Dn 4:7 - Chuj San Sebastian Bible

⁷ Ax yic xjaw eb' 'ay tas tztac' yuj cha, eb' tzchumn yet' c'anal, eb' tztac' snan 'el junc paxti', yet' eb' tzyal jelnal sb'a. 'Ix waln jun in waych chi 'a eb', palta ma'ix stac' yaln eb' 'ayin tas tzyal 'el'chi.

Chuj San Mateo Bible

⁷ Ix javi eb' smasanil: Aton eb' ajb'aal, eb' naumel lolonel, eb' schuman yed' q'uen c'anal yed' eb' ajchum. Ix valan in vayich chi' d'a eb', palta maj yal-laj eb' d'ayin tas syalelc'ochi.

Dn 4:7 Iomraidhean Croise

Gn 41:24

Ax 'ixm tacn̈ cha, a 'ixm xc'uxn 'ejm 'ixm caw wach' cha. Xwal in waych tic 'a ewin tztac' snan 'el paxti', palta may xon junc ewin xnachj 'el yu'uj tas wal tzyal 'el'chi, xchi win rey cha.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Salmos 37:35

'Ix wil wal eb' 'anma man̈x jantcoc smaysch'olnilal, caw yelc'ojlal xyij chan̈ sb'a eb'. Niwquil xyutj sb'a eb' 'icha wal junc niwquil te yax xi'il,

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Ez 31:3

'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Dn 1:4

'Ix yaln win rey chi 'ixtic: A eb' quelm cha, yowlal to caw wal wach' yilx eb', may tas palta 'a sniwnal eb', caw jeln cab' eb', 'ay snab'en cab' eb' si'mb'il, eb' smoj wal ya'w servil 'a in despacho an rey in tic. Yowlal tzcuyx eb' 'a qui ti an̈ 'aj Babilonia on̈ tic.

Dn 2:10

'Ix ta'w eb' 'a win 'ixtic: —Mamin rey, may junc 'anma 'a yolyib'n̈q'uinl tic tztac' snachj 'el yu'uj, tas tza nib'ej. An̈jtona', mant 'a junc rey mto junc caw niwn yel'ch yet' yopiso, tox 'ix c'anb'n junc tas 'icha jun tza c'anb'j 'ayn̈ tic on̈.

Dn 2:27

'Ix ta'w Daniel 'a win 'ixtic: —Mamin rey, a jun tas caw c'ultac yaj tza nib'j tzojquej 'el cha, may junc mach tztac' snachj 'el yu'uj. Wach'xam eb' tzyal jelnal sb'a, eb' tzchumn yet' c'anal, eb' wayjel, eb' tztac' snan 'el junc tas, may junc eb' tztac' yaln 'ayach.

Dn 2:7

'Ix ta'w eb' 'a win rey jun 'ejm xo 'ixtic: —Mamin rey, al wal 'ayn̈ on̈, tas 'ix el 'a a waych cha, an̈ xo 'oj cal 'aych on̈, tas tzyal 'el'chi, xchi eb'.

Dn 3:8

A 'a yic cha, 'ay jun tzo'n̈ ewin caldeo 'ix wul 'a'nc 'och sc'a'l eb' 'aj Judá 'a win rey.

Dn 4:18

Atn wal jun in waych tic 'ix wila. A ticnec ach Beltsasar, al 'ayin tas tzyal 'el'chi, yujto a smasnil eb' tzyal jelnal sb'a 'ayc' 'a yol in macb'en, may junc eb' stac' yaln 'ayin tas tzyal 'el'chi. Palta ach xo tic, 'oj stac' aln 'ayin tas tzyal 'el'chi, yujto a sjelnal jun tzo'n̈ dios 'aych 'ayach, xin chi 'a 'a.

Dn 5:7

'Ix ya'n 'el win rey chi yaw, xyawtn cot win eb' tzyal jelnal sb'a, eb' tzchumn yet' c'anal, yet' eb' tztac' snan 'el paxti'. A yic xc'och eb', xyaln win 'a eb' 'ixtic: —A mach tztac' yawtn jun tas tz'ib'b'il 'och tic, tzyaln 'ayin tas tzyal 'el'chi, a jun cha, caw 'oj 'ajxoc 'och te pichl púrpura 'a 'a. 'Oj 'ajxoc pax 'och jun q'uen cadena nab'a oro 'a sjaj 'icha ton̈, ax yoch pax yoxl reyl 'a wopiso tic, xchi winac.

Dn 5:8

Smasnil eb' tzyal jelnal sb'a chi 'aych yopiso ya'n snab'enoc win rey, 'ix 'och eb' 'a yol jun n̈a cha, palta may junc eb' stac' yawtn jun tas tz'ib'b'il cha, ma'ix stac' yaln eb' 'a win rey tas tzyal 'el'chi.