Dn 12:6 - Chuj San Sebastian Bible

⁶ 'Ay jun 'a eb' chawn̈ cha, 'ix sc'anb'n 'a jun win 'aych te pichl nab'a lino yu'uj, lin̈n 'ec' 'a yib'n̈ q'ue sti a'. 'Ix yaln 'ixtic: ¿B'a'n̈ wal 'oj lajwc 'ec' jun tzo'n̈ caw satjub'tac yilx tic? xchi 'a 'a.

Chuj San Mateo Bible

⁶ A junoc eb' chi' ix c'anb'an d'a jun vinac ayoch pichul lino yuuj, lin̈anec' d'a yib'an̈q'ue eb', ix yalan icha tic: ¿B'aq'uin̈ val ol lajvoc juntzan̈ tas ayxo smay yilji tic? xchi d'ay.

Dn 12:6 Iomraidhean Croise

Salmos 74:9

Man̈x 'aj wach' quiln junc senya, man̈x 'a junc a checab', mant cojcoc pax on̈, jantcto tiempo 'oj yac' jun tic.

Ez 9:2

'Ix wilni, 'ay wacwn̈ winc x'oxt 'a yol sti spuertail chon̈b' 'a stojlal norte, yet' eb' syamc'ab' tzyac' milwjoc. Ax 'a scal eb' cha, ata 'aych jun winc nab'a lino spichul, t'un̈n 'och stz'ib'lab' 'a snan̈al. 'Ix 'oxt eb', axta x'aj lin̈n eb' 'a stz'ey yet'l xajmb'al nab'a bronce.

Dn 12:5

Ax xwilni lin̈n 'ec' pax chawn̈ xo winc 'a sti a a cha, junjn 'a junjn spac'b'il sti a niwn a Tigris.

Dn 12:8

'Ix wab' tas xyala, palta ma'ix nachj 'el wu'uj. Yuj cha, xin c'anb'n 'a jun chi 'ixtic: Mamin, ¿tas wal 'oj 'aj slajw 'ec' smasnil jun tzo'n̈ tic? xin chi.

Dn 8:13

Xlajw cha, ax xwab'ni 'ay jun ángel xc'anb'n 'a junx ángel 'ixtic: ¿Jantc to wal tiempo 'oj yac' jun tzquil tic? ¿Jantc to tiempo 'ayc' jun yajb'il 'el yuj Dios tic, atn jun tzmacn 'och wan xajmb'al tz'ajx 'a junjn c'u? ¿B'a'n̈ to 'oj 'och wan ste'x 'ejm eb' soldado 'aj satchan̈ yu'uj, yet' jun scajnub' Jehová? xchi.

Dn 8:16

Axn cha, xwab'n yoch jun jaj 'a sti a niwn a Ulai, 'icha wal sjaj junc 'anma', xyaln 'ixtic: Gabriel, al 'a jun winc tic tas tzyal 'el'ch jun xyil tic, xchi.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mr 13:4

—Tzqui nib'j tzal 'ayn̈ on̈, ¿b'a'n̈ 'oj jawc jun chi 'ix al cha? ¿Tas junc senya 'oj sch'ox Dios, yic jab'xoj 'oj jawc jun tzo'n̈ cha? xchi eb' 'a 'a.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

Apoc 15:6

Ata x'elt ucwn̈ ángel. Yet' eb' uque yailal, junjn yet' junjn eb'. 'Aych junjn sac pichl yuj junjn eb', caw tzictzni yilxi. 'Aych junjn cincha nab'a oro 'a sn̈i sc'ojl junjn eb'.

Apoc 19:14

Ax eb' soldado smasnil 'a satcha'an̈, tza'n 'och eb' yu'uj. Caw wach' spichl eb', caw sac. May jac lum 'aych 'a 'a. 'Ay q'ue junjn eb' 'a yib'n̈ schej caw sac.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.