Dn 4:16 - Chuj San Sebastian Bible

¹⁶ Caw 'oj juwc 'el snab'en, lajn 'oj 'ajcn snab'en 'icha no noc'. A jun yailal 'oj 'ec' 'a yib'n̈ cha, uque ab'il 'oj yac'a'.

Chuj San Mateo Bible

¹⁶ Ol ixtaxel spensar. Lajanxo ol aj spensar icha spensar noc' noc'. A jun macan̈ yaelal chi', uque' ab'il ol yac'a'.

Dn 4:16 Iomraidhean Croise

A Ch'an̈ Schab'l Libro Samuel 18:32

Xlajw cha, sc'anb'n win rey chi 'ixtc 'a win etíope cha: —¿Ax win quelm Absalón wach' am sc'ojl win 'ix ela? xchi. —Comnoc wal 'icha x'aj slajw 'el jun quelm winc cha, 'ixta cab' pax tz'aj slajw 'el smasnil eb' xmeltzj 'och 'ajc'ojlal chi 'aych mamin rey, xchi win etíope cha.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Dn 11:13

A yic 'oj 'ec' jaye'oc ab'il, ax win rey 'ay 'a norte cha, 'oj smolb'tzoc eb' soldado jun 'ejm xo, 'ec'b'al xo 'oj 'aj sb'isl eb' 'a 'icha yic b'ab'el, ax s'atx yac' owl yet' jun rey 'ay 'a sur cha, caw niwn xo soldado ajun yet'oc, yet'n̈j eb' syamc'ab' yic owl smasnil.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

Dn 4:23

An̈jtona 'ix eln pax yemt jun ángel 'a satcha'an̈, atn jun stan̈mal yolyib'n̈q'uinl tic, 'ix yaln 'ixtic: Ch'acc 'el jun te cha, satc 'eli, cojxn yib' yet' sch'an̈l yib' tzeyactj can 'a sat lu'um. Tzlajw cha, tze jaln can 'ejm yet' q'uen cadena to hierro yet' bronce. A jun cha, can cab' 'a scal c'ultac, 'ejm cab' chicb'chan̈ 'a yib'an̈. A cab' te c'ultc 'oj slo yet' no calte'al noc', masnto 'oj 'ec' uque ab'il 'a yib'an̈, xchi jun ángel cha.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 7:28

Atn slajb' jun tzo'n̈ tic xalx can 'ayn an Daniel in tic. Caw in 'ochcn 'a somc'ojlal yu'uj. Caw sacb'el in sat yuj xiwlal, palta may xon junc mach 'aj 'ix wal-l jun tzo'n̈ paxti tic, xchi Daniel.

A Ch'an̈ Carta D'a Eb' Hebreo 1:11

Smasnil jun tzo'n̈ a b'ojnac tic, 'oj lajwc 'eq'ui, palta ach xo, 'aych 'ec'n̈ej 'a smasnil tiempo. Smasnil jun tzo'n̈ tic, 'oj 'ichmaxc eb' 'icha pichul.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.