A Scarta San Pablo D'a Eb' Aj Colosas 2:16 - Chuj San Sebastian Bible

¹⁶ Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.

Chuj San Mateo Bible

¹⁶ Malajocab' mach tzex alub'tan̈an yuj tas tze va'a, ma yuj tas tzeyuq'uej, ma yujto max e c'anab'ajej juntzan̈ sq'uin̈ eb', ma ayic tz'alji q'uen uj, ma sc'ual ic'oj ip.

A Scarta San Pablo D'a Eb' Aj Colosas 2:16 Iomraidhean Croise

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

1 Cr 23:31

yet' yic tz'ajx tz'a xajmb'al to tz'a smasnil 'a Jehová 'a sc'ul 'iljelal, yet' 'a yic tznax sq'uin̈l yic tzpac' 'uj, yet' pax jun tzo'n̈ xo q'uin̈ caw niwn yel'chi. Tz'a'wn̈ej servil eb' 'a Jehová, a tzyal sb'isl eb', yet' munljel tz'ajx sb'o eb'.

2 Cr 31:3

A win rey 'ix yac' win no scajb'il noc' xajmb'alil: no xajmb'al to tz'a smasnil 'a yic sq'uin̈b'ial yet' 'a yemc'ual, no xajmb'al to tz'a smasnil tz'ajx 'a sc'ul 'iljelal, yet' no xajmb'al yic tznax q'uin̈ yic tzpac' 'uj yet' jun tzo'n̈ xo q'uin̈ to niwn yel'chi, 'icha yaj stz'ib'x can 'a sley Jehová.

Nehemías 10:31

Toto tzjaw eb' chuc chon̈b'al chon̈wjoc 'a sc'ul 'iljelal, ma'oj qui manwjec 'a eb', yet' 'a sc'ul jun tzo'n̈ xo q'uin̈. Ax 'a yucl ab'il ax cactnec can lum lum 'iljoc, ax ca'nec pax tup sb'oc eb' 'ay sb'oc 'ayn̈ec.

Nehemías 10:33

Atn q'uen 'oj mannoc 'ixm pan tz'ajx 'a yojltac Dios, yet' ofrenda tz'ajx 'a junjn c'u, yet' xajmb'al to tz'a smasnil 'a junjn c'u, yet' xajmb'al tz'ajx 'a sc'ul 'iljelal, 'a yic tzpac' 'uj, yet' 'a jun tzo'n̈ xo q'uin̈ tznax 'a junjn ab'il, yet' jun tzo'n̈ xo ofrenda yet' pax xajmb'al yic tz'ajx lajwc qui mul an̈ israel on̈c tic, yet' jun tzo'n̈ xo tas tzc'anx 'a yatut Dios yic tz'och 'emmquilal.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Is 1:13

Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Lv 16:31

A jun c'u cha, sc'ul 'iljelal, yet' pax c'ajb'c'ojlal, ley tz'ajcn 'a e cal 'a smasnil tiempo.

Am 8:5

Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Nm 10:10

An Jehová e Diosal in, an tzwala: A yic sc'ul 'ay e tzaljc'ojlal cha, 'icha 'a yic sc'ul q'uin̈, mto 'a yic tzpac' 'uj, tzeyutz'j q'uen trompeta cha, 'a yic tzeya'n tz'a e xajmb'al, mto xajmb'al yic junc'ojlal, sec 'oj ex in na coti, xchi Dios.

Mt 15:11

A jun tzo'n̈ tas tz'och 'a qui ti', matz on̈ juw yuj 'a sat Dios. Palta a jun tzo'n̈ tas tz'elt 'a qui ti', a tzon̈ 'a'n juwc 'eli, xchi 'a eb'.

Mr 7:19

'In man̈oc 'a qui nab'enec tzc'ochi, ton̈j tz'ejm 'a yol qui c'ojol, yajn̈ej tz'elx cani, xchi 'a eb'. 'Ixta xyutj yalni, chajtlto jantcn̈ej tas tzc'uxxi, may yowlal yuj Dios.

A Tas Sc'ulejnac Eb' Schecab' Jesús Hechos 15:20

Cojn cab' tzca'c 'at qui carta 'a eb', tzcalnec 'at 'a eb', to man̈xtzac sc'ux eb' jun tzo'n̈ tas tz'ajx xajmb'al-l 'a jun tzo'n̈ tzalx 'och diosal. Man̈xtzac sb'o eb' 'ajmulal, man̈xtzac schi eb' schic'l no noc', man̈xtzac schi eb' no noc' tzjalx tup yic' yujto 'ayt 'och schic'l no'.

Ro 14:10

Yuj cha, caw matz tac' qui b'eyc'ojlanec junc quit creyenteal. Matz tac' calnec paxi to may yel'ch eb'. Yujto qui masnilec, yowlal 'oj qui c'ochc 'a yojltac Dios, ax qui b'eyc'ojlaxc yu'uj.

Gl 4:10

'In 'ay jun tzo'n̈ c'u caw niwn yel'ch 'ayex, yet' 'a yic tz'ec' junjn 'uj. 'Ay pax yel'ch jun tzo'n̈ tiempoal 'ayex, yet' jun tzo'n̈ ab'il.

A Scarta San Pablo D'a Eb' Aj Colosas 2:20

A ticnec, chamnc on̈c yet' Cristo 'a sat Dios, man̈x 'a yel'ch jun tzo'n̈ comn cuynb'il yic yolyib'n̈q'uinl tic 'ayn̈ec. Yuj cha, ¿tas yuj an̈j 'ijnoc e b'eylb'an sb'eyb'al eb' yic yolyib'n̈q'uinl tic? ¿Tas yuj an̈ja tzeya'ch e nab'en 'a jun tzo'n̈ comn checnb'il yic eb' 'anma'?

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

A Ch'an̈ B'ab'el Libro Samuel 20:18

Yajn̈ej xyaln Jonatán chi 'ixtic: —Q'uic'an tznax sq'uin̈l yic tzpa'x 'uj, 'oj checljoc 'eli, yujto ma'oj em wocn 'a te xila 'aj puch xon em wocan.

A Ch'an̈ B'ab'el Libro Samuel 20:5

'Ix ta'w David 'ixtic: —A q'uic'an 'oj naxoc sq'uin̈l yic tzpa'x 'uj, an xo tic, yowlal 'oj wem wocn in wa yet' win rey 'a 'icha qui b'eyb'alec. Palta comnoc tz'el 'a a c'ojol, to tzin c'ub'j can 'el in b'a 'a scalte 'a sti 'elt chon̈b' tic, masnto 'a yemc'ul chab'ej.