Dn 4:19 - Chuj San Sebastian Bible

¹⁹ Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Chuj San Mateo Bible

¹⁹ Axo vin̈aj Daniel chi', aton vin̈ scuchpax Beltsasar, quen am man̈ junoc hora ix can numan vin̈. Ix somchajq'ue spensar vin̈, palta ix valan d'a vin̈: Beltsasar, man̈ ac' pensar yuj jun in vayich chi' yed' tas syalelc'ochi, xin chi. Ix yalan vin̈ d'ayin: Ay mamin rey, comonoc val d'a yib'an̈ eb' ayoch ajc'olal d'ayach ol em tas syalelc'och jun a vayich tic.

Dn 4:19 Iomraidhean Croise

Gn 31:35

Yuj cha, xyaln Raquel 'a win 'ixtic: —Mamin, matz cot cab' owl 'ayin, yujto matz in q'ue wan 'a ojltac, yujto a ticnec, yujl yel a a 'ayin, xchi cob' 'ix. Ax Labán an̈ja yec' say jun tzo'n̈ sdiosal cha, palta matz 'ilchj yu'uj.

Gn 32:18

tzaln 'a 'ixtic: A jun tzo'n̈ tic siylab' Jacob 'ayach, tza'n sjaw 'a in patic, xa chi 'a 'a, xchi win Jacob cha.

Gn 40:12

Xyaln José 'a win 'ixtic: —'Ixtc tzyal 'el'ch a waych tic: A 'oxe sc'ab' uva xel cha, 'oxe c'u tzyala.

A Ch'an̈ B'ab'el Libro Yic Yab'ixal Eb' Rey 18:7

A yic wan yec' win Abdías sayj yan̈ chej cha, a yic cha, 'ix 'el-l win Elías 'a yol b'e. Yajn̈ej 'ix yiln 'ochi. 'Ix 'em n̈ojnjoc win 'a yojltac, 'ix yaln 'ixtic; —¿Mamin, man̈oc ach am Elías ach? xchi.

Ex 32:32

Yuj cha, tzin tew 'och 'ayach, comnoc wal tzac' niwnc'ojlal 'a yib'n̈ eb'. Palta toto matz ac' niwnc'ojlal eb' jun, wach' cab' tza suc sat in b'i 'a yojl ch'an̈ libro 'ajtil tz'ib'b'il eb' ec xo yaji, xchi Moisés.

Jeremías 29:7

Munljan̈c yuj swach'loc jun chon̈b' 'aj ex wa'cn 'at cha. C'anc in colwal 'a yib'an̈, q'uinloc caw wach' yajc' jun chon̈b' cha, to 'ixta', caw wach' 'oj eyajc' pax ax tic.

Jeremías 4:19

Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Dn 1:7

Ax win Aspenaz cha, a win xjeln sb'i eb': a Daniel, Beltsasar x'ajx sb'ioc, win Ananías, Sadrac x'ajx sb'ioc, win Misael, Mesac x'ajx sb'ioc, ax win Azarías, Abed-nego x'ajx sb'ioc.

Dn 2:26

'Ix yaln win rey chi 'ixtc 'a Daniel, tzcuch pax Beltsasar: —¿'Ojm stac' aln ach tic tas 'ix wil 'a in waych cha, yet' pax tas tzyal 'el'chi? xchi winac.

Dn 2:37

Ach tic mamin rey, sat aj 'a smasnil eb' rey, yujto a Dios 'aj satcha'an̈, a ach 'a'n 'och reyal. Xya'n a jelnal, xya'n pax ep, yuj cha, caw niwn el'chi.

Dn 4:24

A tzyal 'el'ch jun tic mamin rey, a jun Dios yel xo niwn yel'chi, a 'ix aln jun tic 'a eb'an̈.

Dn 5:12

Caw wal chuc yel sjelnal, caw 'ay pax snab'en. Tztac' yalni tas tzyal 'el'ch jun tzo'n̈ wayich, yet' jun tzo'n̈ paxti 'ajltac snachj 'eli, tzb'on pax yaj eb' 'anma tzsomchj 'el snab'en. A jun winc cha, Daniel sb'i, ax win rey chi x'a'n scuch Beltsasar. Mamin rey, comnoc tzac' 'awtxoc cot Daniel cha, ax 'oj alnc 'ayach, tas tzyal 'el'ch jun tzo'n̈ letra tz'ib'b'il 'och 'a sat yich n̈a cha, xchi 'ix.

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Dn 7:15

An Daniel in tic, caw in xiwcha'an̈, yic xwiln jun tzo'n̈ cha, in 'och 'a 'il yu'uj.

Dn 7:28

Atn slajb' jun tzo'n̈ tic xalx can 'ayn an Daniel in tic. Caw in 'ochcn 'a somc'ojlal yu'uj. Caw sacb'el in sat yuj xiwlal, palta may xon junc mach 'aj 'ix wal-l jun tzo'n̈ paxti tic, xchi Daniel.

Dn 8:27

An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.

Habacuc 3:10

A yic xa ch'oxn a b'a, caw x'ib'x chan̈ eb' lum niwc witz yuj xiwlal. 'Ix cot yaxn̈ab' 'a satcha'an̈, ax a mar, til wal sc'an̈ chan̈ a', yic xq'ue wan chel-loc a 'a cha'an̈.

A Ch'an̈ B'ab'el Libro Samuel 1:15

—May mamin, man̈ in 'u'moc 'an̈, to 'ay wal in cusc'ojlal tzwul wal 'a yojltac Jehová.

A Ch'an̈ B'ab'el Libro Samuel 24:8

An̈jtona', 'ix 'elt David 'a yojl q'uen n̈aq'uen cha, 'ix 'at 'a spatquil Saúl, 'ix 'awj 'at 'ixtc 'a 'a: —Mamin rey, xchi 'a Saúl. A yic 'ix meltzj 'at q'ueln Saúl 'a spatic, 'ix 'em n̈ojn David 'a sat lu'um, yuj sch'oxn 'eli to niwn yel'ch Saúl 'a sat.

A Ch'an̈ B'ab'el Libro Samuel 26:15

—¿Man̈oc ach am to may mach tztac' slajb'tzan sb'a et' 'a scal eb' quit israelal? ¿Tas yuj matz a tan̈wj win cajlil? 'Ay jun mach 'ix c'och ta', tznib'j smil cham win rey cha.

A Ch'an̈ B'ab'el Libro Samuel 3:17

'Ix sc'anb'n Elí chi 'ixtc 'a 'a: —¿Tas 'ix yal Jehová 'aych q'uiq'ui? Tzin tew 'ayach, may cab' tas tza c'ub'j 'el 'ayin. Ya' cab' Dios a yailal si'mb'il, toto matz al smasnil tas xyal 'aych cha, xchi.