Dn 11:4 - Chuj San Sebastian Bible

⁴ Palta a yic tox 'ix yij yip yopiso cha, chan̈ c'aj 'oj 'aj spoji. A yopiso jun rey cha, man̈x 'oj b'ey 'a eb' yin̈til, 'oj 'el yip yopiso cha, man̈x lajnoc 'icha 'a yic b'ab'el, yujto tox 'ix poji, chucx mach 'oj 'ochx can reyl sjeloc.

Chuj San Mateo Bible

⁴ Palta ayic toxo ix yic' yip yopisio vin̈ chi', chan̈poj ol ajcanb'atoc. A yopisio jun vin̈ rey chi', man̈ ol b'eyn̈ejb'at d'a eb' yin̈tilal. Ol el yip yopisio vin̈ chi', man̈xo lajanoc ol aj yip icha d'a sb'ab'elal, yujto chan̈poj ol ajoc, ch'ocxo pax mach ol ochcan reyal sq'uexuloc vin̈.

Dn 11:4 Iomraidhean Croise

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Jeremías 12:15

Ax yic 'oj lajwc in satn 'el eb' cha, 'ixta to b'i'an, ax yo'x 'och in c'ojl 'a eb' jun 'ejm xo, ax wi'n pax meltzjoc eb' 'a sat slu'um, yet' 'a schon̈ab'.

Jeremías 12:17

Ax pax junc nacion̈ to matz yiclj tas tzwala, an Jehová in, an tzwala to caw 'oj in satcn 'el jun nacion̈ cha, 'icha yic tzto'x q'uet junc te yet' sch'an̈lyib'.

Jeremías 18:7

Q'uinloc an tic, tzin nalb'ej in satn 'el junc nacion̈, mto tzin nalb'ej wi'n 'el junc mach 'a yopiso,

Jeremías 31:40

Smasnil lum pan̈n 'aj tzmucx eb' chamnc 'anma', yet' 'a 'aj tzjulx 'el stan̈il c'ac', yet' smasnil span̈nil yib'n̈ q'ue sti a a tzcuch Cedrón, masnto 'a junx schicn 'a 'aj 'ay jun puerta 'aj tz'och e no chej, 'a stojlal 'aj tzq'uel c'u, a jun cha, wic 'oj 'ajcni. A smasnil jun tzo'n̈ tic, man̈x 'a b'a'n̈ 'oj satli, man̈x 'a pax b'a'n̈ 'oj lajwc 'eli, xchi Dios.

Jeremías 45:4

Palta 'iltnab'an, an Jehová 'in, wan in satn 'el tas in b'ojnac, wan in to'n q'uet tas wawjnac. 'Ixta wal tas 'oj in b'o 'a smasnil nacion̈ tic.

Jeremías 49:36

'Oj wa' cot owl 'a jun chon̈b' tic, 'icha junc niwquil 'ic' to caw ow, tzanxn̈ej 'aj tzcoti. Tzanxn̈ej 'aj 'oj 'ijxoc 'at eb', man̈x 'a junc nacion̈ 'ajtil ma'oj c'och eb' 'at sc'ub'c 'el sb'a.

Ez 37:9

Xlajw cha, xyaln Jehová 'ayn 'ixtic: Ach 'anma', al 'ixtc 'a 'ic' 'ay 'a yolyib'n̈q'uinl tic. To an Jehová Yajl in, an tzwal 'ixtic: Ach 'ic' cotan̈, 'ochn̈ 'a jun tzo'n̈ niwnal milb'il cham tic yic tzpitzw pax eb', xchi Dios, xa chi 'a 'a, xchi 'ayin.

Dn 7:2

'Ix yaln Daniel 'ixtic: Xwil wal 'a jun in waych 'a 'ac'wl q'uiq'ui, to a 'a schan̈paq'uil yolyib'n̈q'uinal, ata 'ix cot jommoc 'ic'. Ax 'a yib'n̈ a niwquil mar xjawi, caw xma'x chan̈ chel-loc a yu'uj.

Dn 7:6

Ax no yoxil, lajn yilx 'icha no leopardo. 'Ay chan̈e sc'axl 'a spacl yich spatquil. 'Ix wiln paxi to 'ay chan̈e sjolom, 'ix 'ajx 'och yopiso no'.

Dn 7:8

Ya' sb'a wanto wiln jun tzo'n̈ sch'ac cha, ax xwilni xpac' q'uel junx yune sch'ac 'a scal jun tzo'n̈ xo cha. A yic xq'ueli, 'ix 'ec' stenn̈c 'el 'oxe sb'ab'l ch'ac cha. Sch'ocxoj jun chi xcan 'a yet'l 'oxe cha. A jun sch'ac cha, 'ay yol sat, 'ay sti 'icha 'anma', caw tzb'an̈ sb'a yet' tas tzyala.

Dn 8:22

Ax chan̈e xo sch'ac xpa'x can 'a yic xwecchj 'el jun sb'ab'l ch'a'ac, tzyal 'el'chi, 'oj poj snan̈l jun nacion̈ cha, chan̈e nacion̈al 'oj 'eloc, palta man̈ lajnoc yip eb' yet' jun b'ab'l cha.

Dn 8:8

Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal.

Zacarías 2:6

A Jehová a tzaln 'ixtic: An ex wac' sactzic can 'at 'a smasnil yolyib'n̈q'uinal. Ax ticnec an tzwal 'ayx 'ixtic: Ex 'aj Sión, 'eln̈ec mu'c 'a jun nacion̈ 'a 'aj 'ayx 'ec' 'a stojlal norte; 'eln̈ec 'a Babilonia 'a 'aj 'ayx 'ec' 'icha presoal, xchi Dios.

Zacarías 6:5

Ax jun ángel cha, 'ix yaln 'ixtc 'ayin: A jun tzo'n̈ tic, tz'at eb' 'a schan̈paq'uil 'aj tzcot 'ic', yic xlajw yelt eb' 'a yojltac jun Yajl 'a smasnil yolyib'n̈q'uinal.

Mt 12:25

Ax Jesús, yojtac tas wan snan eb', yuj cha, xyaln 'a eb' 'ixtic: —Tzann̈j junc nacion̈ tzpoj sb'a 'a yol yico', caw tzjuwi. An̈jtona', tzann̈j junc chon̈ab' mto junc n̈al 'anma tzpoj sb'a 'a yol yico', caw tzjuw pax 'eli.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Apoc 7:1

Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.