Dn 11:13 - Chuj San Sebastian Bible

¹³ A yic 'oj 'ec' jaye'oc ab'il, ax win rey 'ay 'a norte cha, 'oj smolb'tzoc eb' soldado jun 'ejm xo, 'ec'b'al xo 'oj 'aj sb'isl eb' 'a 'icha yic b'ab'el, ax s'atx yac' owl yet' jun rey 'ay 'a sur cha, caw niwn xo soldado ajun yet'oc, yet'n̈j eb' syamc'ab' yic owl smasnil.

Chuj San Mateo Bible

¹³ Ayic ol ec'b'at jayeoc ab'il, a vin̈ sreyal norte chi', te ec'b'al nivan eb' soldado ol smolb'ej vin̈ d'a yichan̈ eb' ix smolb'ej d'a sb'ab'elal, ol b'atxoc vin̈ yac' oval yed' vin̈ sreyal sur chi', yed'nac syamc'ab' eb' yic oval smasanil.

Dn 11:13 Iomraidhean Croise

Dn 11:12

Yujto 'oj cham jun b'uln̈ eb' soldado chi yu'uj, yuj cha, ax sb'an̈n sb'a, palta man̈ najtloc tiempo 'oj yac' yet' yopiso cha.

Dn 11:14

A 'a yic jun tiempoal cha, til wal eb' 'oj 'och 'ajc'ojlal 'a win rey 'ay 'a sur cha. A 'a scal eb', ata 'ay jun tzo'n̈ eb' et israelal caw maysch'olnil snab'en, 'oj 'och eb' 'ajc'ojlal 'a win rey cha, sec tz'el'ch tas 'ix yil eb' 'a swaych snani, palta ma'oj stac' yuj eb'.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

Dn 4:16

Caw 'oj juwc 'el snab'en, lajn 'oj 'ajcn snab'en 'icha no noc'. A jun yailal 'oj 'ec' 'a yib'n̈ cha, uque ab'il 'oj yac'a'.