Dn 2:11 - Chuj San Sebastian Bible

¹¹ Yujto a jun tic caw wal 'ajltac snachj 'eli, may junc mach tztac' yaln 'ayach. Cojn am eb' dios tztac' snachj 'el yu'uj, palta a eb' cha, man̈ 'ayc' 'ec' eb' 'a qui cal an̈ 'anman̈ tic, xchi eb'.

Chuj San Mateo Bible

¹¹ Yujto a jun tic, te ajaltac snachajeli. Malaj junoc mach syal yalani, an̈ej am eb' dios snachaj yuuj, palta a eb' chi', man̈oc d'a co cal ay eb' a on̈ anima on̈ tic, xchi eb' vin̈.

Dn 2:11 Iomraidhean Croise

Gn 41:39

Xyaln win rey chi 'ixtc 'a José: —May junc mach jelan, may junc mach tza'wni snab'en 'icha ach tic, yujto a Dios tz'a'n ojcoc 'el smasnil jun tzo'n̈ tic.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

2 Cr 6:18

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

Salmos 132:14

Atn wal 'a jun lugar chi 'aj 'oj in can cajan, 'oj in cann̈j ta 'a smasnil tiempo.

Salmos 68:18

A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.

Ex 29:45

An tic, 'oj in can cajn 'a e cal yujto e Diosal in.

Ex 8:19

Xlajw cha, 'ix yaln eb' tzyal jelnal sb'a chi 'a win rey chi 'ixtic: —A jun tic, smunljel Dios, xchi ewinac. Palta an̈j 'ijnoc 'ix pitb' 'el snab'en win rey, 'icha wal yutjnac Jehová yalni. Ma'ix chaj win yab' tas 'ix yal Moisés yet' Aarón.

Is 47:12

B'eylb'ej 'ajchumal cha, yet' tas cuyb'il oj 'a yictax cob'sal. 'Oj ela', toto 'oj 'och to yopiso jun chi o'oj, 'oj ela', toto 'ojt xiw eb' 'anma chi 'aych yu'uj.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Dn 4:4

An reyn tic, caw wal tzaljc'ojlal waj 'a in despacho, caw wal tzniwtj tas 'ay 'ayin.

Dn 5:11

A 'a yol a macb'en 'aj 'aych 'och reyl tic, 'ay jun winc caw tztac' snachj 'el yu'uj. Caw 'aych sjelnal jun tzo'n̈ dios 'a 'a. A 'a yol stiempoal win a mam 'icham, a jun winc cha, 'ix sch'oxli to caw 'ay jun snab'en caw wach', caw jelan, 'icha sjelnal jun tzo'n̈ dios. Yuj cha, ax a mam 'ichm Nabucodonosor, a x'a'n 'och syajlilc smasnil eb' 'ay tas tztac' yu'uj, eb' tzchumn yet' c'anal, yet' pax eb' tztac' snan 'el paxti 'a jun nacion̈ tic.

Nm 35:34

Yuj cha, man̈ eyixtc 'el sat lum lum 'aj 'oj e c'och cajn cha, yujto an Jehová in tic, 'oj waj cajn pax eyet' 'a lum lum cha, xchi Dios.

Mt 19:26

Yuj cha, 'ix 'och q'ueln Jesús 'a eb', 'ix yaln 'ixtic: —A jun tic may junc 'anma tztac' yu'uj. Palta cojn Dios tztac' yu'uj, yujto tzta'n̈j yuj smasnil, xchi 'a eb'.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.