Dn 11:5 - Chuj San Sebastian Bible

⁵ A jun 'oj 'och reyl 'a sur cha, yel xo wal jeln 'oj 'ajoc, palta ax junc eb' sgeneral jun b'ab'l rey cha, yel xo pax jeln 'oj 'aj 'a yib'an̈. Yuj cha, caw wal niwn 'aj 'oj yac' yajlil.

Chuj San Mateo Bible

⁵ A jun vin̈ ol ochcan sreyaloc sur, ol ste iq'uej yip vin̈, palta a junocxo vin̈ yajal soldado te nivan ol aj yopisio d'a yichan̈ jun vin̈ sreyal sur chi', ol yac'an yajalil vin̈ d'a jun macb'en te levan chi'.

Dn 11:5 Iomraidhean Croise

Dn 11:11

Yuj wal cha, ax scot yowl jun rey 'ay 'a sur chi si'mb'il. Ax yelt yac' owl yet' jun b'uln̈ eb' soldado 'ajc'ojl yajch 'a cha, ax slajw 'el eb' smasnil yu'uj.

Dn 11:14

A 'a yic jun tiempoal cha, til wal eb' 'oj 'och 'ajc'ojlal 'a win rey 'ay 'a sur cha. A 'a scal eb', ata 'ay jun tzo'n̈ eb' et israelal caw maysch'olnil snab'en, 'oj 'och eb' 'ajc'ojlal 'a win rey cha, sec tz'el'ch tas 'ix yil eb' 'a swaych snani, palta ma'oj stac' yuj eb'.

Dn 11:25

'Oj ya'ch sjelnal chi yipc sc'ojol, ax ya'n owl yet' jun rey 'ay 'a sur, caw niwn sb'isl soldado 'oj 'och yet'oc. Palta a jun rey 'a sur cha, yet' wal yip si'mb'il, yet' pax jun tzo'n̈ soldado caw jelan, ax ya'n owl yet' jun tzo'n̈ soldado caw niwn sb'isl cha. Palta ma'oj stac' yuj jun rey 'a sur cha, yujto ton̈j 'oj 'ixtxoc paxti'.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Zacarías 6:6

A jun caruaje toc'b'il yuj e no q'uic' chej cha, ata tz'at 'a jun nacion̈ 'ay 'a stojlal norte, ax jun caruaje toc'b'il yuj e no sac chej cha, ata tz'at 'a jun nacion̈ 'ay 'a stojlal 'aj tz'em c'u. Ax junx caruaje toc'b'il yuj e no tz'ib'quintac chej cha, ata tz'at 'a jun nacion̈ 'ay 'a stojlal sur, xchi jun ángel cha.