Dn 3:20 - Chuj San Sebastian Bible

²⁰ 'Ix schecn 'at win jun tzo'n̈ eb' soldado caw 'ay yip yic tz'at sjalnoc eb' win Sadrac, Mesac yet' Abed-nego, sec tz'at julxoc 'emt eb' 'a yojl jun jorna caw ow sn̈ilchj sc'a'l cha.

Chuj San Mateo Bible

²⁰ Ix schecan juntzan̈ eb' vin̈ soldado vin̈ te ay yip, yic stzec'chaj eb' vin̈ oxvan̈ chi', syumchajb'at eb' vin̈ d'a scal c'ac' d'a yol horno chi'.

Dn 3:20 Iomraidhean Croise

Dn 1:7

Ax win Aspenaz cha, a win xjeln sb'i eb': a Daniel, Beltsasar x'ajx sb'ioc, win Ananías, Sadrac x'ajx sb'ioc, win Misael, Mesac x'ajx sb'ioc, ax win Azarías, Abed-nego x'ajx sb'ioc.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Dn 3:19

A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Dn 3:21

A eb' quelm winc chi yoxwn̈il, 'ayt 'och spichl eb' yic yopiso yu'uj, yic 'ix jalx eb' cha. Xlajw cha, 'ix julx 'emt eb' 'a yojl jun jorna caw ow sn̈ilchj sc'a'l cha.

A Tas Sc'ulejnac Eb' Schecab' Jesús Hechos 16:23

Til wal x'aj eb' sma'xi, xlajw cha, 'ix xutx 'och eb' 'a preso. Ax ewin juez cha, xyaln ewin 'a win tan̈m preso chi 'ixtic: —Caw sin̈n̈i tzotj ewinac, xchi ewin 'a winac.

A Tas Sc'ulejnac Eb' Schecab' Jesús Hechos 16:25

Ax 'a chim'ac'wal, 'ix leslwi Pablo chi yet' Silas. 'Ix sb'itnan eb' jun tzo'n̈ b'it 'a Dios. Ax jun tzo'n̈ xo eb' 'aych 'a preso yet' eb' cha, caw tzyab' eb'.