Dn 5:2 - Chuj San Sebastian Bible

^2-3 Wan xo sq'ue te 'an̈ chi 'a sjolm win rey Belsasar cha, 'ix 'at ya'nc win 'ijxoc cot jun tzo'n̈ vaso nab'a oro, nab'a plata; jun tzo'n̈ yijnac cot win Nabucodonosor 'a yol yatut Dios 'a Jerusalén, atn win smam 'ichm winac. A yic xjaw jun tzo'n̈ vaso cha, 'ix syamn 'och win yu'n 'an̈ 'a yojl yet' eb' 'ix yistzil yet' pax eb' 'ix schab'l 'istzil winac, yet' smasnil mach 'ayc' yet' win 'a jun q'uin̈ cha.

Chuj San Mateo Bible

^2-3 Vanxo sq'ue an̈ d'a sjolom vin̈ rey chi', ix schecan vin̈ ic'chajcot copa yed' uc'ab' nab'a oro, aton juntzan̈ yic'naccot vin̈aj Nabucodonosor smam icham vin̈ d'a templo d'a Jerusalén. A d'a yol juntzan̈ copa yed' juntzan̈ uc'ab' ix b'at ic'chajcot chi', ata' ix yuc' an̈ vin̈ yed' eb' ix yetb'eyum yed' juntzan̈xo eb' ix schab'il yetb'eyum yed' pax masanil eb' ayoch yed' vin̈ d'a vael chi'.

Dn 5:2 Iomraidhean Croise

A Ch'an̈ Schab'l Libro Samuel 9:7

'Ix yaln David 'a win 'ixtic: —Man̈ ach xiwoc, yujto wach' 'oj 'ach wutoc, yuj in chamc'ojlal 'a Jonatán win a mam. 'Oj wac' meltzjoc smasnil lum slum a mam 'ichm Saúl 'ayach, ax a wa wet' 'a in mexa 'a junjn 'ejem, xchi.

A Ch'an̈ Schab'il Libro Yic Yab'ixal Eb' Rey 24:13

Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová.

A Ch'an̈ Schab'il Libro Yic Yab'ixal Eb' Rey 25:15

'Ix yi'n pax 'at eb' jun tzo'n̈ yet'l stzac'ac' yet' jun tzo'n̈ niwc vaso, yet' jun tzo'n̈ xo yamc'ab' to nab'a oro, mto nab'a plata.

2 Cr 11:20

Xlajw cha, xyi'n pax win 'ix Maaca yisl Absalón. A eb' yunnal win yet' 'ix, atn Abiam, Atai, Ziza yet' Selomit.

2 Cr 15:16

An̈jtona', 'ix yi'n 'el Asa chi sb'inab'ilal snun chichim, atn 'ix Maaca, yujto ya'jnac b'o 'ix jun yechl comn dios Aserá. Ax Asa cha, caw choc' 'ix yutj jun yechl cha, ax 'a sti a Cedrón, ata xit' yac' tz'a'oc.

2 Cr 36:10

A 'a yic b'ab'l 'uj 'a yic junx ab'il, 'ix yaln rey Nabucodonosor to tz'ijx 'at Joaquín 'a Babilonia yet' jun tzo'n̈ yamc'ab' to chan̈ stojol yic yatut Jehová. Ax Sedequías yu'tac can smam Joaquín cha, a xya'cn 'och win sreyloc Judá yet' Jerusalén.

2 Cr 36:18

An̈jtona', smasnil yamc'ab' yic yatut Dios, niwac yet' scotcal, yet' jantcn̈ej tas 'ay ta', yet' jantcn̈ej tas 'ay 'a yatut win rey, yet' eb' 'aych yajlil yet'oc, c'uxn 'ix yij 'at smasnil 'a Babilonia.

Esdras 5:14

An̈jtona', yijnac 'at ab' win Nabucodonosor chi jun tzo'n̈ yamc'ab', to nab'a oro, nab'a plata, yijnac 'elt 'a yatut Dios 'a Jerusalén, 'ix 'at ya'nc 'och 'a yol yatut sdiosal 'a Babilonia. Ax ab' win rey Ciro x'a'n pax meltzjoc jun tzo'n̈ chi 'a Sesbasar, atn win 'ix 'ajx 'och gobernadoral.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 50:35

Tzyaln pax Jehová 'ixtic: 'Och cab' owl 'a Babilonia yet' 'a smasnil eb' cajn 'a 'a, yet' 'a eb' yajl yaj 'a scal eb', yet' 'a eb' tzyal jelnal sb'a.

Jeremías 52:19

An̈jtona win comandante cha, 'ix yij 'at win yamc'ab' to nab'a oro, nab'a plata: atn palagan, yet'l stzac'ac, jun tzo'n̈ niwc vaso, yet'l 'aj tz'em stan̈il c'ac', jun tzo'n̈ yet'l cantil, jun tzo'n̈ niwc cuchara, jun tzo'n̈ 'aj tzchax yal uva tz'ajx ofrendail.

Dn 1:2

A Dios a 'ix 'a'n 'ajxc ganar win rey Joacim yet' schon̈b' yuj win rey Nabucodonosor cha. 'Ix ya'n pax 'ajxc 'och jun tzo'n̈ syamc'ab'il yatut Dios 'a yol sc'ab' win rey cha. Ax yic 'ix japx win 'a Babilonia, 'ix ya'n 'och win jun tzo'n̈ yamc'ab' chi 'a yol yatut sdiosal. 'Ix yi'n cot win jun tzo'n̈ eb' 'aj Judá chi 'icha presoal.

Dn 5:11

A 'a yol a macb'en 'aj 'aych 'och reyl tic, 'ay jun winc caw tztac' snachj 'el yu'uj. Caw 'aych sjelnal jun tzo'n̈ dios 'a 'a. A 'a yol stiempoal win a mam 'icham, a jun winc cha, 'ix sch'oxli to caw 'ay jun snab'en caw wach', caw jelan, 'icha sjelnal jun tzo'n̈ dios. Yuj cha, ax a mam 'ichm Nabucodonosor, a x'a'n 'och syajlilc smasnil eb' 'ay tas tztac' yu'uj, eb' tzchumn yet' c'anal, yet' pax eb' tztac' snan 'el paxti 'a jun nacion̈ tic.

Dn 5:13

Xlajw cha, x'at 'ijxoc cot Daniel, ax yic xjaw 'a yojltac win rey cha, 'ix sc'anb'n win 'a 'ixtic: —¿Ach am tic Daniel a b'i, ach tic yamb'ilch can cot 'icha presoal yuj in mam 'ichm Nabucodonosor 'a chon̈b' Judá?

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Dn 5:4

Syamn wal 'och eb' yu'w 'an̈, 'ix laj yi'nc chan̈ eb' sb'i sdiosal to nab'a oro, plata, bronce, hierro, te' yet' q'ue'en.