Dn 11:21 - Chuj San Sebastian Bible

²¹ 'Oj lajwc cha, ax jun winc caw wal tu snab'en, a 'oj 'ochx can reyl sjeloc, a jun winc cha, man̈ smojc yoch 'a jun 'opiso cha. A yic man̈ nanoc yuj eb' 'anma', ax yoch win reyal, yuj smontn win eb' 'anma', yet' yuj yixtn paxti 'eb'.

Chuj San Mateo Bible

²¹ Ol lajvoc chi', ay jun vin̈ te malaj yelc'och ol och reyal sq'uexuloc vin̈. A jun vin̈ chi', man̈ smojoc yoch vin̈ d'a yopisio. Man̈ naanoc yuj eb' anima ayic ol och vin̈ reyal chi' yuj yac'an musansatil eb' anima chi'.

Dn 11:21 Iomraidhean Croise

Salmos 12:8

A eb' tzlaj b'on maysch'olnil cha, tzanxn̈ej 'aj tzlaj sb'an̈ sb'a eb' yujto tzlaj tzalj eb' 'anma yet' tas maysch'olnil.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Is 32:5

A junc amancotn 'anma'il, man̈x 'oj alxoc wach'il; ax junc mach 'e'nc 'a yib'an̈, man̈x 'oj alxoc to 'ay yel'chi.

Dn 11:20

Chucx junx rey 'oj 'ochx can sjeloc. A jun cha, 'oj schecb't jun mach 'oj c'annc 'el jun tzo'n̈ tojlb'al, yic tzq'ue'ch yet' yopiso chi snani. Palta jayenant c'u yoch 'a yopiso cha, ax schami, palta man̈oc 'a scal owl 'oj chamoc, may 'anma 'oj 'ilnc schami.

Dn 11:32

A jun rey cha, caw 'oj yac' yip smontn eb' et israelal, atn eb' tox 'ix 'actn can jun strato Dios cha. Palta ax eb' chon̈b' to caw 'ay schamc'ojlal 'a sDiosal, 'oj yac' eb' yip ste'wtzan sb'a yuj spacn sb'a 'a smasnil tas 'oj ujc cha.

Dn 11:34

A yic 'oj c'och stiempoal spechx b'eyc'oc eb' cha, 'oj scha eb' jac colwal. Til wal eb' junn̈j cob' 'oj yutc sb'a yet' eb' 'a chab'satil.

Dn 11:7

Palta 'ay jun yican 'ix 'oj 'och reyal, ax s'at yet' eb' soldado 'at yac' owl yet' eb' soldado yic norte. 'Oj 'em eb' yu'uj, masnto 'oj 'em schon̈b' win sreyl norte chi yu'uj.

Dn 4:17

An̈ ángel on̈ tzqui tan̈wj yolyib'n̈q'uinl tic on̈, an̈ tzcal on̈ to tzjaw jun yailal chi 'a yib'an̈, sec wach' tzyojquej 'el smasnil eb' 'anma', to a jun Dios yel xo niwn yel'chi, a tz'a'n yajlil 'a yib'n̈ smasnil nacion̈. A eb' tznib'j tzya'ch yajlil, tzya'ch yopiso eb'. A eb' 'anma yel xo may yel'chi, a eb' tzya'cn 'och yajlil 'a scal eb' 'anma', xchi jun ángel cha.

Dn 7:8

Ya' sb'a wanto wiln jun tzo'n̈ sch'ac cha, ax xwilni xpac' q'uel junx yune sch'ac 'a scal jun tzo'n̈ xo cha. A yic xq'ueli, 'ix 'ec' stenn̈c 'el 'oxe sb'ab'l ch'ac cha. Sch'ocxoj jun chi xcan 'a yet'l 'oxe cha. A jun sch'ac cha, 'ay yol sat, 'ay sti 'icha 'anma', caw tzb'an̈ sb'a yet' tas tzyala.

Dn 8:23

A yic wan slajw c'och stiempoal ya'n jun tzo'n̈ nacion̈ chi yajlil, 'oj niwtjoc smaysch'olnilal eb' 'a sat Dios. 'Ay junx rey 'oj yac' yajlil, ch'an sc'ojlani, caw jeln 'a tas maysch'olnil.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

Dn 8:9

A 'a junc eb' sch'ac no cha, ata xpac' 'elt junx syune ch'a'ac. A jun cha, caw niwquil x'aj sq'uib' 'a stojlal sur, yet' 'a stojlal 'aj tzq'uel c'u, yet' pax 'a stojlal 'a 'aj 'ay lum lum caw wach' yilxi.

Nahúm 1:14

A Jehová a tzaln 'ixtc 'a win sreyl Nínive: Man̈x 'a junc en̈tl 'oj b'inanc a b'i. 'Oj in satl jun tzo'n̈ a diosal 'a yol yatutal 'aj 'aychi, checl xo yaj et'l 'aj 'oj a mucxi, yujto caw yajb'entac ach, xchi Dios.

A Ch'an̈ B'ab'el Libro Samuel 3:13

Tox 'ix wal yab'i', to 'oj wac' syailal eb' yin̈tl cha, yujto yojc xo tas smul eb' yunnal chi 'ix 'ochi; in spatquiljcan 'el eb' an Dios in tic, palta matz tenx 'och wan eb' yu'uj.