Dn 2:9 - Chuj San Sebastian Bible

⁹ Toto ma'oj eyal 'ayn yuj tas 'ix wil 'a in waych cha, eyojc wal b'i'an to 'oj 'el'choc tas nab'ilx wuj 'a eyib'n̈ cha, yujto 'ix e mol alej tas tzeyutj eya'n 'es yic tze pacn 'ayin. Yuj cha, tze tan̈wni sec toq'ue tzin jel tas nab'ilx wuj 'a e patc cha. Alc 'ayn 'an tas 'ix in waychej cha, sec tzwojquej 'eli chajtlto 'oj stac' eyaln tas tzyal 'el'ch in waych cha, xchi win rey chi 'a eb'.

Chuj San Mateo Bible

⁹ Tato man̈ ol eyala' tas ix in vayichej chi', a tas nab'il vuj d'a eyib'an̈, ol ujoc, yujto ix e mol alej tas tzeyutej e pacan d'ayin d'a esal, yacb'an van e tan̈van in q'uexan tas nab'il vuj d'a e patic. Alec tas ix in vayichej chi', yic snachajel vuuj to ol yal eyalani tas syalelc'ochi, xchi vin̈.

Dn 2:9 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:22

'Ix ta'w jun espíritu chi 'ixtc 'a 'a: 'Oj 'at woch 'a sti smasnil eb' schecb' win Acab cha, ax wa'n yac' eb' 'es 'a winac, xchi. Yuj cha, xyaln Jehová 'ixtc 'a 'a: 'Ixic, 'oj stac' oj 'icha tzal cha, xchi 'a 'a.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

Ester 4:11

Smasnil mach 'aych schecb'oc win rey, yet' pax smasnil eb' chon̈b' 'ay 'a yol smacb'en winac, yojc eb' to a smasnil mach tz'och 'a yol sti sdespacho winac, 'ay jun ley tzalni chajtlto tojln̈ej schami. Wach'xam winac, mto 'ix, toto man̈oc win tz'awtni, yowlal tzchami. Cojxn toto tzyij chan̈ win rey chi jun sc'occh nab'a oro, tzch'oxn 'elt win 'a 'a; toto 'ixta', a jun cha, matz chami. An tic, 'ayx jun 'uj man̈x 'a 'aj tzin yawtj 'at win rey 'a 'a, xchi 'ix.

Pr 12:19

A eb' tzpaxtin wal 'a yel, may b'a'n̈ 'oj satl eb'; ax eb' 'a'm 'es, yajn̈j wal cha, tzsatl eb'.

Is 41:23

Toto caw yel dios ex, alc 'ayn̈ on̈, tas wal 'oj ujc yic b'aq'uin̈. B'oc tas tztac' eyu'uj, toxn̈ej wach' mto tu', sec tzsat qui c'ojl quilni, ax qui xiw yu'uj.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Ez 13:17

Ach 'anma', a ticnec al 'a jun tzo'n̈ eb' 'ix et chon̈ab', eb' 'ix cob' xyalch sb'a in checb'oc. A eb' 'ix cha, mun cob' tzyal eb' 'ix junc tas 'a yol yico'.

Ez 13:19

Ax tic, yuj jun jopoc 'ixm cebada, mto yuj junc 'ixm pan, tzin e patquiln can 'el 'a sat eb' in chon̈ab'. 'In tzlaj e mil cham eb' 'anma to man̈ smojc schami. A eb' 'ayx 'och chaml 'a yib'an̈, a eb' tze colcn 'eli. Tzeya'n 'es 'a eb' in chon̈ab', ax eb', caw wal tzchaj sc'ojl eb' yab'n tas tze yal cha.

Ez 13:6

Tzcob' yal eb' to 'ay tas tzyila, tznan eb' tas tzyutj ya'n 'es, tzyaln cob' eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwal 'a eb'. Tzlaj cob' stan̈wnoc eb' yel'ch tas tzyal cha.

Dn 2:16

Xlajw cha, 'ix 'at Daniel yic tz'at tewc 'a win rey cha, sec tzyac' win jacx stiempo stan̈wni, yic tzalx yab' winac tas yaj swaych cha, yet' tas tzyal 'el'chi. 'Ix schaj sc'ojl win rey jun nab'en cha.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Dn 2:8

'Ix ta'w pax win rey chi 'a eb' 'ixtic: —Wojc wal si'mb'il to tze say tas tzeyutj e coln e b'a. Yuj cha, ton̈j tzeyij 'ec' tiempo, yujto 'ix eyab' tas nab'il wuj 'a e patic.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Dn 5:28

UPARSIN: A 'a macb'en 'aj 'aych 'och reyal, tox 'ix 'ijx 'ec' 'ayach, 'ix pojx 'ec' 'a eb' 'aj Media yet' eb' 'aj Persia, xchi Daniel.

Dn 5:31

Ax win Darío 'aj chon̈b' Media, a win xya'ch sb'a sjelc can 'a yopiso cha, 'ayx 62 ab'il sq'uinl win Darío cha.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.