Dn 3:7 - Chuj San Sebastian Bible

⁷ Yuj cha, a wal 'a yic xyab'n smasnil eb' 'anma chi yoc' smasnil jun tzo'n̈ yamc'ab' tzc'anlb'ax sonl cha, 'ix 'em cumn eb' smasnil, 'ix ya'n 'ejm sb'a eb' 'a jun yechl to nab'a oro cha.

Chuj San Mateo Bible

⁷ Yuj chi', masanil anima ayec' molan chi', ayic ix yab'an eb' sq'ue n̈ilnaj son chi', ix em cumnaj eb', ix yac'anem sb'a eb' d'a jun yechel chi'.

Dn 3:7 Iomraidhean Croise

Jeremías 51:7

'Ix in c'anlb'ej Babilonia yuj wa'n 'och yowl in c'ojl 'a yib'n̈ smasnil nacion̈. A Babilonia tic, lajn wal x'ajc' 'a yol in c'ab' 'icha junc vaso nab'a oro 'aj xwac' 'u'wc 'an̈ smasnil eb' cajn 'a yolyib'n̈q'uinl tic. A yic xyu'n eb' nacion̈ jun 'an̈ cha, caw 'ix q'ue 'a sjolm eb'.

Dn 2:46

Xlajw cha, 'ix 'ejm cumnjoc win rey Nabucodonosor yi'n 'ejm sb'a 'a yojltac Daniel, 'ix ya'n win 'ajxoc xajmb'al yet' incienso 'a 'a.

Dn 3:10

Ach 'ix ac' 'elt jun ley, chajtlto a smasnil 'anma', a yic tzyamn 'och yoc' jun tzo'n̈ yamc'ab' tzc'anlb'ax sonal, a yic cha, yowlal tz'em cumn eb' smasnil, tzya'n 'ejm sb'a eb' 'a jun yechl nab'a oro 'ix ac' b'o'oc.

Dn 3:4

Ax jun mach 'aych 'a yib'n̈ sjucb'tzan tas tzalx 'elt yuj jun cha, caw 'ip 'ix yutj yaln 'ixtic: E masnil ex 'anma xcot 'a junjn chon̈ab', yet' 'a junjn nacion̈ yet' pax 'a junjn ti'al, macljec eyab' tas 'oj wala'.

Dn 3:5

A yic 'oj eyab'nc yoc' q'uen trompeta, te 'amay, te tinab', te arpa, q'uen salterio, q'uen zampoña, yet' jun tzo'n̈ xo yamc'ab' tzc'anlb'ax sonal, a yic cha, tzex 'em cumn e masnil, tzeya'n 'ejm e b'a 'a jun yechl nab'a oro 'ix yac' win rey tic b'o'oc.

Dn 3:6

Palta ax mach to matz 'em cuman, yic tzya'n 'ejm sb'a 'a jun yechl tic, yajn̈ej 'oj 'at julxoc 'emt 'a yojl jun jorna caw ow sn̈ilchj sc'aq'uil, xchi winac.

Dn 3:8

A 'a yic cha, 'ay jun tzo'n̈ ewin caldeo 'ix wul 'a'nc 'och sc'a'l eb' 'aj Judá 'a win rey.

A Tas Sc'ulejnac Eb' Schecab' Jesús Hechos 14:16

A yic pecti', yactjnac can Dios eb' 'anma', sec mun tzb'o eb' 'icha tznib'ej.

1 Jn 5:19

Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Apoc 13:14

'Ix 'ajx spermiso sch'oxn jun tzo'n̈ milagro chi 'a yojltac jun b'ab'l noc' sb'i cha. 'Ixta xyutj yixtn paxti eb' 'anma 'a yolyib'n̈q'uinal. 'Ix yaln pax 'a eb', to yowlal tzb'o eb' jun yechl jun b'ab'l noc' sb'i cha, atn jun lajwnac yuj q'uen espada, palta an̈ja pitzan.

Apoc 13:3

A jun noc' sb'i cha, 'ay jun sjolm lajwnac. 'Icha to chamnc jun sjolm chi yuj jun lajwel cha. Palta xb'ox jun lajwnac cha. Yuj cha, caw 'ix sat sc'ojl smasnil eb' 'anma 'a yolyib'n̈q'uinl yu'uj, 'ix 'och eb' yet'oc.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 17:8

A jun noc' sb'i 'ix el tic, 'ayc' 'a pecti', palta man̈x 'ayc 'ec' ticnec. Palta 'oj q'ue paxt 'a jun xab' olan, yic mantzac 'at 'a chaml 'a jun 'ejmn̈ej. Ax eb' 'anma man̈ tz'ib'b'ilc sb'i 'a jun libro yic q'uinal, yictax mantzac b'o yolyib'n̈q'uinal, caw 'oj sat sc'ojl eb' yiln jun noc' sb'i chi 'ayc' 'a pecti cha. Yujto wach'xam man̈x 'ayc 'ec' ticnec, palta 'oj jawc pax 'a scha'ejmal.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.