Dn 4:27 - Chuj San Sebastian Bible

²⁷ Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Chuj San Mateo Bible

²⁷ Yuj chi' mamin rey, cha ab' masanil juntzan̈ lolonel sval tic d'ayach. Yuj chi' tojoln̈ej tzutej a b'a, man̈xo ac'och a mul. Comonoc val tzactejcan a c'ulan chucal, tzach colvaj d'a eb' tz'ixtaji. Tato icha chi', tecan ol ach can d'a junc'olal yed' a q'uechaan̈ d'a masanil tasi, xchi vin̈aj Daniel chi' d'ayin, xchi vin̈ rey Nabucodonosor chi'.

Dn 4:27 Iomraidhean Croise

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

Salmos 119:46

'Oj wal jun tzo'n̈ tas tzal tic 'a yojltac eb' rey, ma'oj in q'uixw walni.

Pr 11:2

Toto tzqui b'an̈c qui b'a, cojn q'uixwelal tzquijec cot 'a quib'an̈, yuj cha, toto jeln on̈ec, yel xo wach' 'emmquilal queq'uec.

Pr 16:6

Toto tzqui chamc'ojlejec eb' quit 'anma'il, toto yiclum tzcutjec qui b'a, to 'ixta', tz'ajx niwnc'ojlal qui mulec; toto 'ay yel'ch Jehová 'a qui satec, yajn̈ej tzon̈ 'elc 'a scal maysch'olnil.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 10:13

Xcob' yal win 'ixtic: Yuj wal sjelnal in nab'en 'ix 'el'ch jun tzo'n̈ xin b'o tic. Caw 'ay in nab'en, yuj cha, xnachj 'el in b'on jun tzo'n̈ tic. Xtechj in jeln smon̈jonal jun tzo'n̈ xo nacion̈. Xlaj wi'n can 'ec' smasnil tas 'ay 'a eb', xtechj pax in te'n can 'ejm eb' rey chi yet' in jelnal.

Is 47:10

A tza na'a to wach'n̈j aj yet' a maysch'olnilal cha, tza nan pax 'ixtic: May mach tz'iln tas tzin b'o'o, xa chi. A tas ojc yet' a jelnal, a tzach 'ixtni; tza nan 'ixtc 'a a nab'en: Cojn in toni, may junc xo mach lajn in yet'oc, xa chi.

Is 47:8

'Ab' tas 'oj wala', cojn wal tas caw wach' yilx tza nib'j 'ochi. Man̈ jantcoc sja'l aj 'elt wocn 'a a despacho, yuj cha, tzcob' a nanc 'ixtic: Cojn in toni, may junc xo mach lajn wet'oc, ma'oj in can 'a to man̈x 'a wichmil, ma'oj in can pax 'a to man̈x 'a wune', xa chi.

Jeremías 29:7

Munljan̈c yuj swach'loc jun chon̈b' 'aj ex wa'cn 'at cha. C'anc in colwal 'a yib'an̈, q'uinloc caw wach' yajc' jun chon̈b' cha, to 'ixta', caw wach' 'oj eyajc' pax ax tic.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

Ez 18:7

May mach tzcomn 'ixtej, a mach 'ay sb'oc 'a 'a, tzyac' meltzjoc tas 'aycn yuj sb'oc cha. May 'aj tz'och 'elc'al; a eb' tz'och swejel tzyac' tas tzc'ux eb', tzpichn eb' 'anma may spichul.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Ez 29:9

'Oj can a chon̈b' chi 'a cusltaquil, ax yojcan 'el eb' 'anma', to an Jehová in, an 'ixta tzach wutej, yujto 'ix ala to ec a Nilo, ach xa b'o a alni.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Am 6:13

Ax tic, caw tze b'an̈ e b'a, yujto 'ix 'ejm jun yune chon̈b' Lodebar eyu'uj, palta toc 'ay jac yel'chi, tzeyaln cob'i, to caw tztac' eyu'uj, yic 'ix eyi'n 'ec' chon̈b' Carnaim.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

Habacuc 1:11

Cojnn̈ej tz'em junc chon̈b' chi yuj eb', tz'atx eb' 'a junc xo chon̈b' yac' owal. 'Icha wal yec' chacxuxm 'ic', 'ixta wal yec' eb'. Caw tz'och smul eb' 'ayin, yujto a yip eb', a chi tzya'ch eb' sdiosaloc, xchi Dios.

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.

Mt 3:8

Nac e b'a yuj e mul, yowlal wach' tzeyutj e b'eyb'al, sec tzcheclj 'eli, chajtlto yel tzeyala.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

A Tas Sc'ulejnac Eb' Schecab' Jesús Hechos 8:22

Yuj cha, na a b'a, tzactncan jun a maysch'olnil tic. C'an 'a Dios, sec toq'ue 'oj ach yac' niwnc'ojlal yuj tas wan a nan tic.

2 Co 5:11

An̈ xo tic on̈, a 'a Cajlilec 'aj 'ayx qui xiwc'ojlal on̈. Yuj cha, caw tzcac' quip ca'n snab'enoc eb' 'anma 'on̈. A Dios, yojc xo, tas yaj qui nab'en on̈. Ax xo, tzin nib'ej, tzeyojquej pax 'el tas yaj qui nab'en on̈.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

Dt 24:13

A yic wanto wal yem c'u, tzeya'n can pax meltzjoc 'a 'a, toq'ue a tzyac'q'ue 'a yib'an̈ yic tzway 'a jun 'ac'wl cha. Toto 'ixta tzeyutej, a jun 'anma cha, 'oj yal wach' paxti 'a eyib'an̈, tojl pax tas tze b'o 'a sat Jehová Dios.

Dt 32:27

Palta matz yal in c'ojl tzin sb'uch eb' 'ajc'ojl yajch 'ayin. Matz yal in c'ojl tzb'an̈ sb'a eb'. Toq'ue tzyal eb' 'ixtic: Man̈oc Jehová satn 'el eb', palta an̈ec xqui satc 'el eb' yet' qui jelnal, toq'ue 'oj xchic eb', xchi Jehová.

Dt 8:17

'Ayt ex xe na 'ixtic: A jun tzo'n̈ qui ricoal tic, 'ix ca'c ganar yet' quip, xe chi ta.

A Sb'ab'el Carta San Pedro 4:8

Ax junx 'oj walb't 'ayx tic, to caw tzlaj qui chamc'ojloquec qui b'a yet' smasnil qui c'ojol. Wach'xam caw niwn smul junc xo mach 'ayn̈ec, toto 'ay qui chamc'ojlalec, 'oj ca'c niwnc'ojlal 'a 'a.