Dn 12:3 - Chuj San Sebastian Bible

³ A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Chuj San Mateo Bible

³ A eb' jelan, eb' ix cuchb'an tzijtum anima d'a vach' b'eyb'al, ol checlaj eb' d'a masanil tiempo icha scopopial yilji q'uen c'anal ay d'a satchaan̈.

Dn 12:3 Iomraidhean Croise

Ex 34:35

A yic wan spaxtin cha, tzyiln eb' 'anma cha to caw tzictzni yilx sat Moisés. Cojn tzlajw spaxtini, tzmacn can pax sat yet' jun nip cha, macnn̈ej sat cha, masnto 'a yic tz'ochx paxtinc yet' Jehová, tzyi'n to pax 'el jun nip cha.

Pr 11:30

A tas tzb'o eb' tojl sb'eyb'al, a chi tz'a'n sq'uinl eb'; a eb' jelan, caw wal tzmontchj eb' 'anma yuj eb'.

Pr 3:35

A eb' tzb'eylb'an jelnal, caw 'oj 'ijxoc chan̈ eb', ax eb' matz b'on wach' nab'enal, 'oj q'uixwc can 'el eb'.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Ec 12:9

A yic in jelnb'i, til wal tas wach' xwac' yojcoc 'el eb' wit 'anma'il. An̈jtona', til wal jun tzo'n̈ xo paxti xlaj in cuyu', xlaj wa'n 'och eb' 'a stzolil.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Jeremías 23:22

Comnoc wal xyojquej 'el eb' tas nab'il wu'uj, toto a in paxti 'ix yal-l eb' 'a eb' in chon̈ab', to 'ixta', tox 'ix yij 'el sb'a am eb' 'a scal smaysch'olnilal, 'ix yactj am eb' sb'on tas tu'.

Dn 11:33

Til wal eb' et chon̈b' 'oj cuyxoc yuj eb' jeln 'a a chon̈b' cha, palta jayen̈ej c'u, ax smilx cham eb'. 'Oj n̈usxoctz'a eb', 'oj 'elc'xoc 'at smasnil tas 'ay 'a eb'. Mosoal 'oj 'ajcn 'och eb' 'a jun tzo'n̈ chuc chon̈b'al.

Dn 11:35

An̈jtona', 'oj milxoc cham jaywn̈oc eb' jeln scuywj chi 'a scal eb' et chon̈b' cha, yic wach' 'oj 'ajxoc prowal jun tzo'n̈ xo eb' 'oj canoc. Ax yijx 'el eb' chab'sat yaj 'a scal eb', ax stojlb'tzax snab'en eb', masnto 'oj c'och jun slajb' c'ual, 'icha tas nab'il yuj Dios.

Dn 12:10

Yuj jun tzo'n̈ yailal cha, caw niwn 'anma 'oj 'ijxoc 'el smul, 'oj tojlb'oc can snab'en eb', caw wach' oj 'ajcn eb'. Ax eb' maysch'olnil sb'eyb'al, 'oj niwtjoc sb'on eb' maysch'olnil. Toxn ma'oj nachjoc 'el yuj eb' tas wan yuji. Palta ax eb' 'ay snab'en, 'oj nachjoc 'el yuj eb'.

Mt 13:43

Ax eb' tojl sb'eyb'al, 'icha wal yilx c'u, 'ixta 'oj 'aj yilx eb' 'a yol sc'ab' qui Mam Dios. A wal jun tzo'n̈ tzeyab' tic, nac wal si'mb'il.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Mt 24:45

Q'uinloc 'ay junc win patron̈ yet' eb' smoso. A eb' yiclum, eb' 'ay snab'en, atn eb' 'oj ya'ch win yopiso ya'n cuenta yatut, yet' smasnil tas 'ay 'a 'a. ¿Palta mach eb' yiclum chi tze na'a?

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

Jn 5:35

A Juan cha, 'icha junc tziclab'il taj caw 'ay yoc, 'ixta yeq'ui. Yuj cha, ex tzalj jaye c'u yet'oc.

A Tas Sc'ulejnac Eb' Schecab' Jesús Hechos 13:1

A 'a scal eb' creyente 'a chon̈b' Antioquía, ata 'ay jun tzo'n̈ eb' tzyac' Dios yal-l spaxti', 'ayc' pax jun tzo'n̈ eb' cuywjum: atn Bernabé, yet' Simón tzcuch pax Niger, Lucio 'aj chon̈b' Cirene, Saulo, yet' pax Manaén, atn jun q'uib'nc chan̈ yet' win Herodes, win ya'jnac yajil 'a Galilea.

1 Co 3:10

An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

A Ch'an̈ Carta D'a Eb' Hebreo 5:12

'In 'ayx stiempoal eya'n 'och 'a e c'ojol. Smoj to cuywjumx xo ticnec. Palta an̈j jun tzo'n̈ b'ab'l cuynb'il yic Dios, yowlal an̈ja tzat alx 'ayex. Mant 'a e te'nal, lajn ex 'icha junc tz'ulc 'unn tzat chuwi, mant 'a jac tas tzc'uxu.

A Schab'il Carta San Pedro 3:15

Nachj cab' 'el eyu'uj, to a Cajlilec 'ayt sniwnc'ojlal. Mantzac jawi, sec 'ay eb' tzat laj colchji. Ax cu'tac Pablo, chamc'ojlb'il cujec, 'ixta xyutj stz'ib'n pax 'at 'ayx jun xo, yujto 'ixta yaj ya'n can Dios sjelnal.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.