Dn 4:8 - Chuj San Sebastian Bible

⁸ Ax 'a slajb' xoj 'ix jaw Daniel 'a wojltac, win tzcuch pax Beltsasar, 'icha wal sb'i in diosal. A sjelnal jun tzo'n̈ dios 'aych 'a 'a, 'ix waln in waych chi 'a 'ixtic:

Chuj San Mateo Bible

⁸ Stzac'anilxo ix javi vin̈aj Daniel, scuchan pax Beltsasar, icha sb'i in diosal, ayoch sjelanil juntzan̈ dios d'a vin̈. Ix valan in vayich chi' d'a vin̈ icha tic:

Dn 4:8 Iomraidhean Croise

Gn 41:38

Xyaln win 'ixtc 'a ewin 'aych yajlil yet' cha: —¿Yamto 'ay 'aj tz'ilchj junc xo winc cujec, to 'aych Yespíritu Dios 'a 'a, 'icha win tic? xchi winac.

Is 46:1

A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Is 63:11

Yuj cha, snan cot eb' schon̈b' Dios chi tas ujnc 'a pecti', 'a yol stiempoal Moisés win schecb' Jehová. 'Ix laj yal-lanc eb' 'a 'ixtic: ¿'Ajtil 'ay jun Dios xcoln 'el eb' quit chon̈b' 'a yol a mar yet' eb' yilmal eb' yaji? ¿'Ajtil 'ay jun Dios to caw a Yespíritu xya'ch 'a scal eb'?

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Ez 17:23

Ata 'oj wawc te 'a sjolm lum switzl chon̈b' Israel. 'Oj laj q'uib'l sc'ab' te', ax ya'n te sat, caw niwquil c'ute 'oj 'ajoc. 'Oj jawc smasnil no noc' 'iljoc 'a yich te', ax 'a scal sc'ab' te', ata 'oj 'aj cajn smasnil no ch'ic.

Dn 1:7

Ax win Aspenaz cha, a win xjeln sb'i eb': a Daniel, Beltsasar x'ajx sb'ioc, win Ananías, Sadrac x'ajx sb'ioc, win Misael, Mesac x'ajx sb'ioc, ax win Azarías, Abed-nego x'ajx sb'ioc.

Dn 2:11

Yujto a jun tic caw wal 'ajltac snachj 'eli, may junc mach tztac' yaln 'ayach. Cojn am eb' dios tztac' snachj 'el yu'uj, palta a eb' cha, man̈ 'ayc' 'ec' eb' 'a qui cal an̈ 'anman̈ tic, xchi eb'.

Dn 2:26

'Ix yaln win rey chi 'ixtc 'a Daniel, tzcuch pax Beltsasar: —¿'Ojm stac' aln ach tic tas 'ix wil 'a in waych cha, yet' pax tas tzyal 'el'chi? xchi winac.

Dn 3:14

'ix sc'anb'n win 'a eb' 'ixtic: —¿Tom yel, may yel'ch in diosal 'ayex, matz eyac' 'ejm e b'a pax 'a jun yechl in diosal nab'a oro 'ix wac' 'ajxoc b'o'oc?

Dn 4:18

Atn wal jun in waych tic 'ix wila. A ticnec ach Beltsasar, al 'ayin tas tzyal 'el'chi, yujto a smasnil eb' tzyal jelnal sb'a 'ayc' 'a yol in macb'en, may junc eb' stac' yaln 'ayin tas tzyal 'el'chi. Palta ach xo tic, 'oj stac' aln 'ayin tas tzyal 'el'chi, yujto a sjelnal jun tzo'n̈ dios 'aych 'ayach, xin chi 'a 'a.

Dn 4:9

Ach Beltsasar, syajlil ach eb' tztac' snan 'el junc paxti', wojtac to a sjelnal jun tzo'n̈ dios 'aych 'ayach. A smasnil tas c'ultac yaji, caw tznachjn̈ej 'el o'oj. Maclj wal ab' jun tzo'n̈ in waych chi 'ix wil cha, ax aln 'ayin tas tzyal 'el'chi.

Dn 5:14

'Ix alx wab'i', to caw ab' 'aych sjelnal jun tzo'n̈ dios 'ayach, caw ab' wach' ach, 'ay a nab'en, caw jeln ach ab' paxi.