Dn 4:14 - Chuj San Sebastian Bible

¹⁴ Caw 'ip x'awj cha'an̈, xyaln 'ixtic: Ch'acc 'el jun te cha, tzu'c 'el sc'ab', tzeyi'n 'el xi'il, sactzicnac tzeyutj can 'at sat te'. 'At cab' e no calte'al noc' 'eloc, atn e no 'ayc' 'a yen̈l yich te', yet' e no ch'ic 'ayc' 'a sc'ab' te'.

Chuj San Mateo Bible

¹⁴ Te chaan̈ ix el yav, ix yalan icha tic: Ch'aquequel te te' chi', xiquequel sc'ab' te', tzeyic'anel xil te', tze saclemanb'at sat te' chi' smasanil. Saclemocab'canb'at masanil noc' noc' ayoch d'a yalan̈ yen̈ul te' yed' masanil noc' much ayoch d'a sc'ab'tac te'.

Dn 4:14 Iomraidhean Croise

Job 24:20

Tz'atcn eb' 'a satc'ojlal yuj snun; ax no ay tzchin schib'jal eb', toc 'ayt mach 'oj nanc cot eb'. A eb' maysch'olnil snab'en cha, lajn wal tz'aj yem eb' 'icha junc te te tzch'acx 'ejmi.

Jeremías 27:5

Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Jeremías 51:9

A eb' chuc nacion̈al cajn ta', a eb' tzaln 'ixtic: Tox 'ix ca'ch cob' remel 'a Babilonia tic, palta man̈xtzac 'an̈tx yu'uj. Can cab'i', pax coyc junjn on̈c 'a qui chon̈ab', yujto caw 'ix q'ue'ch smul jun chon̈b' tic 'a satcha'an̈, caw 'ix q'ue'ch 'a scal 'asun, xchi eb'.

Ez 31:10

Yuj cha, a Jehová Cajlil a tzaln 'ixtic: Caw cob' niwquil x'aj sq'uib' stel jun te cha, 'ix 'ec' stel 'a jun tzo'n̈ xo yit te'al. Yujto niwquil x'aj ste'il, yuj cha, caw b'an̈quintac xyutj sb'a.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Dn 3:4

Ax jun mach 'aych 'a yib'n̈ sjucb'tzan tas tzalx 'elt yuj jun cha, caw 'ip 'ix yutj yaln 'ixtic: E masnil ex 'anma xcot 'a junjn chon̈ab', yet' 'a junjn nacion̈ yet' pax 'a junjn ti'al, macljec eyab' tas 'oj wala'.

Dn 4:12

Caw wach' yilx xil te', man̈x jantcoc sat te', tztechj swatzan te smasnil 'anma yet' sat cha. A 'a yen̈l yich te', ata tzmol sb'a e no calte'al noc'. Ax 'a scal sc'ab' te', ata tzb'o e no ch'ic so', smasnil tas pitzn 'a yolyib'n̈q'uinl tic, tztechj te swatzani.

Dn 4:23

An̈jtona 'ix eln pax yemt jun ángel 'a satcha'an̈, atn jun stan̈mal yolyib'n̈q'uinl tic, 'ix yaln 'ixtic: Ch'acc 'el jun te cha, satc 'eli, cojxn yib' yet' sch'an̈l yib' tzeyactj can 'a sat lu'um. Tzlajw cha, tze jaln can 'ejm yet' q'uen cadena to hierro yet' bronce. A jun cha, can cab' 'a scal c'ultac, 'ejm cab' chicb'chan̈ 'a yib'an̈. A cab' te c'ultc 'oj slo yet' no calte'al noc', masnto 'oj 'ec' uque ab'il 'a yib'an̈, xchi jun ángel cha.

Dn 4:29

Yab'lil xo yalx jun tzo'n̈ cha, 'ay jun 'ejem, 'ix q'ue win rey chi b'eyc'oc 'a span̈nil yib'n̈ sdespacho 'a Babilonia.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Mt 7:19

'Icha jun tzo'n̈ te may xon sat wach' tzyac'a, tzu'x 'eli, tzjulx can 'at 'a yib'n̈ c'ac', 'ixta 'oj 'aj eb' man̈ wach'c sb'eyb'al.

Lc 3:9

A jun niwn yailal 'oj jawoc, lajn 'icha junc winc lista yaj yet' sch'acb' 'a yich jun tzo'n̈ 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, tzjuln can 'at win 'a yib'n̈ c'ac', xchi Juan 'a eb'.

Apoc 10:3

Xlajw cha, 'ix 'awji. Caw 'ip x'awj 'icha yel yaw no león. Ax yic xlajw yawji, 'ay pax uque tzc'an̈ c'u 'ix paxtini.

Apoc 18:2

Caw 'ip yaln 'ixtic: —¡Caw 'ix lan̈chj 'ejm chon̈b' Babilonia! Wach'xam niwn yel'chi, palta caw xlan̈chji. 'Ix 'och scajnub'oc junjn c'aj demonio. 'Ix 'och pax soc jun tzo'n̈ no ch'ic caw yajb'entac.