Dn 6:2 - Chuj San Sebastian Bible

² Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel.

Chuj San Mateo Bible

² Ix yac'anoch oxvan̈xo sat yajal vin̈ d'a eb' vin̈ gobernador chi', yic syilan eb' vin̈ yed' stan̈van masanil tastac, yic vach' tz'acan tz'aj yac'chaj q'uen tumin syac' eb' vin̈ d'a vin̈ rey chi'. D'a scal eb' vin̈ sat yaj chi' ayoch vin̈aj Daniel chi'.

Dn 6:2 Iomraidhean Croise

Esdras 4:22

Man̈ ton̈joc tzex 'och q'ueln 'a jun cha, sec wach' matz niwtj sjuw tas yuj eb' 'a yol in macb'en tic, xchi win rey cha.

Ester 7:4

Yujto an tic yet' eb' in chon̈ab', on̈ chon̈xi, sec tzon̈ milx cham qui masnil on̈. Comnoc ton̈j on̈ chon̈x 'at mosoal on̈ mto 'a'j servil, to 'ixta', may tas tzwal ab'i'; nab'a am tzwij 'ec' a tiempo. Ocxo jun, to 'oj qui satx 'el 'a jun 'ejmn̈ej on̈, xchi 'ix Ester cha.

Pr 26:6

Toto a junc may snab'en tzqui checc 'at 'a junc qui checnb'il, lajn wal 'icha yic tzqui tzu'c coc, ton̈j tzquijec cot yailal 'a quib'an̈.

Pr 3:16

Toto tzqui b'eylb'ej jelnal, tznajtxb'i qui q'uinal, tzon̈ 'och ricoal, caw niwn tzon̈ 'aj 'el'ch yu'uj.

Dn 5:16

Ach xo tic, xwab'i chajtlto tznachj 'el o'oj, tztac' alni tas tzyal 'el'ch jun tzo'n̈ paxti 'ajltac snachj 'eli. Yuj cha, toto tztac' awtn jun tzo'n̈ letra tz'ib'b'il 'och tic, tzaln pax 'ayin tas tzyal 'el'chi, toto 'ixta', caw 'oj 'ajxoc 'och te pichl púrpura 'ayach. 'Oj 'ajxoc 'och jun q'uen cadena nab'a oro 'a a jaj 'icha ton̈, ax och yoxloc reyl 'ayin, xchi winac.

Dn 5:29

Xlajw cha, xya'n win rey Belsasar 'ajxoc 'och te pichl púrpura 'a Daniel. Xya'n pax win 'ajxoc 'och jun q'uen cadena nab'a oro 'a sjaj 'icha ton̈. 'Ix yaln win 'a smasnil eb' 'anma', to tz'ochcn Daniel 'a yoxl reyal.

Dn 5:7

'Ix ya'n 'el win rey chi yaw, xyawtn cot win eb' tzyal jelnal sb'a, eb' tzchumn yet' c'anal, yet' eb' tztac' snan 'el paxti'. A yic xc'och eb', xyaln win 'a eb' 'ixtic: —A mach tztac' yawtn jun tas tz'ib'b'il 'och tic, tzyaln 'ayin tas tzyal 'el'chi, a jun cha, caw 'oj 'ajxoc 'och te pichl púrpura 'a 'a. 'Oj 'ajxoc pax 'och jun q'uen cadena nab'a oro 'a sjaj 'icha ton̈, ax yoch pax yoxl reyl 'a wopiso tic, xchi winac.

Dn 6:1

'Ix ya'n 'och win rey Darío 120 eb' gobernador, sec a eb' tz'iln junjn chon̈b' 'ay 'a yol smacb'en win 'aj tzyac' yajlil.

Mt 18:23

'Oj wal 'ayex, chajtl 'oj 'aj eb' 'ayx 'och 'a yol sc'ab' Dios 'aj satcha'an̈. Q'uinloc 'ay jun rey tzb'o yaj scuenta eb' smoso.

Lc 16:2

Yuj cha, xyawtn cot win jun smayltoma chi 'a 'a. 'Ix yaln 'ixtc a winac: 'Ay wal jun tzo'n̈ tas tzwab' speclal o'oj. Yuj cha, a jun tzo'n̈ munljel tic 'aych 'a yol a c'ab' wu'uj, yowlal 'oj a'x can 'ayin, yujto man̈x 'oj a munlj 'a jun opiso tic, xchi winac.

1 Co 4:2

A mach tz'ajx yopiso, yowlal caw tzyiclj wal smunlj 'a jun tz'a'n yopiso cha.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.