Dn 4:32 - Chuj San Sebastian Bible

³² 'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Chuj San Mateo Bible

³² Ol ach pechchajel d'a scal eb' anima, ol ach b'atcan d'a scal noc' noc'. A an̈ an̈c'ultac ol a c'ux ichoc noc' noc' d'a uqueoc ab'il, masanto ol yal snachajel uuj to a Dios Nivan Yelc'ochi, a' tz'ac'an yajalil d'a yib'an̈ masanil anima yed' d'a yib'an̈ masanil nación d'a yolyib'an̈q'uinal tic. A' tz'ac'anoch d'a yajalil mach sgana syac'ochi, xchi jun lolonel chi'.

Dn 4:32 Iomraidhean Croise

2 Cr 33:13

Ax yic xleslwi cha, 'ix yab'n Dios slesal, 'ix ya'n meltzjc pax 'a Jerusalén yet' 'a yopiso. Yuj cha, xyojcan 'el Manasés to a Jehová Dios toni.

Job 42:2

Wojc wal si'mb'il to smasnil tas tztac' o'oj; a tas tza nib'j a b'o', tza b'on̈ej.

Job 9:12

Q'uinloc 'ay junc tas tzyij 'ec' 'a junc mach, ¿tom 'ay junc mach tztac' yaln 'a yuj tas tzb'o cha?

Salmos 115:3

Ach qui Diosal on̈, ata 'aych 'ec' 'a satcha'an̈, a smasnil tas a nib'jnac a b'o', b'ob'il eb' o'oj.

Salmos 135:6

Smasnil tas tznib'j sb'o 'a satcha'an̈, 'a sat lum tic, 'a yol a mar yet' 'a xab'l yich a', tzb'on̈j yu'uj.

Ex 8:10

—¡Q'uic'an! xchi win rey cha. Xlajw cha, 'ix yaln Moisés: —B'o cab' 'icha tzotj aln cha, sec 'oj ojcoc 'eli, to may junc xo mach lajn spoder 'icha Jehová qui Diosal on̈.

Ex 9:14

A 'a yic jun tiempoal tic, 'oj wa' cot jun tzo'n̈ yailal 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma'. A yuj jun yailal cha, ax ojcan 'eli, to may junc xo mach tztac' slajb'tzan sb'a wet' 'a yolyib'n̈q'uinal.

Ex 9:29

'Ix ta'w Moisés 'a win rey chi 'ixtic: —Cojn wal tzin 'el 'a yol chon̈b' tic, ax in mojnq'ue in c'ab' in leslwi 'a Jehová. Ax in c'ann 'a 'a, sec 'oj 'och wan ya'n q'uen sacb'at tic, man̈x 'oj smac' sb'a c'u. 'Ixta 'oj 'aj snachj 'el 'oj ach tic, chajtlto a Jehová yajl yaj 'a smasnil yolyib'n̈q'uinl tic.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Is 40:15

A 'a sat Jehová, a jun tzo'n̈ nacion̈ lajn eb' yet' jun t'ujoc a', lajn eb' yet' jac pococ 'a yol junc libra. A jun tzo'n̈ chon̈b' 'ay 'a snan̈l a mar, lajn eb' 'icha jun pilc q'uen arena.

Is 40:17

Smasnil jun tzo'n̈ niwc nacion̈, may tz'och eb' yu'uj, may jac yel'ch eb' 'a sat.

Is 45:3

Ax ricoal to c'ub'b'il 'eli yet' tas to c'ultac yaji, 'oj wac' 'ayach, sec wach' tzojquej 'eli to an ton Jehová in, sDiosal in chon̈b' Israel, an ach wawtej.

Jeremías 27:5

Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Dn 4:31

Wanto wal yaln win rey jun tzo'n̈ paxti cha, 'ix yab'n win yalx 'emt jun paxti 'a satchan̈ 'ixtic: Maclj ab' jun tzo'n̈ paxti tic ach rey Nabucodonosor. A opiso cha, tox 'ix 'ijx 'ec' 'ayach.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Josué 4:24

'Ixta tz'aj yojcan 'el smasnil 'anma 'a yolyib'n̈q'uinl tic, chajtlto a Jehová caw 'ay spoder, yuj cha, 'ay cab' yel'ch 'a e sat 'a smasnil tiempo, xe chi 'a eb', xchi Josué cha.