Dn 11:9 - Chuj San Sebastian Bible

⁹ 'Oj lajwc cha, ax jun rey 'ay 'a norte cha, 'oj ya'lc cob' ya'n owl yet' jun rey 'ay a sur, palta ma'oj stac' yu'uj, yuj cha, ax smeltzj 'a schon̈ab'.

Chuj San Mateo Bible

⁹ Ol lajvoc chi', a jun vin̈ sreyal norte chi', ol yac' oval vin̈ yed' jun vin̈ sreyal sur chi', palta man̈ ol yal-laj yuj vin̈, ol meltzaj vin̈ d'a schon̈ab'.

Dn 11:9 Iomraidhean Croise

Dn 11:10

Palta ax eb' yunnal jun rey 'ay 'a norte cha, 'oj q'ue wan eb', ax ya'n eb' owl cha, man̈x jantcoc sb'isl soldado eb' 'oj smolb'tzoc. Ax 'a scal junc eb' 'unnab'il cha, ata 'oj 'eltoc junc mach yet' soldado, yic tz'at ya'nc 'ejm sur 'a snab'en. Caw ji'lti 'oj 'ec' yac' owal, 'icha tzyac' junc a 'elmal a', masnto 'oj c'och 'a 'aj 'ay schon̈b' jun rey 'ay 'a sur cha.

Dn 11:11

Yuj wal cha, ax scot yowl jun rey 'ay 'a sur chi si'mb'il. Ax yelt yac' owl yet' jun b'uln̈ eb' soldado 'ajc'ojl yajch 'a cha, ax slajw 'el eb' smasnil yu'uj.

Dn 11:5

A jun 'oj 'och reyl 'a sur cha, yel xo wal jeln 'oj 'ajoc, palta ax junc eb' sgeneral jun b'ab'l rey cha, yel xo pax jeln 'oj 'aj 'a yib'an̈. Yuj cha, caw wal niwn 'aj 'oj yac' yajlil.

Dn 11:8

An̈jtona', 'oj yi't pax 'a Egipto jun tzo'n̈ q'uen q'uen tenb'il b'o sdiosalc eb', yet' q'uen oro yet' q'uen plata tzc'anlb'ax 'a jun tzo'n̈ sdiosal eb' cha. 'Oj 'ec' jaye'oc ab'il yuj eb', yic may owl 'a scal chab' nacion̈ cha.

Zacarías 6:6

A jun caruaje toc'b'il yuj e no q'uic' chej cha, ata tz'at 'a jun nacion̈ 'ay 'a stojlal norte, ax jun caruaje toc'b'il yuj e no sac chej cha, ata tz'at 'a jun nacion̈ 'ay 'a stojlal 'aj tz'em c'u. Ax junx caruaje toc'b'il yuj e no tz'ib'quintac chej cha, ata tz'at 'a jun nacion̈ 'ay 'a stojlal sur, xchi jun ángel cha.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.