A Scarta San Pablo D'a Eb' Aj Colosas 3:4 - Chuj San Sebastian Bible

⁴ Yujto a Cristo, qui q'uinlec yaji. At 'a yic 'oj jawc paxi, ax qui jawc pax yet'oc. 'Ixta to b'i'an, ax stz'acw qui wach'lec 'icha swach'il.

Chuj San Mateo Bible

⁴ Yujto a Cristo co q'uinal yaji, ato ol jaxoc, ichato chi' ol on̈ jax yed'oc, axo scheclajel co q'uinal chi', ay calan quic yed' svach'ilal Cristo.

A Scarta San Pablo D'a Eb' Aj Colosas 3:4 Iomraidhean Croise

Salmos 17:15

Palta an xo tic, yujto tojl in nab'en, 'oj ach wil yet' in sat; man̈x 'a tas 'oj in na', yic 'oj in pitzw pax chan̈ 'a ojltac.

Salmos 73:24

In a cuy 'a wach' b'eyb'al, ax 'a slajub' caw wach' 'oj otc in a chani.

Mt 13:43

Ax eb' tojl sb'eyb'al, 'icha wal yilx c'u, 'ixta 'oj 'aj yilx eb' 'a yol sc'ab' qui Mam Dios. A wal jun tzo'n̈ tzeyab' tic, nac wal si'mb'il.

Lc 17:30

'Icha wal 'ajnc jun tiempoal cha, 'ixta 'oj 'aj wal jun c'u yic 'oj in jaw an 'Ochnc in 'Anmal tic.

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

Ro 8:18

An tic tzin na'a, a jun tzo'n̈ yailal wan cab'nec syal ticnec, caw matz tza'wni 'a jun swach'l Dios 'oj sch'ox 'ayn̈ec 'a jun tiempoal cha.

Ro 8:19

Smasnil jun tzo'n̈ tastc 'ay 'a yolyib'n̈q'uinl tic, caw tztan̈wj eb', tzmaclni eb' b'a'n̈ 'oj qui checlj 'el an̈ yunnaln̈ec xo Dios tic.

1 Co 1:7

A ticnec, wan e tan̈wni jun c'u yic 'oj jawc pax Cajlil Jesucristo. Ax Dios, tz'acn tzyac' smasnil yic 'ayex.

1 Co 15:43

A yic 'oj mucxoc qui niwnalec tic, may jac swach'il, toxn may jac yel'chi. Ax yic 'oj qui pitzwec paxi, yel xo wach' jun qui niwnalec cha, caw niwn yel'chi.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

A Scarta San Pablo D'a Eb' Aj Filipos 3:21

A 'oj jelnoc jun qui niwnalec may jac swach'l tic, sec wach' lajn 'oj 'aj yet' jun yico', yujto a jun cha, caw niwn swach'il. 'Ixta 'oj on̈ yutquec yet' spoder, yujto 'ay spoder ya'n mandar smasnil tas.

1 Ts 4:17

'Oj lajwcn̈ej cha, an̈ec pitzn on̈c to ta', junn̈j 'oj 'aj quijxec chan̈ yet' eb'. Ax qui q'ue'chec 'a scal 'asn 'a snan̈l satcha'an̈, ax qui chanec sjaw Cajlilec ta'. 'Ixta to b'i'an, ax qui canc yet' 'a jun 'ejmn̈ej.

1 Ti 6:14

Caw tza yiclj jun tzo'n̈ checnb'il tic si'mb'il. Caw wach'n̈j tzotj a b'eyb'al, masnto 'oj jawc Cajlil Jesucristo.

2 Ti 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. A Dios ya'jnac can sti', to 'oj yac' qui q'uinl 'a jun 'ejmn̈ej, yujto junxn̈ej caj yet' Cristo Jesús.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

1 Jn 5:12

Yuj cha, an̈ec 'aych Yunnal Dios 'a qui c'ojol, 'ay qui q'uinlec 'a jun 'ejmn̈ej yu'uj. Ax eb' man̈ 'ayc 'och sc'ojl 'a 'a, may sq'uinl eb'.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.