Dn 11:16 - Chuj San Sebastian Bible

¹⁶ A jun 'oj 'a'nc ganar cha, 'oj sb'on̈j tas 'oj snib'c 'a jun 'oj lajwc 'el yuj cha. May xon junc mach 'oj stac' ste'wtzan sb'a 'a yojltac. 'Oj 'och 'a sat lum lum caw wach' yilxi, atn slum eb' israel, ax satn 'el smasnil tas 'oj snib'c satli.

Chuj San Mateo Bible

¹⁶ A vin̈ ol ac'an ganar chi', ol sc'ulejn̈ej vin̈ tas snib'ej d'a jun vin̈ ol ac'joc ganar chi'. Man̈xalaj mach ol yal stec'b'an sb'a d'a yichan̈ vin̈. Ol can vin̈ d'a sat lum luum te vach', aton Israel, ol satanel vin̈ jantacn̈ej tas sgana.

Dn 11:16 Iomraidhean Croise

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Dn 11:3

'Oj lajwc cha, ax yoch junx rey, caw wal jeln ya'n owal. Caw niwn smacb'en 'aj 'oj yac' yajlil, ax sb'on 'icha wal tas tznib'ej.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Dn 11:41

Til wal jun tzo'n̈ nacion̈ 'oj 'em yu'uj. An̈jtona', 'oj 'och pax 'a chon̈b' Israel, atn 'a lum lum caw wach'. Ax eb' 'anma cajn 'a Edom yet' 'a Moab, 'oj colchjoc can 'el eb', 'ec'b'alt pax 'a spacl eb' 'aj Amón 'oj colchjoc.

Dn 11:45

Ax sb'on chan̈ scamplamento 'a snan̈l a niwquil mar yet' 'a jun tzaln to yicn̈ej Dios yaji, atn jun tzaln caw wal wach' yilxi. Palta atnta 'oj c'och stiempoal slajw yopiso, man̈x 'a junc mach 'oj colnoc.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Dn 8:4

Ax xwilni, a jun calnelu cha, a yet' sch'ac chi tzyac' satnc 'el smasnil tas 'ay 'a stojlal 'aj tz'em c'u, 'a stojlal norte yet' pax 'a stojlal sur. May xon junc noc' tztac' ste'wtzan sb'a 'a yojltac, may pax junc mach tztac' scoln sb'a 'a 'a. Tzb'on̈j tas tznib'j sc'ojol. Caw 'ipn yoch yip 'a junjn 'ejem.

Dn 8:7

'Ix sma'n wecchjoc no sch'ac no calnelu chi schab'il. Caw man̈x 'a yip no calnelu chi ste'wtzan sb'a 'a yojltac no chiwo cha. Xlajw cha, xtelw no yuj no', ste'n can 'ejm no chiwo chi no 'a sat lu'um, may mach xcoln no 'a no'.

Dn 8:9

A 'a junc eb' sch'ac no cha, ata xpac' 'elt junx syune ch'a'ac. A jun cha, caw niwquil x'aj sq'uib' 'a stojlal sur, yet' 'a stojlal 'aj tzq'uel c'u, yet' pax 'a stojlal 'a 'aj 'ay lum lum caw wach' yilxi.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.