Dn 2:3 - Chuj San Sebastian Bible

³ 'ix yaln win 'a eb' 'ixtic: —'Ay wal jun in waych x'ochi, caw 'ayn 'och 'a somc'ojlal ticnec yu'uj. Tzin nib'j tzwojquej 'eli tas tzyal 'el'chi, xchi win 'a eb'.

Chuj San Mateo Bible

³ ix yalan vin̈ d'a eb' vin̈ icha tic: —Ay val jun tas ix in vayichej, te ilc'olal vaj yuuj. Tzin nib'ej svojtaquejeli tas syalelc'ochi, xchi vin̈.

Dn 2:3 Iomraidhean Croise

Gn 40:8

—'Ay jun qui waych x'och 'a 'ac'wl tic on̈, palta may mach 'a tic tztac' yaln 'ayn̈ on̈ tas wal tzyal 'el'chi, xchi ewinac. Yuj cha, xyaln José 'a eb' 'ixtic: —¿Tom man̈oc Dios tztac' ya'n spac e waych cha? Alc 'ayin tas xeyil 'a e waych cha, xchi.

Gn 41:15

Xyaln win rey chi 'ixtc 'a José: —'Ay wal jun in wayich, may xon junc ewin 'ayc' 'a tic tztac' snachj 'el yu'uj tas wal tzyal 'el'chi, xwab' speclal tolab' tznachj 'el o'oj tas tzyal 'el'ch jun tzo'n̈ wayich, xchi win rey cha.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Dn 2:1

A yic schab'l ab'il xo yoch win Nabucodonosor reyal, ata 'ix 'och jun tzo'n̈ swaych winac. Yuj wal jun tzo'n̈ swaych win cha, caw x'och win 'a somc'ojlal, man̈xtzac cot xon swayn̈ win yu'uj.

Dn 4:5

Palta 'ay jun 'ac'wal, yic waync in, 'ix 'och jun in wayich. A wal tas 'ix wil cha, caw wal in xiw chan̈ yu'uj.