Dn 11:6 - Chuj San Sebastian Bible

⁶ Ax yic 'oj 'ec' jaye'oc ab'il, a chawn̈ eb' rey cha, 'oj sb'o eb' jun strato. A jun rey 'a sur cha, 'oj ya't jun yisl 'a win rey 'a norte, yic wach' a chab' nacion̈ cha, tz'och junc'ojlal 'a scal eb'. Palta ma'oj stac' yi'n b'ey 'ix jun trato chi yet' win yichmil cha, yuj cha, 'oj milxoc cham 'ix yet' yichmil, yet' eb' yune 'ix, yet' pax eb' tz'a'n servil 'ix.

Chuj San Mateo Bible

⁶ Axo yic ol ec' jayeoc ab'il, a eb' vin̈ chavan̈ rey chi', ol sb'o junoc strato eb' vin̈. A jun vin̈ sreyal sur chi', ol yac'b'at junoc yisil vin̈ d'a vin̈ sreyal norte, yic vach' ay junc'olal d'a scal chab' macb'en chi'. Palta man̈ ol yal yuj ix yic'an b'ey jun trato yed' vin̈ yetb'eyum chi'. Yuj chi' ol miljoccham ix yed' vin̈ yed' yune' ix yed' pax eb' schecab' ix.

Dn 11:6 Iomraidhean Croise

Job 38:15

A sacq'uinl chi tzyamn 'och wan eb' maysch'olnil snab'en, yuj cha, man̈x 'a tas tztac' yuj eb'.

Salmos 10:5

Caw tu tas tzb'o eb' 'a smasnil tiempo; matz nachj 'el yuj eb', toto ach 'oj a b'eyc'ojloc eb'. Tzpatquiln can 'el eb' smasnil eb' 'ajc'ojl yajch 'a 'a.

Ez 30:21

Ach 'anma', 'icha to xin mac' wecchjoc jun sc'ab' win sreyl Egipto, a jun sc'ab' cha, man̈x 'oj stac' yoch snipul, man̈x 'oj stac' yan̈txi, yic tztac' syamn pax win yespada.

Dn 11:13

A yic 'oj 'ec' jaye'oc ab'il, ax win rey 'ay 'a norte cha, 'oj smolb'tzoc eb' soldado jun 'ejm xo, 'ec'b'al xo 'oj 'aj sb'isl eb' 'a 'icha yic b'ab'el, ax s'atx yac' owl yet' jun rey 'ay 'a sur cha, caw niwn xo soldado ajun yet'oc, yet'n̈j eb' syamc'ab' yic owl smasnil.

Dn 11:15

Ax sjaw jun rey 'ay 'a norte cha, 'oj 'och oyn eb' soldado 'a spatquil jun chon̈b' caw cob' 'ay yip cha. 'Oj 'em jun chon̈b' chi yuj eb'. Ax eb' soldado caw cob' jeln 'ay 'a sur cha, man̈x 'oj stac' ste'wtzan sb'a eb' 'a yojltac eb' 'ajc'ojl cha.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Dn 11:7

Palta 'ay jun yican 'ix 'oj 'och reyal, ax s'at yet' eb' soldado 'at yac' owl yet' eb' soldado yic norte. 'Oj 'em eb' yu'uj, masnto 'oj 'em schon̈b' win sreyl norte chi yu'uj.

Zacarías 11:16

Yujto 'oj wa'ch junc yilmal jun nacion̈ tic, junc tu 'oj yutc sb'a 'icha junc 'ilm calnelu, toxn matz 'och 'il yuj no calnelu tzsatcn 'ati, matz 'at sayc' no', matz yan̈tj win no lajwnac, matz yac' wa win pax no tzcham yuj wejel. A yico', a wal no caw b'aq'uech a no tzchi 'ejmi, man̈x xon jac yoc no tzcan yu'uj.