A Scarta San Pablo D'a Eb' Aj Colosas 1:19 - Chuj San Sebastian Bible

¹⁹ A Dios caw 'aych 'a Cristo si'mb'il, yujto 'ixta tznib'ej.

Chuj San Mateo Bible

¹⁹ Ay val och Dios d'a Cristo sic'lab'il, yujto icha chi' sgana.

A Scarta San Pablo D'a Eb' Aj Colosas 1:19 Iomraidhean Croise

Lc 10:21

A 'a yic jun rato cha, caw tzalj Jesús yuj Yespíritu Dios. 'Ix yaln 'ixtic: Mamin, yajl ach 'a satcha'an̈, yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, yet' 'a eb' caw 'ay snab'en 'a sat eb' yit 'anma'il. Ax eb' 'icha 'unin, a eb' 'ix ac' 'ojcanc 'eli. 'Ixta x'aj Mamin, yujto 'ixta tza nib'ej, xchi 'a Dios.

Jn 1:16

A jun cha, caw tz'acn swach'c'ojlal. Yuj cha, tz'acn tzch'ox swach'c'ojlal chi 'ayn̈ec.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

Ef 1:23

Ax yiglesia tic, 'icha to sniwnal yaji, tz'acn tzch'oxl swach'il. A Cristo tic, tz'acn yaj pax smasnil tas yu'uj.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Ef 1:5

Til wal schamc'ojlal 'ayn̈ec. Yuj cha, yictax pecti', snajnac cani, to 'oj on̈ yunnalquec yuj Jesucristo, yujto 'ixta x'el 'a sc'ojol.

Ef 4:10

Xit'nc 'ejmi, an̈jtona spax q'ue 'a caw satcha'an̈, sec wach' tz'acn yaj 'a smasnil tas.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.