Dn 5:23 - Chuj San Sebastian Bible

²³ A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Chuj San Mateo Bible

²³ Palta yelxo ix ic'chaan̈ a b'a d'a yichan̈ Jun Yajalil satchaan̈. Ix ac'an ic'chajcot juntzan̈ copa d'a a mexa yed' juntzan̈ uc'ab' yic stemplo Jun Yajal satchaan̈ chi'. A d'a yol juntzan̈ chi' ix uc' vino yed' masanil eb' avtab'il uuj. Ix eyic'chaan̈ juntzan̈ dios to max yal yilani, max yal yab'ani, malaj pax jab'oc tas yojtac. Man̈oc pax d'a Dios ix al vach' lolonel, ina a pax d'a yol sc'ab' ay a q'uinal, a pax snaan tas tza c'ulej.

Dn 5:23 Iomraidhean Croise

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

A Ch'an̈ Schab'il Libro Yic Yab'ixal Eb' Rey 14:10

Wal yel 'ix eyac' ganar eb' edomita cha. 'Ij cab' chan̈ a b'a a' atut cha, palta man̈ e' chan̈ a b'a 'ayin. ¿Tas yuj cob' tza nib'j ac' 'owl wet'oc? Ton̈j 'oj cot 'a eb'n̈ yet' eb' et' chon̈b' cha, xchi Joás.

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

Job 31:4

Toc matz yil Dios tas tz'el in b'oni, ¿tom matz yil 'aj tzin laj 'eq'ui?

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Salmos 115:16

A satcha'an̈ yic Jehová yaji, ax lum lum tic, 'ac'b'il lum 'ayn̈ec yu'uj.

Salmos 139:3

Ojtac tas weq'ui, tzin eln pax 'a yic tzin 'ilji, ojc wal yilx pax in b'eyb'al.

Salmos 146:4

yujto a yic tzcham eb', tz'ochx can eb' poccal. A 'a jun c'u cha, ata tzlajw can pax smasnil tas tznib'j eb' sb'o'.

Pr 20:24

A Jehová tzon̈ 'i'nec b'eyoc, yuj cha, man̈ cojquec tas 'oj qui chac qui b'a yet'oc.

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 14:13

'Ix aln 'ixtc yet' a nab'en: 'Oj in q'ue'ch 'a satcha'an̈; ax in b'on chan̈ in despacho 'a yib'n̈ q'ue jun tzo'n̈ c'anal yic Dios, ax wem wocn 'a lum jolm tzaln 'ay 'a stojlal norte 'a 'aj tz'och yamnil.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Is 33:10

Yuj cha, xyaln Jehová 'ixtic: A ticnec b'i'an, to 'oj in ch'oxli, chajtlto niwquil in poder.

Is 37:19

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Jeremías 10:23

Mamin Jehová, wojc wal si'mb'il, to an̈ 'anman̈ tic on̈, man̈oc 'a yol qui c'ab' 'aych yuj tas tzon̈ 'aj 'el'ch on̈. May wal jac copiso 'a yib'n̈ tas 'oj jawc 'a cojltac on̈.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Jeremías 50:29

Tzyaln Dios 'ixtic: 'Awtjec cot smasnil eb' julwjum, 'och cab' eb' julwjoc 'a Babilonia. 'Ochn̈ec oyn 'a spatquil chon̈ab', sec may junc mach tz'at 'eloc. Pactzejc 'a 'icha wal smoj schani. 'Icha wal tas x'el sb'oni, 'ixta pax tzeyutej. Yujto jun 'ejmn̈ej ch'an xyutj sb'a eb' 'ayn an Jehová in, sDiosal in Israel, to Cojxn in.

Ez 28:17

Yuj wal swach'l elxi, yuj cha, xa b'an̈n a b'a, yuj pax snib'jub'tacl elx cha, yuj cha, 'ix 'ixtx 'el a jelnal. An wal ach in jul 'ejm 'a sat lu'um, yic ach wa'n 'och ch'oxnb'ilal 'a eb' rey.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ez 28:5

Yuj sjelnal a nab'en 'a yib'n̈ chon̈, yuj cha, ach 'och ricoal, ax a ricoal chi tzach 'a'n 'och b'an̈quinal.

Ez 31:10

Yuj cha, a Jehová Cajlil a tzaln 'ixtic: Caw cob' niwquil x'aj sq'uib' stel jun te cha, 'ix 'ec' stel 'a jun tzo'n̈ xo yit te'al. Yujto niwquil x'aj ste'il, yuj cha, caw b'an̈quintac xyutj sb'a.

Dn 11:12

Yujto 'oj cham jun b'uln̈ eb' soldado chi yu'uj, yuj cha, ax sb'an̈n sb'a, palta man̈ najtloc tiempo 'oj yac' yet' yopiso cha.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Dn 8:11

An̈jtona 'ix ste'wtzan sb'a 'a yojltac jun Syajlil eb' 'ay 'a satchan̈ cha. Smacn 'och wan yajx jun tzo'n̈ xajmb'al tz'ajx 'a jun Yajl chi 'a junjn c'u, xyixtn pax 'el jun lugar yic 'emmquilal yaji.

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

A Tas Sc'ulejnac Eb' Schecab' Jesús Hechos 17:25

Man̈ yowlalc 'ay tas tz'ajx yuj eb' 'anma 'a 'a. Yujto atn tz'a'n qui q'uinlec qui masnil. A tz'a'n qui'c quic', tzya'n pax jantcn̈ej tas 'ay 'ayn̈ec.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

1 Ti 3:6

A eb' 'unn creyente to, matz tac' yajx yopiso eb', yujto 'ay smay ton̈j tzb'an̈ sb'a eb'. Toto 'ixta tzyutj sb'a eb', 'ay smay tz'ajx can 'och yailal 'a yib'n̈ eb' 'icha x'aj win diablo.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Apoc 9:20

Palta ax eb' 'anma ma'ix cham yuj jun tzo'n̈ yailal cha, caw man̈ jac 'ix sna sb'a eb' yuj smul tzlaj sb'o'. Ma'ix yactj can eb' yaln sb'a 'a ewin demonio. Ma'ix yactj can pax eb' yaln sb'a 'a jun tzo'n̈ yechl tzalx 'och diosal, atn jun tzo'n̈ tzb'o yet' oro, yet' plata, yet' bronce. Tzb'o yet' q'uen q'ue'en, yet' pax te te'. A jun tzo'n̈ cha, matz yila, matz yab'i, matz b'ey paxi.

Jueces 16:23

Ax eb' syajlil eb' filisteo cha, 'ix syam sb'a eb' 'a tzaljc'ojlal, yujto xyac' ganar eb'. 'Ix ya'n eb' xajmb'al 'a sdiosal Dagón sb'i. 'Ix b'itn eb' 'a 'ixtic: A qui diosal tic, a 'ix 'a'n 'och jun 'ajc'ojl Sansón tic 'a yol qui c'ab', xchi eb'.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.