Dn 2:6 - Chuj San Sebastian Bible

⁶ Palta toto 'oj eyal 'ayin tas 'ix wil 'a in waych cha, yet' tas tzyal 'el'chi, 'oj e cha wal siylab' 'oj wac' 'ayex. 'Oj wac' pax in wach'c'ojlal 'ayex, caw niwn 'oj eyaj 'el'chi. Yuj cha, alc 'ayn 'an tas 'ix in waychej cha, yet' tas tzyal 'el'chi, xchi winac.

Chuj San Mateo Bible

⁶ Palta tato ol eyal d'ayin tas ix in vayichej chi' yed' tas syalelc'ochi, nivan silab' ol vac' spacoc d'ayex, te nivan pax ol aj eyelc'ochi. Yuj chi', alec d'ayin tas ix in vayichej chi' yed' tas syalelc'ochi, xchi vin̈ d'a eb' vin̈.

Dn 2:6 Iomraidhean Croise

Dn 2:48

Xlajw cha, 'ix ya'n 'och win rey chi Daniel 'a jun 'opiso to yel xo niwn yel'chi. Caw niwn jun tzo'n̈ xo siylab' caw wach' 'ix yac' win 'a 'a. 'Ix ya'n 'och win gobernadoral 'a yol smacb'en Babilonia. 'Ix ya'n 'och pax win sat yajlil 'a yib'n̈ smasnil eb' tzyal jelnal sb'a cha.

Dn 5:29

Xlajw cha, xya'n win rey Belsasar 'ajxoc 'och te pichl púrpura 'a Daniel. Xya'n pax win 'ajxoc 'och jun q'uen cadena nab'a oro 'a sjaj 'icha ton̈. 'Ix yaln win 'a smasnil eb' 'anma', to tz'ochcn Daniel 'a yoxl reyal.

Dn 5:7

'Ix ya'n 'el win rey chi yaw, xyawtn cot win eb' tzyal jelnal sb'a, eb' tzchumn yet' c'anal, yet' eb' tztac' snan 'el paxti'. A yic xc'och eb', xyaln win 'a eb' 'ixtic: —A mach tztac' yawtn jun tas tz'ib'b'il 'och tic, tzyaln 'ayin tas tzyal 'el'chi, a jun cha, caw 'oj 'ajxoc 'och te pichl púrpura 'a 'a. 'Oj 'ajxoc pax 'och jun q'uen cadena nab'a oro 'a sjaj 'icha ton̈, ax yoch pax yoxl reyl 'a wopiso tic, xchi winac.

Nm 22:17

Yujto tzyal 'ixtc 'ayach: Caw niwn yel'ch 'oj ach wutoc. A tas 'oj a c'an 'ayin, 'oj wa'n̈j 'ayach. Yuj cha, tzin tew wal 'ayach, to tza yiclj a coti, yic tza catb'tzan jun tzo'n̈ 'anma tic, xchi Balac, xchi eb' 'a 'a.

Nm 22:37

'Ix yaln win Balac 'ixtc 'a Balaam: Caw wal yelc'ojlal 'awtb'ilch cot wu'uj. ¿Tas pax yuj 'ijn matz ach jawi? ¿Am a nani to ma'oj tza'wnoc wa'n tas tza nib'ej? xchi.

Nm 22:7

Ax eb' yichm wincal chon̈b' Moab yet' eb' yic Madián, 'ix 'at eb' 'a 'ajtil 'ayc' Balaam cha. Caw niwn tumn 'ix yij 'at eb', sec tztojcn eb' jun tzo'n̈ catb' cha. A yic xc'och eb' 'a Balaam, 'ix yaln eb' schecnb'il yet' yuj Balac.

Nm 24:11

Yel xom wach' tzach pax 'a atut. Tox 'ix cob' wala', to niwn tas 'oj wac' 'ayach, caw niwn pax el'ch 'ayin, palta 'in matz chaj sc'ojl Jehová to 'ixta tz'aji, xchi Balac.