Dn 3:19 - Chuj San Sebastian Bible

¹⁹ A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Chuj San Mateo Bible

¹⁹ Ayic ix yab'an juntzan̈ slolonel eb' vin̈ quelemtac vin̈aj rey Nabucodonosor chi', ix chacb'i val sat vin̈ scot yoval. Ix schecan ecchajq'ue sc'ac'al jun horno chi' vin̈, masanto jantac stechaj schacb'i sic'lab'il.

Dn 3:19 Iomraidhean Croise

Gn 31:2

Xyiln pax 'och Jacob to a win Labán ow xoj tzyutj win sat 'a 'a, man̈x 'ichaoc 'a yic yalan̈.

Ester 3:5

A yic xyiln Amán to caw yel matz 'em cumn Mardoqueo cha, matz 'em pax n̈ojn 'a yojltac winac yic tz'ec' win 'a stz'ey, yuj cha, caw xcot yowlal.

Ester 7:7

Yuj cha, 'ix q'ue wan win rey, caw wal 'ay cot yowl si'mb'il. 'Ix 'elt win 'a yol n̈a 'a 'aj tzwa eb' cha, x'el-l 'a 'aj 'ay te nichte 'a sti sdespacho. Palta ax Amán, a yic xyilni to 'oj 'ajxoc 'och chaml 'a yib'n̈ yuj win rey, 'ix cancn 'a yol n̈a cha, 'ix tew 'och 'a 'ix reina Ester, sec tzcolchji.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Pr 21:24

A mach b'uchmtac, yel xo tz'ec' 'a yib'n̈ sb'an̈n sb'a, tzyij chan̈ sb'a, man̈x 'a yel'ch yit 'anmal 'a sat.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Dn 2:12

A wal yic 'ix yab'n win rey chi jun tzo'n̈ cha, caw 'ix cot wal yowl win si'mb'il. 'Ix yaln winac to tzmilx cham smasnil eb' tzcob' yalch jelnal sb'a 'a yol yic Babilonia cha.

Dn 3:13

A yic 'ix yab'n win rey jun tic, caw xcot yowl win si'mb'il, 'ix 'at ya'nc win 'ijxoc cot win Sadrac, Mesac yet' Abed-nego. A yic 'ix jaw eb' 'a yojltac win rey cha,

Dn 3:20

'Ix schecn 'at win jun tzo'n̈ eb' soldado caw 'ay yip yic tz'at sjalnoc eb' win Sadrac, Mesac yet' Abed-nego, sec tz'at julxoc 'emt eb' 'a yojl jun jorna caw ow sn̈ilchj sc'a'l cha.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Dn 6:24

Xlajw cha, xya'n win rey chi 'ijxoc cot eb' x'a'n queja win Daniel cha. Xya'n win julxoc 'ejm eb' yet' yistzil, yet' yunnal 'a yol yet'l e no león cha. Mantzac xon 'emch eb' 'a yich jun xab' cha, 'ix q'uet chelnjoc e no stoc' 'ejm eb', schin e no eb', cojxn sb'acl eb' xcani.

Lv 26:18

Toto matz na sb'a e c'ojl yuj jun tzo'n̈ cha, toto matz ex 'och yiclumal 'ayin, 'oj wac' niwtjoc sjaw yailal 'a eyib'an̈.

Lv 26:21

Toto an̈ja tenmtac tzeyutj e b'a 'ayin, matz eyiclj tas tzwala, 'oj wac' niwtjoc sjaw yailal 'a eyib'n̈ yuj e mul cha.

Lv 26:24

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

A Tas Sc'ulejnac Eb' Schecab' Jesús Hechos 5:33

A yic xyab'n ewin yajl chi jun tzo'n̈ tic, xq'ue jucnjoc ewin yowx 'a eb'. Caw snib'j ewin smil eb' muc'uc.

A Tas Sc'ulejnac Eb' Schecab' Jesús Hechos 7:54

Ax yic 'ix yab'n ewin jun tzo'n̈ tic, caw xcot yowl eb' 'a Esteban cha. Xcaw xjuch'ch'i ye eb' scot yowal.