Dn 2:12 - Chuj San Sebastian Bible

¹² A wal yic 'ix yab'n win rey chi jun tzo'n̈ cha, caw 'ix cot wal yowl win si'mb'il. 'Ix yaln winac to tzmilx cham smasnil eb' tzcob' yalch jelnal sb'a 'a yol yic Babilonia cha.

Chuj San Mateo Bible

¹² Ayic ix yab'an vin̈ rey icha chi', ix cot val yoval vin̈ sic'lab'il. Ix yalan vin̈ to xicjicham eb' vin̈ jelan chi' d'a masanil yol yic Babilonia.

Dn 2:12 Iomraidhean Croise

Job 5:2

A junc 'anma may snab'en, a yowl sc'ojl chi 'oj milnoc, ax mach tznib'n 'och junc tas, 'oj c'un cham yuj schichnc'ojlal.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Pr 29:22

A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.

Dn 2:24

A yic xlajw yaln Daniel chi jun tzo'n̈ tic, 'ix 'at 'a win Arioc cha, atn win x'ajx yopiso yuj win rey smiln cham eb' tzyal jelnal sb'a 'a yol yic Babilonia cha, 'ix yaln 'a win 'ixtic: —Ach wajlil, comnoc matz cham eb' tzyalch jelnal sb'a cha. 'Ij in 'at 'a yojltac win rey cha. An 'oj wala' tas tzyal 'el'ch swaych win cha, xchi.

Dn 2:5

'Ix ta'w win rey chi 'a eb' 'ixtic: —A tas tox xin na ticnec, toto ma'oj eyal 'ayin tas jun in waych cha, yet' tas tzyal 'el'chi, caw choc' 'oj eyaj e milx chamoc, ax eyatut, jun b'uln̈ 'oj 'aj sma'x can 'ejm lan̈chjoc.

Dn 3:13

A yic 'ix yab'n win rey jun tic, caw xcot yowl win si'mb'il, 'ix 'at ya'nc win 'ijxoc cot win Sadrac, Mesac yet' Abed-nego. A yic 'ix jaw eb' 'a yojltac win rey cha,

Dn 3:19

A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.