Dn 1:5 - Chuj San Sebastian Bible

⁵ Yowlal a tas tzin c'uxu yet' yal uva tzwuq'uej, a tz'ajx 'a ewin quelm cha. Tzcuyx eb' 'oxe'oc ab'il, 'oj lajwc cha, ax yoch eb' 'a'j servil 'a in despacho, xchi win rey cha.

Chuj San Mateo Bible

⁵ Ix yalanpax vin̈ rey d'a vin̈aj Aspenaz chi' to a svael vin̈ yed' svino vin̈ syab'lej eb' vin̈ quelemtac chi', sc'ayb'ajpax oxeoc ab'il eb' vin̈. Slajvi chi', tz'och eb' vin̈ yac' servil vin̈ rey chi'.

Dn 1:5 Iomraidhean Croise

A Ch'an̈ B'ab'el Libro Yic Yab'ixal Eb' Rey 10:8

¡Caw wach' yic eb' 'anma tzmunlj 'ayach, wach' pax yic eb' a checb' 'ayc'n̈ej 'a a tz'ey yic tzyab'n eb' a jelnal!

A Ch'an̈ Schab'il Libro Yic Yab'ixal Eb' Rey 25:30

'Ix ya'n̈j win sreyl Babilonia chi tas 'ay tz'och yuj Joaquín, masnto 'ix chami.

2 Cr 9:7

Caw wach' yic eb' 'anma tzmunlj 'ayach, caw wach' pax yic eb' a checb' 'ayc'n̈ej a ojltac, yic tzyab'n eb' a jelnal.

Pr 23:3

Man̈ yelc'ojlaloc tze c'ux tas wach' cha, yujto lemb'il ton̈j tzex yixtj paxti eb' cha.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Dn 1:19

A yic xc'och eb' 'a yojltac win rey cha, 'ix paxtin win yet' eb'. Sc'anb'n win rey chi smasnil jun tzo'n̈ jelnal, yet' 'ajnab'enal 'a eb'. 'Ix yiln winac, to a 'a scal smasnil eb' quelm cha, may junc mach 'ix 'ilchj yuj win 'icha Daniel, Ananías, Misael yet' Azarías. Lajn̈ 'ejm tz'ec' sjelnal eb' chan̈wn̈ chi 'a yib'n̈ smasnil eb' 'ay tas tztac' yu'uj, eb' tztac' snan 'el jun tzo'n̈ paxti', atn eb' 'ay 'a yol smasnil slugar win rey 'aj tzyac' yajlil. Yuj cha, 'ix 'och eb' 'a'j servil 'a winac.

Dn 1:8

A win Daniel cha, 'ix sna sb'a winac to man̈ wach'c tzcan win 'a sat Dios toto tzc'ux win tas tzc'ux win rey, yet' yal uva tzyu'j winac. Yuj cha, 'ix tew 'och win 'a win Aspenaz cha, chajtlto matz tz'ajx pural sc'uxn jun tzo'n̈ cha yic matz 'och smul.

Mt 6:11

Tzac' tas tzqui c'ux 'a jun c'u tic on̈.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Lc 11:3

Tzac' tas tzqui c'ux 'a junjn c'u on̈.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

A Ch'an̈ B'ab'el Libro Samuel 16:22

Xlajw cha, xya'n 'at Saúl chi jun schecb' 'a Isaí, xyaln 'at 'a 'ixtic: —Tzin c'an 'ayach, to tzcancn David tic wet'oc, yujto caw wach' 'ayn tzwila, xchi.