Dn 4:4 - Chuj San Sebastian Bible

⁴ An reyn tic, caw wal tzaljc'ojlal waj 'a in despacho, caw wal tzniwtj tas 'ay 'ayin.

Chuj San Mateo Bible

⁴ A in Nabucodonosor in tic, tzalajc'olal vajec' d'a in palacio.

Dn 4:4 Iomraidhean Croise

Is 56:12

Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.

Jeremías 48:11

Junc'ojlaln̈ej yaj Moab, may 'aj x'ijx 'at 'icha presoal. 'Icha yal uva tz'ajx can 'ejm 'a yol junc yet'ul, matz jelx 'a yet'ul, yuj cha, may tz'aj sb'o sjab', an̈jan̈ej yaji, 'ixta wal yaj Moab.

Ez 28:17

Yuj wal swach'l elxi, yuj cha, xa b'an̈n a b'a, yuj pax snib'jub'tacl elx cha, yuj cha, 'ix 'ixtx 'el a jelnal. An wal ach in jul 'ejm 'a sat lu'um, yic ach wa'n 'och ch'oxnb'ilal 'a eb' rey.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Dn 2:11

Yujto a jun tic caw wal 'ajltac snachj 'eli, may junc mach tztac' yaln 'ayach. Cojn am eb' dios tztac' snachj 'el yu'uj, palta a eb' cha, man̈ 'ayc' 'ec' eb' 'a qui cal an̈ 'anman̈ tic, xchi eb'.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Dn 5:8

Smasnil eb' tzyal jelnal sb'a chi 'aych yopiso ya'n snab'enoc win rey, 'ix 'och eb' 'a yol jun n̈a cha, palta may junc eb' stac' yawtn jun tas tz'ib'b'il cha, ma'ix stac' yaln eb' 'a win rey tas tzyal 'el'chi.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.