A Scarta San Pablo D'a Eb' Aj Colosas 1:7 - Chuj San Sebastian Bible

⁷ A Epafras, a cuyjnacx 'a jun 'ab'x tic. Chamc'ojlb'il cujec, yujto quit munljumal qui b'a yet' on̈. Caw yiclum tzyutj sb'a ya'n servil Cristo 'a e cal ta'.

Chuj San Mateo Bible

⁷ Aton jun tic b'aj sc'ayb'ejnac ex vin̈aj Epafras. A vin̈ tic, sco xajanej co b'a yed' vin̈, yujto quetmunlajvumal co b'a. Te emnaquilal yac'an servil Cristo vin̈ d'a e cal ta'.

A Scarta San Pablo D'a Eb' Aj Colosas 1:7 Iomraidhean Croise

Nm 12:7

Palta ax yet' in checb' Moisés, man̈ 'ichcta tzwutej, yujto cojn wal jun in checb' tic caw yiclum tzyutj sb'a 'a scal eb' wico',

Mt 18:29

Palta tz'em cumnjoc jun 'ay sb'oc chi 'a yojltac winac. Tztew 'och 'a win 'ixtic: Caw niwn tzotj a c'ojl 'ayin, jab'jnal 'oj wac' tup in b'oc chi 'aych smasnil, xchi 'a winac.

Mt 24:45

Q'uinloc 'ay junc win patron̈ yet' eb' smoso. A eb' yiclum, eb' 'ay snab'en, atn eb' 'oj ya'ch win yopiso ya'n cuenta yatut, yet' smasnil tas 'ay 'a 'a. ¿Palta mach eb' yiclum chi tze na'a?

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

1 Co 4:2

A mach tz'ajx yopiso, yowlal caw tzyiclj wal smunlj 'a jun tz'a'n yopiso cha.

1 Co 7:25

Ax xo ex cob'stac 'ix mant 'a eyichmil, may junc schecnb'il Cajlil 'oj wal't 'ayex. A tas 'oj wal't 'ayex, mun tzin na'a. Palta a tas tzwala, smoj 'ay yel'ch 'a e sat, yujto x'o'ch sc'ojl Dios 'ayin, 'ix ya'n wopiso tic.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

Ef 5:21

Yiclum tzeyutj e b'a 'ayx junjn ex, yuj e xiwc'ojlal 'a Cristo.

A Scarta San Pablo D'a Eb' Aj Filipos 2:25

An̈jtona', tzin na'a, tecn yowlal 'oj in checb't pax cu'tac Epafrodito. Atn jun cu'tac tic e checjnac cot 'a tic, yic tzin wul ya'nc servil. Caw te'n tzyutj sb'a smunlj wet' 'a Cajlil.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

A Scarta San Pablo D'a Eb' Aj Colosas 4:7

A jun cu'tac Tíquico tic, chamc'ojlb'il cujec. Caw yiclum tzyutj sb'a smunlj 'a yic Dios. 'Aych ya'malc servil Cajlilec wet'oc. C'uxn 'oj 'at yal 'ayex, tas waj 'a tic.

A Scarta San Pablo D'a Eb' Aj Colosas 4:9

An̈jtona cu'tac Onésimo, 'oj 'at pax yet'oc. A Onésimo tic, eyit chon̈ab', caw chamc'ojlb'il cujec. Caw yiclumn̈ej tzyutj sb'a. A chawn̈ eb' tic, c'uxn 'oj 'at yal eb' 'ayex, tastc wan sb'o 'a tic.

1 Ti 4:6

Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

2 Ti 2:2

'Ay jun tzo'n̈ cuynb'il ab'jnac waln 'el 'a scal nan̈l eb' creyente. A jun tzo'n̈ cuynb'il cha, tzac' scuy eb' yiclum, eb' tztac' scuywj 'a eb' yit creyenteal.

Filemón 1:23

A cu'tac Epafras tic tzya't stzatzl a c'ojol. 'Ay 'oxt 'a preso tic wet'oc, yujto tzya'ch pax snab'en 'a Cristo Jesús.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

A Ch'an̈ Carta D'a Eb' Hebreo 3:2

A Jesús, caw yiclum xyutj sb'a 'a jun 'a'jnac yopiso. 'Icha Moisés, yiclum yutjnac sb'a 'a scal smasnil eb' yunnal Dios yet'oc.