Dn 11:15 - Chuj San Sebastian Bible

¹⁵ Ax sjaw jun rey 'ay 'a norte cha, 'oj 'och oyn eb' soldado 'a spatquil jun chon̈b' caw cob' 'ay yip cha. 'Oj 'em jun chon̈b' chi yuj eb'. Ax eb' soldado caw cob' jeln 'ay 'a sur cha, man̈x 'oj stac' ste'wtzan sb'a eb' 'a yojltac eb' 'ajc'ojl cha.

Chuj San Mateo Bible

¹⁵ Ol javoc vin̈ sreyal norte chi', ol och oyan soldado d'a spatictac jun chon̈ab' te tec'an, ol ac'joc ganar jun chon̈ab' chi' yuj eb'. A eb' soldado te jelan yic sur, man̈ ol yal-laj stec'b'an sb'a eb' d'a yichan̈ vin̈ ajc'ol chi'.

Dn 11:15 Iomraidhean Croise

Jeremías 33:4

An Jehová in, e Diosal in, 'ay wal jun in paxti tzwalcn 'a yib'n̈ yatut eb' 'aj Jerusalén, yet' 'a yatut eb' sreyl Judá, atn jun tzo'n̈ wan sma'x lan̈chjoc yic tzc'anx sq'uenal 'a jun tzo'n̈ oln 'a smuroal chon̈ab', yic wach' matz 'och eb' caldeo wan ya'n owl eyet'oc.

Jeremías 5:10

¡'Och cab' eb' 'ajc'ojl satl te uva, palta man̈ smasnilc te tzsatl eb'! ¡Sb'ijl cab' eb' sc'ab' te' cha, yujto man̈x wico'oc te'!

Jeremías 52:4

A 'a yic slajn̈il c'u yoch slajn̈il 'uj yic sb'aln̈il ab'il yoch Sedequías reyal, 'ix cot Nabucodonosor sreyl Babilonia yet' smasnil eb' soldado wul yac' owl 'a Jerusalén. 'Ix 'och oyn eb' 'a 'a, 'ix sb'on chan̈ eb' scamplamento 'a yojltac 'at chon̈b' cha. 'Ix sb'on 'och eb' sb'achte 'a spatquil 'elt chon̈ab' yic tzya'n eb' owl yet'oc.

Jeremías 6:6

A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Ez 17:17

Wach'xam a win rey 'a Egipto, caw niwn soldado winac, palta may jac 'aj 'oj stac' scolwj win 'a owl cha. A eb' soldado 'aj Babilonia, 'oj sb'o chan̈ eb' smuro yet' sb'achte 'a spatquil 'el chon̈b' Jerusalén. Caw niwn 'anma 'oj smil eb'.

Ez 4:2

Tzoyn 'och yechl yamc'ab' yic owl 'a spatquil, tza'n 'och smuroal, tza'n 'och sb'achte'al 'a spatquil 'el cha, ax 'a yojltac 'elt cha, ata tza b'o camplamento tz'och oyn 'a 'a.

Dn 11:14

A 'a yic jun tiempoal cha, til wal eb' 'oj 'och 'ajc'ojlal 'a win rey 'ay 'a sur cha. A 'a scal eb', ata 'ay jun tzo'n̈ eb' et israelal caw maysch'olnil snab'en, 'oj 'och eb' 'ajc'ojlal 'a win rey cha, sec tz'el'ch tas 'ix yil eb' 'a swaych snani, palta ma'oj stac' yuj eb'.

Dn 11:6

Ax yic 'oj 'ec' jaye'oc ab'il, a chawn̈ eb' rey cha, 'oj sb'o eb' jun strato. A jun rey 'a sur cha, 'oj ya't jun yisl 'a win rey 'a norte, yic wach' a chab' nacion̈ cha, tz'och junc'ojlal 'a scal eb'. Palta ma'oj stac' yi'n b'ey 'ix jun trato chi yet' win yichmil cha, yuj cha, 'oj milxoc cham 'ix yet' yichmil, yet' eb' yune 'ix, yet' pax eb' tz'a'n servil 'ix.

Dn 8:7

'Ix sma'n wecchjoc no sch'ac no calnelu chi schab'il. Caw man̈x 'a yip no calnelu chi ste'wtzan sb'a 'a yojltac no chiwo cha. Xlajw cha, xtelw no yuj no', ste'n can 'ejm no chiwo chi no 'a sat lu'um, may mach xcoln no 'a no'.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.