Dn 12:9 - Chuj San Sebastian Bible

⁹ 'Ix yaln 'ayn 'ixtic: Mant a na yuj jun tzo'n̈ tic Daniel, yujto a smasnil jun tzo'n̈ tic, ton̈j 'oj molxoc cani, masnto 'oj jawc jun slajb' c'ual.

Chuj San Mateo Bible

⁹ Ix yalan d'ayin icha tic: Manto a na yuj juntzan̈ tic Daniel, yujto masanil juntzan̈ tic, ton̈ej ol sic'chajcanoc masanto ol javoc slajvub'.

Dn 12:9 Iomraidhean Croise

Is 29:11

Yuj cha, a smasnil spaxti eb' schecb' Dios, lajn 'oj 'ajcn 'ayx 'icha junc tas tz'ib'b'il 'a junc ch'an̈ un̈ chulb'ilb'ec'an, 'aych can pax seyo 'a 'a. Toto tz'ajx ch'an̈ 'a junc mach tztac' yiln u'un̈, tzalx 'a 'ixtic: 'Awtj jun un̈ tic, toto xchi jun cha; tzta'w junx chi 'a 'ixtic: Matz tac' wilni, yujto 'aych seyoal, xchi.

Is 8:16

Ex in cuywum, molc can jun tzo'n̈ cuynb'il tic 'a e nab'en, may cab' b'a'n̈ tzsat 'a e c'ojol.

Dn 10:14

Yuj cha, ticnec in jaw 'ayach yic tzwul walnoc ab'i', tas 'oj 'ec' 'a yib'n̈ a chon̈b' chi 'a yic slajb' c'ual. Yujto a tas xel 'a jun a waych cha, atn tas 'oj ujc yic b'aq'uin̈, a chi xch'oxx ela', xchi 'ayin.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Dn 12:8

'Ix wab' tas xyala, palta ma'ix nachj 'el wu'uj. Yuj cha, xin c'anb'n 'a jun chi 'ixtic: Mamin, ¿tas wal 'oj 'aj slajw 'ec' smasnil jun tzo'n̈ tic? xin chi.

Dn 8:26

A tas 'ix el 'a xajmb'al tz'ajx 'a yic yemc'ual yet' 'a yic sq'uin̈b'ial, tic wal xalx ab'i', tas tzyal 'el'chi. A jun cha, yowlal 'oj 'el'choc. Can cab' n̈ej jun tic 'a a nab'en, may cab' junc mach 'aj tzala yujto a yic caw niwn xo tiempo tox 'ix 'eq'ui, 'ixta to b'i'an, ax yel'ch jun tzo'n̈ tic, xchi Gabriel 'ayin.

Apoc 10:4

Xlajwn̈ej spaxtin uque tzc'an̈ c'u cha, 'ijn xin tz'ib'j tas xwab'i, palta 'ay jun 'a satchan̈ 'ix aln 'ayn 'ixtic: —A tas xyal uque tzc'an̈ c'u cha, ton̈j tza mol 'a a nab'en. Man̈ a tz'ib'oc, xchi 'ayin.