A Scarta San Pablo D'a Eb' Aj Colosas 2:22 - Chuj San Sebastian Bible

²² Palta a jun tzo'n̈ tzalx 'ay yowlal cha, man̈x 'a yel'ch 'ayn̈ec, yujto a jun tzo'n̈ cha, a yic tzqui c'anni, ton̈j tzlajw muc'uc. A jun tzo'n̈ tzalx cha, comn checnb'iln̈ej eb', 'anman̈ej tznan chan̈ jun tzo'n̈ cuynb'il cha.

Chuj San Mateo Bible

²² Palta a juntzan̈ tz'alji to ay yovalil chi', man̈xalaj yelc'och d'ayon̈, yujto a juntzan̈ chi', ayic sco c'anani junn̈ej rato slajvieli. A juntzan̈ tz'alji chi', comon c'ayb'ub'aln̈ej, animan̈ej snaanq'ue juntzan̈ sc'ayb'aj chi'.

A Scarta San Pablo D'a Eb' Aj Colosas 2:22 Iomraidhean Croise

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Is 29:18

A 'a jun c'ul cha, a eb' matz uj yab'ni, 'oj yab' eb' yawtx junc un̈ 'a stz'ey, ax eb' matz uj yilni, 'oj stac' yiln eb', 'icha to tz'ijx 'elt eb' 'a scal q'uic'q'uinal.

Dn 11:37

A jun rey cha, caw may yopiso sdiosal smam yichm yu'uj. A tas nib'b'il yuj eb' 'ix 'ix, may xon yel'ch 'a sat. Yet' pax jun tzo'n̈ xo tzalx 'och diosal, caw may yel'ch 'a 'a, yujto caw niwn yel'ch 'a yib'n̈ smasnil jun tzo'n̈ tic 'a snab'en.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

1 Co 6:13

Tecn 'ayx pax tzeyal 'ixtic: A tas tzc'uxxi yic qui c'ojl yaji, yujto a qui c'ojl tic, a 'ay yic pax jun tzo'n̈ cha, xe chi. Yel toni, palta a Dios 'oj 'a'nc lajwc 'el jun tzo'n̈ chi smasnil. A qui niwnalec tic, man̈ yico'oc 'ajmulal yaji, to yicn̈ej Cajlilec. A Cajlilec chi 'aych 'a qui niwnalec tic.

A Scarta San Pablo D'a Eb' Aj Colosas 2:21

A jun tzo'n̈ checnb'il chi tzcomn alni to 'ay yowlal junc tas may yowlal yuj Dios. Yujto tzyal 'ixtic: 'Ay jun tzo'n̈ tas matz tac' tzeyama. 'Ay jun tzo'n̈ matz tac' tze c'uxu, matz tac' tzeyam yet' e c'ab', xchi.

Tito 1:14

Caw tzal 'a eb', sec wach' man̈xtzac ya'ch eb' snab'en 'a jun tzo'n̈ comn 'ab'x tzyal eb' wit israelal. Tzaln pax 'a eb', sec man̈xtzac syiclj eb' schecnb'il jun tzo'n̈ eb' man̈x 'a yel'ch junc tas yel 'a sat.

A Schab'il Carta San Pedro 2:12

'Icha junc noc', may jac tas tznachj yu'uj, 'ixta eb' 'anma cha, yujto cojxn wal tas tznib'j 'och sniwnal eb' tzb'o'o. Yuj cha, 'icha junc noc', cojn yopiso syamchji, tzmilx chamoc, 'ixta eb'. Ton̈j tzcomn b'uchwj eb' 'a jun tzo'n̈ tas man̈ yojcoc. 'Oj wach' satcn 'el eb', yujto caw maysch'olnil tzyutj sb'a eb'.

Apoc 17:18

A jun 'ix chi xel cha, atn jun niwquil chon̈b' tz'a'n yajlil 'a yib'n̈ eb' yajl 'a yolyib'n̈q'uinal.