Dn 10:6 - Chuj San Sebastian Bible

⁶ A sniwnal, caw tzictzni yilx 'icha q'uen topacio, ax sat caw tz'etzw 'icha letz'lo'om. A yol sat, caw tzxexni 'icha junc cantil tzn̈ilchj sc'aq'uil. A sc'ab' yet' yoc, caw tzictzni 'icha q'uen bronce caw n̈el-li yaj sb'o'i, ax sjaj caw tzn̈il-li 'icha sjaj nan̈loc 'anma'.

Chuj San Mateo Bible

⁶ Toxon̈ej scopopi snivanil icha q'uen topacio, toxon̈ej copopi yilji sat icha leb'lon. A yol sat, sq'ue n̈iln̈on yoc icha te' c'ac'. A sc'ab' yed' yoc, copopi yilji icha q'uen bronce vach' yaj sn̈icchaji, axo sjaj, ichaval yoch sjaj junoc nivan n̈ilan̈ anima.

Dn 10:6 Iomraidhean Croise

Ex 28:20

'A schan̈l tzol, tz'och jun q'uen topacio, jun q'uen cornalina yet' jun q'uen jaspe. A smasnil jun tzo'n̈ q'uen cha, oron̈ej syamnub'l 'aj tz'ochi.

Cantares 5:14

A sc'ab' na, lajn yilx 'icha junc q'uen oro xoyn xoj yaj sb'o'i, a q'uen topacio 'aych 'a spatic; ax sniwnal na, lajn yilx 'icha q'uen marfil, ax q'uen zafiro 'aych yelwnub'loc.

Ez 1:14

A eb' querubín cha, a yic tzb'ey eb' mto yic tzmeltzj pax eb', caw lajn yec' eb' 'icha letz'lom cha.

Ez 1:16

A chan̈e setet cha, lajnn̈ej yaj eb' sb'o'i, 'icha yilx q'uen crisólito, 'ixta yilx eb'. Colcnb'a yaj eb' schan̈il.

Ez 1:24

'Ix wab'n sc'an̈ sc'axl eb' yic tz'at jen̈n̈oc eb'; lajn wal sc'an̈ 'icha sc'an̈ a 'elmal a', 'icha wal yol sjaj Dios jun tztac' yuj smasnil, 'icha pax sc'an̈ sb'ey nan̈loc eb' soldado. A yic tz'och wan eb', tzyi'n 'ejm eb' sc'axl cha.

Ez 1:7

Tojln̈ej yaj 'ejm jiln yoc eb', ax samil yoc eb' cha, lajn yilx 'icha yoc wacax, caw tzictzni yilx 'icha q'uen bronce n̈icb'il 'el slumal.

Ez 10:9

Ax xwilni, 'ayc' chan̈e setet chi yet' eb' querubín cha, junjn yic junjn eb'. A jun tzo'n̈ setet cha, lajn stzictznil yilx eb' 'icha q'uen crisólito.

Ez 40:3

A 'aj in yij 'at cha, ata xwil jun winac, caw tzictznil yilx 'icha q'uen bronce. Lin̈n 'elt 'a sti spuertail jun n̈a, yamb'il jun ch'an̈ lum yu'uj, to nab'a lino. Ax 'a junx sc'ab', ata yamb'il jun te 'aj yu'uj, te tz'echtan junc tas.

Ez 8:2

ax xwilni, 'ay jun 'icha yilx 'anma lin̈n 'ec' 'a in tz'ey. A 'a yaln̈ 'emt snan̈al, lajn wal yilx 'icha c'ac', ax 'a yib'n̈ q'ue snan̈l cha, caw wal tzictzni yilx 'icha q'uen bronce.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Mt 28:3

Caw tzictzni yilx 'icha letz'lo'om, caw sac pax spichl 'icha sacb'at.

Lc 9:29

Yic wan sleslwi, 'ix jelmj yilxi, chucx yilx 'ix 'aj sat. Ax spichul, caw sac, caw tzictzni x'aji.

Apoc 10:1

Xlajw cha, xwiln pax junx ángel 'a satcha'an̈, caw niwn spoder. 'Ix 'ejm 'a yolyib'n̈q'uinal. Oyn 'och 'asn 'a 'a, 'icha to a 'aych spichloc. A 'a sjolom, 'ay q'ue jun chacpan. A sat, caw tzictzni 'icha c'u. Ax yoc, 'icha snich c'ac' 'ixta yilxi.

Apoc 19:12

Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac.

Apoc 2:18

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Tiatira: A Yunnal Dios, 'icha snich c'ac', 'ixta yol sat. Ax yoc, lajn yet' q'uen bronce caw tzictzni yilxi. A tzaln 'ayx 'ixtic:

Apoc 21:20

A q'uen yo'il, ónice, q'uen swaquil, cornalina, q'uen yuquil, crisólito, q'uen swajxquil, berilo. Q'uen sb'aln̈il, topacio, q'uen slajn̈il, crisoprasa, q'uen yuxlchil, jacinto, q'uen slajchwil, amatista.