac Eb' Schecab' Jesús Hechos 27:23

Yujto a 'a 'ac'wl q'uiq'ui, 'ix wul sch'ox sb'a jun yángel Dios 'ayin. Atn Dios tzwac' servil, yujto yic in.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ Carta D'a Eb' Hebreo 11:33

A eb' cha, caw ya'jnac 'och eb' Dios 'a sc'ojol. Yuj cha, 'ay eb' ya'jnac ganar jun tzo'n̈ nacion̈, yic ya'n eb' owl yet'oc. 'Ay eb' caw tojl yutjnac ya'n yajlil. 'Ay eb' chajnac tas ya'jnac can Dios sti yu'uj. 'Ay eb' macjnac sti no león.

A Ch'an̈ B'ab'el Libro Samuel 17:37

A Jehová in coln 'el 'a yol sc'ab' no león, yet' 'a yol sc'ab' no oso, an̈jtona a pax 'oj in coln 'el 'a yol sc'ab' win filisteo tic, xchi David. —'Ixc 'an, a cab' Jehová tz'och et'oc, xchi Saúl 'a David.

A Ch'an̈ B'ab'el Libro Samuel 26:18

Palta, ¿tas yuj tzin a pech b'eyc'oc, an a checb' in tic? ¿Tastc wal tu xin b'o 'aych jun? ¿Tas wal in mul x'och 'ayach?